وآثق آلخٌطوُهـ
26-05-2009, 02:25 PM
السلام عليكم ورحمه الله وبركاته
اررررحبو يإعضـآء ومشرفيـن ومراقيبن منتدى ال عاطف جبـت لكم يابني عمــي بعـض قصآئد دكتور الشـعر
فـهد المكـودر وابدأعأتــــه.
( يآبـوي )
يابوي في صدري هواجيس وهمـوم=واللـي بـرك للحمـل لازم يشيلـه
قد لي شهر ما ذاقت عيونـي النـوم=ياكود غفوة ذيـب فـي كـل لليلـه
ادور الراحه عسـى خيـر مقسـوم=وشلون صارت راحتـي مستحيلـه
يابوي وانت اسمك مقدر ومحشـوم=وان تاهت اقدامـي تـراك الدليلـه
تعبـت وانـا قبّـل جبـاه وخشـوم=واجامـل اللـي مانفعنـي حصيلـه
صارت حياة الناس من يفرق السـوم=واللي ما معه فلـوس ياعزتـي لـه
قلّوا هـل النامـوس ذبّاحـة الكـوم=وكثـروا مـزودة الهـروج القليلـه
وزادوا هل النمّـات طـرادة اللـوم=هذا تحكي فيه وهـذاك تحكـي لـه
وشفنا شيوخ الاسم من غير مرسـوم=اهل البشوت اللـي كممهـا طويلـه
لو انهـا بالسيـف ومناطـح القـوم=ومداحـم الفرسـان يـوم الدبيـلـه
في ذمتي ان تشوف شجعان ورخوم=وتشوف بعض الناس يومـي شليلـه
لكنهـا شيخـة دنانـيـر وخـتـوم=وشيخ الدراهم فـوق شيـخ القبيلـه
وانا اعرف ان الناس معطى ومحروم=واللـي كتبـه الله لعـبـده يجيـلـه
لكن مهمـا عـاش لابـد لـه يـوم=يحـط وسـط الحفـره المستطيلـه
وانا لانـي ظالـم ولانـي بمظلـوم=لكـن علـي حمـول بقعـا ثقيـلـه
آجابـه الدنيـا ولانــي بمـلـزوم=اطرد ورى بـرقٍ سـرى فالمخيلـه
والله ماغبط الا كريـمٍ لـه عـزوم=المـال عنـده والنشـامـا تجيـلـه
وفي مجلسه ذا داخل وذا يبي يقـوم=وكـلٍ عقـب كرامتـه يدّعـي لـه
هذي هي الغايـه لكـن والله علـوم=ما كـل غايـه يوجـد لهـا وسيلـه
والله ما يشحنّي راع الكبر والـزوم=وراع الجميل اللـي يمـنّ بجميلـه
الطيب يتعـب كـل قـرمٍ وشغمـوم=ومايكسبـه راع اليميـن البخيـلـه
ورفيقـي اللـي مانفعنـي ولا يـوم=اخير مـن رفقتـه شـوف الحليلـه
ورفيقي اللـي فالشدايـد معـي دوم=نـذرٍِ علـي انـي مـادور بديـلـه
( المعارك ينعرف فيها الشجاع من الجبان )
ياإله الملك ياللي مالنا غيرك إلاه = وياعظيم الشان ياللي معتلي من كل شان
ارتجي عفوك ياربٍ مايخيّب من رجاه = واستجير بقدرتك من كل مكروه وهوان
عشت فالدنيا وغرتني ملذّات الحياه = يوم جات وكل يوم تنتشر لي في مكان
اختلف فكري وصرت اسير مع كل اتجاه = ماعلى بالي غير امشي فالرفاع وفالطمان
ضاع وقتي في حياةٍ مالقيت الها طراه = ولمت نفسي قبل الوم الغير يالله المستعان
ماحسبت حساب وقتي من صباحه لا مساه = ومادريت ان العمر محدود والدنيا امتحان
اسمعوها من لساني واكتبوها لي وصاه = كلمةٍ من خاطري ماهي بتبغى ترجمان
ياابن آدم مالك الا تطرق ابواب النجاه = قبل يوم يقال تكريم الجنازه بالدفان
وعظم الله اجر اخوي واحسن المولى عزاه = كلمتين وبعدها فلانٍ توفّى من زمان
انتهى وقته وكل اللي ذكر حبّه نساه = وصار مايجمع على الدنيا مع فلان وفلان
ياخساره مال وعيال وزوجاتٍ وجاه = كلبوها راحت بلحظه ولا فيها ضمان
ماله الاّ الي عمله ولازمٍ يلقى جزاه = ياعذابٍ في جهنم او نعيمٍ في جنان
في نهارٍ فيه كل الناس حفاةٍ عراه = وساعةٍ قد يكرم الانسان فيها او يهان
مطيب اللي صالحاته دايمٍ تمشي وراه = وراح وقته جالسٍ بين الاقامه والاذان
وعزتي للي قضى عمره وهو يطرد عناه = ما كسب غير المعاصي لامقام ولا كيان
فالله الله ياآبن ادم الله الله فالصلاه = والله الله حج بيت الله وصم شهر رمضان
والله الله كان عندك مال لاتنسى الزكاه = والله الله والدينك ثم كما تدين تدان
لا تغرّك للذّة الدنيا وتسويف العصاه = ولايهمك ملك حاكم وضحكة برلمان
دامك بخير ٍ فلا تغبط ملوك ولا قضاه = احمد الله واشكره دامك تعيش امن وامان
قلتها وانا بعد ودي بلفتة انتباه = للرجال اللي لهم فالطيب تقدير ٍ وشان
الرجل لايستمع لاهل النميمه والوشاه = يتحزم بالمراجل ويتخير فالسمان
لايقول فلان قال وكلمته فيها اشتباه = يطمر الزله ليا من شافها طمر الحصان
عقب اللي زلّة ٍ من صاحبه تبحث خفاه = مادرى ان بعض الاخوه عشرها يرجع ثمان
ومطيب اللي مع مرور الوقت مايلحق مداه = من طويلين الشبور ومن وسيعين البطان
والرجل لا صار قوله من لسانه مايحماه = فيهجر فيها شوي ويربط حزام الامان
والرجل قدام تنظر فيه ناظر باخوياه = وانت تعرف عنه ماتبغي وتاخذ لك بيان
الكفو يعرف بفعله والردي جعله فداه = والفعل يظهر بشوف العين ماهو باللسان
والمواقف تظهر الطيب وترفع مستواه = والمعارك ينعرف فيها الشجاع من الجبان
هذه قصيده في الضباط المتخرجين من كلية الملك خالد العسكريه بالحرس الوطني في عام 1425ه وهي لاتعني ضبّاط القحاطين في الحرس الوطني وانما هي عامه على كل ضباط قحطان .
الاوله باسم قحطان الميامين =ارفع مراسيم الشكر والتهاني
مبروك للدفعه وقوله ملايين =ولو قلتها تكرار يعجز لساني
من بعدها باخصكم يالقحاطين =ياعزوتي من دون قاصي وداني
تخريجكم فخرٍ رجح بالموازين =وتاجٍ نشيله من مكان لمكاني
وما هي غريبه رتبة الضابط الحين !=لكن إذا ضابط وصار اقحطاني
علي الحرام ان وقفته تعجب العين =لا قالو ا ان هذا فلان الفلاني
ياقف معك لا جيت في العسر واللين =ويظهر جميله لك عيانٍ بياني
هو وين والي ضاعت افعالهم وين =مثل الجدي ولا سهيل اليماني
حنا اقحطان اليا بدا الماقف الشين =تعرف فعايلنا على كل شاني
معروف فزعتنا كلام وبراهين =عهدٍ علينا من قديم الزماني
وماهي ثواني فزعة سنين وسنين =تبقى ولو جات الدقايق ثواني
والله عطاني لو أولف دواوين =ما اقدر اوفيهم لو الله عطاني
والعمر فاني والشرف خدمة الدين=وحنا حماة الدين والعمر فاني
فيا شلة الارهاب ايسار ويمين =توبوا الى الله لايفوت الاواني
فان كان عزمتوا براي المجانين=ماهي شجاعه لو باقول التماني
يالله عساني معكم القى ميادين =واسفك دماء الارهاب يالله عساني
في ذمتي لو ينقسم عمري اثنين =لا قول عمري فدوه اول وثاني
واموت واكسب فخرها للقحاطين=الاّ حشا ان كاني ما نيب قحطاني
قصيدة رثاء في
شيخ قبائل عبيدة قحطان
والمغفور له بإذن الله تعالى
الشيخ/مترك بن ذيب بن شفلوت القحطاني
( عز أقحطان )
يالله أنك ترحمه (عزّ اقحطان) = رحمة من تحت الأرض وفوقها
مترك ابن ذيب يالله المستعان = يا عجب عين الرفيق وشوقها
فزعة اللي لا آبن عم ولا مكان = ساقته بقعاء وقام يسوقها
ومحزم اللي عودت عشرة ثمان = عقاته غبر السنين بعوقها
اشهد أنه ينفقد فعل ولسان = لا انتثر ماها وقام يحوقها
دون ربعه واقف مثل الحصان = لين يرفى خلها وفتوقها
وماخذٍ حقه على طول الزمان = ومعطي كل الرجال احقوقها
اشهد أنه مات جعله في الجنان = كلمة واجب على منطوقها
ولا لو الموت علمه مع فلان = كان وصلنا اليدين احلوقها
لكن الدنيا ومن عليها فان = سنة الخالق على مخلوقها
فيالله أنك ترحمه (عز اقحطان) = رحمةٍ من تحت الأرض وفوقها
. مناسبت القصيـدهـ حينما لقبـه الشيخ حناش ابن جار الله العرجي بدكتور الشعر :[/
من مشاعر شاعر ٍيازن كلامه= ويحتميه من الهزيله والرديه
شاعرٍ يكشف عن المعنى ظلامه= ويبتدي نسج الحروف الابجديه
ابتدى له طاري يحقق مرامه= وهاضت هجوسه وقلبه له نحيه
اللقب تاجٍ علي واحمل وسامه= يرفع الراس ويزيد المعنويه
خص من حناش من شيخ الزعامه = اللقب منّه يصير اغلى هديه
فكّاني دكتور للشعر ونظامه =أنت دكتور الشهامه والحميه
وانت كسّاب المعزّه والشهامه = وانت راع الطيب واليمنى الصخيه
لو يقولون ان على الطيب علامه = قلت يا حناش تكفيك الهويه
انت من قومٍ عوايدها الزعامه = من رجالٍ تنعرف في كل هيه
من عبيده مقدم الطيب وسنامه = عزوةٍ تشهد لها كل البريه
سعد منهم في اللقاء صاروا حزامه = محزم لّه لو على حوض المنيه
الصديق يعيش قدره واحترامه = والعدو يكوى له بتسعين كيه
وضيفهم يجلس على فراش الكرامه = والشحم له والوفاء والمقدريه
وجارهم معهم ومرفوعٍ مقامه = وما تمالوا دونه برايٍ ونيه
والخوي مالحقهم منّه ملامه = طبعهم كيف الخوي ينسى خويه
قالها اللي مايخوجل في كلامه = عاطفيٍ يعتزي بالعاطفيه
هذه القصيده في قبيلة عبيده من قحطان والتي نفتخر بها جميعا لأنها من القبائل التي تستحق الثناء والمدح وقد القيت في عيد الفطر المبارك لعام 1425ه
ذلّيل عيد وعندي العيد عيدين = عيد الفطر ومشاهدة عزوة الطيب
قالوا عبيده تعزمك لليل لاثنين = وتهدي على شوفك كثير التراحيب
قلت الشرف لي ياعبيده ملايين = أنتم هل العادات واهل المواجيب
والله لوني من ورى دولة الصين = لجي بإذن من يعلم السر والغيب
جيت وفاء عند الرجال الوفيين = ومكسب ويغني عن جميع المكاسيب
وانا لو ان لي لازم (ن ) في القحاطين = وقالوا تخيّر واحد (ن ) له تجاريب
قلت العبيدي والعبيدي على الدين = في ذمتي مايقبل النقص والعيب
أنتم هل الفزعات في الماقف الشين = لا بانت الفزعه ورى شمّخ النيب
وانتم هل الوقفات فعل وبراهين = وقول الحقيقه يطرد الشك والريب
اصغركم بطيبه رجح بالموازين = واطلق من اللي بعضهم لحيته شيب
واكبركم اللي دونوا له دواوين = وطيبه تعلّى فوق رؤوس المراقيب
قلته وانا من عزوة ( ن ) تعجب العين = جحادر (ن ) لا من عوى الذيب لذيب
حنّا وحنّا اللي كعام المعادين = لا عكرت لايام صفو المشاريب
نقدم على الداين ونوفي له الدين = بأمّات خمس وقاسيات المقاضيب
وختامها كلمة وفاء تقعد سنين = اللي يبي له لازم وظرفه صعيب
ينصى العبيدي والعبيدي على الدين = في ذمتي مايقبل النقص والعيب
قصيده في الأخ / فلاح بن عايض الدسيمي من عبيده من قحطان
راكب اللي لونها مثل البحر متشابه = ومن ركبها قام يلعن وارد النيساني
اسمها ما هوب يعرف غير عند اصحابه = وان توحيته فدورني ولا تلقاني
شوفها يمسي بقلبي دايم ويصحابه = وكنّ ربي ما خلقه يحب شي (ن) ثاني
جابها اللي من رياله يحسبون احسابه =وارد الجفالي ومن صنعة الالماني
الفياقرا ... وارفع الوسطى مع السبّابه = لأجل يذكرني راع الطاره ولا ينساني
مايحركها غير اللي فاتل(ن) اشنابه =واحد من صلب ابوي ومارثة جداني
يستدير بها وينصى اللي مشرّع بابه = الدسيمي راعي العليا زبون الجاني
عادته في الطيب سيف(ن ) نفتخر بنصابه = وقفته تعرف مع الاقصين واللي داني
ان بغيته في لزوم(ن ما تروح الابه = وان نخيته في الشدايد قال شانك شاني
فبيّض الله وجهه اي والله ومن هو جابه = راعي الوقفات لا من جيت صوبه عاني
اذكره بالطيب ابو عايض وهو كسابه= واعتبره انه من اغلى واحد(ن) في اخواني
واشهد انّه مايضايقني ياكون غيابه = واشهد انّه ينشرح صدري لا شفته جاني
وكل طيب ودّي انّي واحد من اقرابه = وكل يوم انصاه في بيته وهو ينصاني
والزلابه ما علي منّه لأنه زلابه = كرّم الله وجه من يقراء مثل حذياني
ما يضايق خاطرك غير ابّرود اعصابه = لا نخيته قال رح لفلان والاّ فلاني
آتحاشا منه وان كشّر علي بنابه = انفذ اذراعي بفعلي قبل نطق لساني
قلتها والرجل ماينفعه زين ثيابه = لو يلبّس ثوب كلّه لؤلو ومرجاني
وكل طيرٍ له جناح وعايشه مخلابه = ويرزقه من كرّم المسلم على النصراني
والذيابه من خلقها الله تعيش ذيابه = والحصان يجيك له اخو(ن) ماهوب احصاني
قلتها والكامل اللي نهتدي بكتابه = والوفاء والطيب يبقى وابن آدم فاني
قصيده بمناسبة الحمله الوطنيه ضد الارهاب
الاوله باسم الولي عالي الشان = الخالق الرازق حسين التدابير
باسمه توكلت ابتدي وارفع اعلان = مصوّره في منهج الفكر تصوير
احمله بيدي وارفعّه فوق الامتان = ويفخر به الشعب السعودي عن الغير
فيه الولاء اللي من على عهد الابوان = وحنّا عليه ومانبي فيه تذكير
وفيه الوفاء اللي يرجح بكل ميزان =ومايختلف لو صار بالوقت تغيير
عهد(ن) علينا باقي(ن) طول الازمان= ونجدده للي يقود الطوابير
اللي مشى حكمه على نهج الايمان = واللي عطى شعبه معزّه وتقدير
فهد العرب سور(ن) على كل ميدان =ورجل الوفاء اللي مايجي منه تقصير
عاش الوطن بأمن وامان = بقيادتك يامطوّر الشعب تطوير
يانسل ابو تركي وياعزّ الاوطان = وياذخر شعبك في الليالي المعاسير
ويادرعنا لاثار في الجو دخان =وياعزّنا اللي عالي(ن) بالمواكير
لك وقفت(ن) يؤخذ لها الف حسبان = ولك هيبة(ن) هزّة طوال الشناتير
مدتك فيها عدل وانصاف واحسان = وضربتك فيها للمعادين تعزير
وقفتك تنّبي عن معزّه وعرفان = وجلستك ترفع راس شعبك عن الغير
ولا هان ابو متعب راع الخير لا هان = يسّر لنا صعبات الايام تيسير
اللي على سطح الفخر والوفاء بان = واللي على العليا يسوق التباشير
والله يخلّي للمواجيب سلطان = افعال طيبه بين ورد ومصادير
والله يطول عمر نايف وسلمان = تبذل على الشعب السعودي مخاسير
اخوان نوره للوطن ظل وكنان = الله يجنّبهم سهوم المقادير
وحنّا لهم نبقى ولو كان ما كان = في كفّة(ن) اثقل من طويق والنير
وحنّا لهم رجل(ن) على قلب ولسان= خدّام اخو نوره على الشر والخير
شعب وقياده ساسها خير برهان = على مسار اهل الوجيه المسافير
امجوّدين اصل الفرائض والاركان = ومكبرين الله على الحق تكبير
واللي يعارض منهج الله غلطان = نرميه حتى نوصله قاعة البير
ماهوب منّا كل جاحد وخوان = وحتى لوان هواخو لنا نقطع السير
يخسى ماهو منّا ولا يحسب انسان= خنزير واللي يقتل النفس خنزير
الارهاب لازم نردعه قدر الامكان = ونطّهر ديار الوطن منه تطهير
وحنّا رجالك ياوطن والوعد حان = للي يفجّر في روابيك تفجير
فكره تلخبط بين حاسد وشيطان = حتى رمى به وسط حفرة زمهرير
وقدّامه جمال(ن)تعضض بالاسنان = وقافيه دعوة مسلم وصيحة صغير
مايدري انّه تالي الوقت خسران = لأن الوطن دونه رجال(ن) مناعير
تبقى علىعهد الوفاء طول الازمان = وتجدده للي يقود الطوابير
يقولها شاعر ومن رؤوس قحطان = خدّام اخو نوره على الشر والخير
قصيده في الشيخ / سعود ابن جرمان العواجي من قبيلة اكلب وذلك بعد عزيمة الشيخ / مطلق بن ناصر الدسم آل عاطف القحطاني واخيه الشيخ / نايف بن ناصر الدسم .
وذلك بعد أن عفى الشيخ العواجي عن قبيلة بني حارث من عبيده قحطان بسبب ماحصل لأبنه من أصابات بليغه نتيجه لحدوث خلاف بينه وبين احد افراد قبيلة بني حارث وبعد أقبال قحطان ومن معها من مشائخ القبائل على قبيلة بني سعد اكلب عفى الشيخ سعود العواجي ولم يقبل أي شي من المبالغ الماديه طمعا في الأجر من عندالله وكسب العلم الطيب عند قحطان فبيض الله وجه الشيخ / سعود ابن جرمان العواجي على مافعل .
ابن المكودر لابدى طاري له = يتعب على نظم البيوت الفريده
شعر( ن) ماهو سوالف(ن) في مجله = ولا هو كتابة كاتب(ن) في جريده
اخذ الخبر من شاعر(ن) ما تمله = ولا جاك بيته ودّك انّه يعيده
قصده ينومس راعي الطيب كله = اللي على شانه كتبت القصيده
هذاك ابن جرمان في وقفة له = مع ربعه اكلب وآل حارث عبيده
عفا وكن اللي حصل ما حصله = واشر على رب المخاليق بيده
الطيب طيبه والوفاء عادتله = وماهي على راس العواجي جديده
لا صار وقفات الفخر في سجله = هذي بعد محسوبة(ن) في رصيده
يستاهل وكلمة نعم تمتثله = والله على درب المراجل يزيده
ولا صارت اكلب في اللاقى عزوتله = قلت العدو تصلاه نار(ن) وقيده
ياسعد منهم دايم (ن) محزمله = لا طق في راس الحديده حديده
قلته ولا انسى اللي محلي محله = الشيخ مطلق والمواقف عديده
كل(ن) شهد وانا بعد شاهد(ن) له = الطيب يتعب له والارياء سديده
واخوه نايف دايم(ن) مسند له = عز الله انه في المواقف وليده
فلا قلت انا شيخ المراجل ندله = فترى كلامي ياهل العرف ميده
اشهد شهادة حق والشاهد الله = انه بعد عمر(ن) طويل (ن) فقيده
نسل الوفاء جعل الردي فدوتله = وجعل السنين اللي بعمره مديده
يضحك مع الغالي وكنّه اخوله = واذا لطم لطمة قعيد لقعيده
قلته ولا انسى ساس عزّي لا والله = قحطان والرؤوس العنيده عنيده
لا جاء نهار السيف الاملح تسله = واللي حربها في المواجه تبيده
حنا قحطان مدواية كل عله = اهل المواقف والسجايا الحميده
نقّدر اللي شايب(ن) حشمة له = ونثّمن اخطى اللي خطاهم بعيده
والضيف لا جانا يبي لازم له = يبشر بمطلوبه وبيته نشيده
ويبشر بعود ازرق وفنجال دله = وكرامته تفعل ونفسه سعيده
والجار نرضى من زعلنا رضى له = واللي يبيه يصير مهما يريده
والكفو ندمح له ثمانين زله = واللاش نطوي في المهمات قيده
عشنا ولا نرضى بعيشة مذله = وارواحنا يوم الملاقا شهيده
يقولها اللي لا حكى ما تمله = ولا جاك بيته ودّك انّه يعيده
ياعنيده
ياعنيده مل صبري وانتظاري = والمراره لا تزوديها مراره
ماهي بحاله رجوعك عن قراري = والحرايق في بدايتها شراره
طالبك تكفين ردي لي اعتباري = واحتكاكي معك ما ينتج حراره
لأنك اصلا من يميني لا يساري = وكل شي فيك يرجع لي قراره
اربحك مليون مره في نهاري = واعتقادي ما بعد هذي تجاره
بس مدري من قلب راسك بطاري = لين صرتي تتبعينه في مساره
فكنت اقول السلك راس السلك عاري = احذري يا بنت والدنيا شطاره
لين طحتي في متاهات الغداري = مثل حلم اللي تحلم في نهاره
والا انا لبستك الثوب الحضاري = بس عذروبك ما زرّيتي زراره
فماهو بكيفي ولا هو بختياري = سوّد الله وجه قلبي باختياره
كل ما جاته ملفاتك اجّباري = احسب احسابي على قطع الاشاره
اعتبر مافيه غيرك في مساري = واعتبر نفسي على شارعك طاره
ان سريت الليل مدري وين ساري = المهم اني بجي عندك زياره
فكنت احسبك شي لازم واضطراري = ماهقيت القلب يسكن غير داره
اثرني داري وانا ماني بداري = لعنبو من حط قلبه مستشاره
ضاع وقتي اتصيّد للحباري = وانتظر حصه وحصه عند ساره
ليتني في بعض الاشياء كنت قاري = كان والله خافقي ماشب ناره
صحيح المسلم وقول البخاري = فيه شيٍ خير لك لو كنت كاره
وكانها ضاعت حياتي جيت شاري = حاجتين وباقي الدنيا خساره
اركب الفكسار ماهو بسفاري = وخوتي سلمان في قصر الاماره
( رحـت انا فيـها وقلـبي رايح من قبل فيـها )
غايبه وانا ادعي الله كل يوم(ن) في صلاتي=ياعسى ترجع علي والخافق اللي يحتريها
ودّعتني مادريت اللي بياتيني بياتي=اثرها توديعة اللي مقفي(ن) حسبي عليها
عزّرت بي من جفاها لين ماقربت وفاتي=وابتلتني في هواها يا عسى الله يبتليها
همّلتني لين حتى كدّرت عيشة حياتي=واتركتني ماحصل مني غلط منها واليها
لين جات دموع عيني مثل دجله والفراتي=ولين جات ايام عمري كل حزن(ن) يحتويها
آه ... ياخوفي لو انها ناسيه ما كان فاتي=يوم لاضاقت تجي صوبي وانا لاضقت اجيها
فليتها ترجع وتجمع كل شي(ن) من شتاتي=وتّغانم مابقالي يرحم الله والديها
اسرفت فيني بطعنات الفقر بعد الغناتي=والغناة اللي على الدنيا تحت لمسة يديها
والبلا انّها في خفوقي غير عن كل البناتي=وردة(ن) كنّها أخت يوسف ويوسف كنّه اخيها
حطّها الله فتنة العشّاق لا راحت وجاتي =وكل رجال(ن) يقول اني ابي هذي وابيها
ان تقفّاها الهواء باقول يالله النجاتي=وآعذابي .... كل ماشفت الهبايب تقتفيها
وان تنطّحها الهواء فالله عليم(ن) بالسواتي = رحت انا فيها ...وقلبي رايح(ن) من قبل فيها
بعّدها والله ماافكر فالليال المقبلاتي = ولا علي من كلمة اللي باعته لا يشتريها
ودامها مثل المطر فيني وانا مثل النباتي = علموها لا تقاطع عيني اللي ترتجيها
ولاّ انا بكتب لها ورث المحبه في وصاتي = وعقّب اللي كلمته لا قالها مايحتميها
غايبه ... وان كان غبتي ماعلى الدنيا طراتي = ارجعي فهد المكودر رايح(ن) بالحيل فيها
وهـذه مساجلـه بين شاعرنـا المبـدع والجــزل : فـهد بن مبارك المكودر وعبدالمحسن ابن جفين المشعلـي
عبدالمحـسن المشـعلي
بدعت من زيـن التماثيـل بدعـا =فيها من اللؤلؤ مزايا وصيفـه
ريضان عشب للمطر فيـه نقعـا =يعلها همـال شتـوة وصيفـه
ياراكبـن حـر تواصيـف سبعـا =ياخذ من السرحان منظر وشيفه
متخيرينه من علـي كـل فرعـا =فرع الحرار الطايعات العسيفـه
عليـه منهـو للمظاهيـر يشعـا =ضاري بسج منقشات السفيفـه
منصاك قرم في المهمـات يدعـا =حلال صعبات الامـور الكليفـه
بيبـان بيتـه للمساييـر شرعـا =ما صكها من دون جارة وضيفه
من لابـه دايـم للامجـاد تسعـا =مروين سلات السيوف الرهيفه
عدوهم يسقا مـن المـر جرعـا =قدام عرف القنبلـه والقذيفـه
يابو مبارك قلبـي شوقـاً وولعـا =قلباً يصارع للهمـوم العنيفـه
ماذاق من حـب الغناديـر نفعـا =محروق ذايب مابقا الا النصيفه
انا اشهد ان الحب للحـال يرعـا =رعي الدبا نبت الديار المريفـه
وايضاً بعد به نوع من سم الافعـا =خصوص لافارق وليف وليفـه
اليوم في ضيقات والعـام وسعـا =ذقت العنا عقب الحياة الطريفـه
العام نزرع من هوى البيض زرعا =يوم المقاصد والنوايـا نظيفـه
متسلسلاً من كـل شريـان نبعـا =قـدام يتغيـر مذاقـه وكيفـه
وليا سمعت لنايح الورق سجعـا =هيضت بلحون الغرام العفيفـه
ون طولت بالصوت هليـت دمعـا =دمعاً مثل وبل السحابه ذريفـه
واليوم عنها رادع النفـس ردعـا =من يوم لبسله اثيـاب قصيفـه
وموقعن بالعشر عشريـن وقعـا =لا ردها من غزوهـا بالنكيفـه
صلوا علي خير المخاليـق طبعـا =اعداد ما طافوا بركن شريفـه-
رد فـهد المكودر
اتمنى ان تحوز على رضاء الجميع ولكم مني كل التقدير والاحترام
يا مرحبا من حد عرعر لصنعا = ومن حد جده لين وادي حنيفه
بك يا عريب الجد سلمٍ وطبعا = خليفة الناموس نعم الخليفه
انا اشهد انك تجمع الطيب جمعا = ونفسك على كسب المراجل خفيفه
من لابةٍ تطمع للامجاد طمعا = وعدوها يمسي ويصبح بخيفه
وقت المواجه تقمع الشر قمعا = اهل الفعايل والسيوف الرهيفه
ويالمشعلي كانك على الحب تنعا = خلّ الكسافه للقلوب الكسيفه
وكانك شكيت من الهواء معك ربعا = هذا يبي مريم وهذا لطيفه
الله يجنبنا صواديف بقعا = وعزّي للعينٍ في المراجل كفيفه
سلّم على اللي في سنودٍ وطلعا = ويشهر على كسب المواجيب سيفه
وسلّم على ابن هادي واخوان رثعا = ولا جاء الشعر حبّوا لي خشم ابن ريفه
والناس كلٍ يبصر وفيه سمعا = والرابح اللي صار طيبه حليفه
والكفو يبقى فالرجاجيل ظلعا = ذخرٍ لا جات اهل النفوس الضعيفه
والضفعا يبقى فالرجاجيل ضفعا = جيفه وهو حيٍ ولا مات جيفه
وانا الردي لا شفته اقول قطعا = دوّره عند اهل الصحن والخصيفه
ولاّ الكفو يجزع من النقص جزعا = لو كان دمّه ما يوقف نزيفه
( يارفيـــــــــــق الضـــحكه لســـآنــك تعــدى حــدهـ )
يارفيق الضحكه لسانك تعدّى حدّه = وظنّي ان بعض السوالف ما لبوها داعي
كانك تحسب ان كلامك هجمةٍ مرتدّه = والله ان هجمتك ضاعت وان كلامك ضاعي
والجبل لو كانت قرون التيوس تهدّه = فانت تبطي عظم والله ما لويت ذراعي
انت مثل اللي يبي له لطمةٍ في خدّه = لين يبحث قبل مدخاله عن المطلاعي
ولاّ انا رجلٍ يموت وما يبيّح سدّه = وان غفت عينه عن العالم فقلبه واعي
الركاده حطّها الله خاتمٍ في يدّه = واللقافه كبّها للي وراها ساعي
هيه ياللي دايم تّجيب الخبر وتردّه = والله اني فالمواطي ما بنيت شراعي
الليالي علّمتني علمها من مدّه = قالت الدنيا تجارب والرجال انواعي
الصديق اللي يضد اللي يبي لك ضدّه = لا تفرط في غلاه ان شانت الاوضاعي
والصديق اللي معك ودّه ولا هو ودّه = اختصرها ... لا تدور من وراه اطماعي
والرفيق اللي يعدّك في الشقى وتعدّه = رفقته تشرى على الدنيا ولا تنباعي
والرفيق اللي ما ينفع في الرخاء والشدّه = رفقته تدفن بقاعٍ ما وراها قاعي
مااطيب اللي لا بدى له في لزومٍ سدّه = لو ما يلقى من لزومه غير كثر اوجاعي
ويقطع اللي ينعرف خاله ويعرف جدّه = وكل يوم وعلمه اللي خايبٍ يشاعي
ومااخبل اللي حطّ نفسه شيخ مااحدٍ قدّه = وهو على الدنيا ولد راعي وجدّه راعي
فعلموا اللي شوف عينه للردى ويلدّه = من يمد الصاع يجزى مثل مدّه صاعي
يتغدى من غداه احسن جعله الغدّه = ولاّ وش قربه من فنجالي ومقداعي
كل ما صدّيت من وجهه ما منّه صدّه = لعنبوه يشد منّي والفجوج اوساعي
ولاّ والله يبشر بسيفٍ قويٍ حدّه = وضربةٍ ربي خلقها تقسم الاضلاعي
وهذا ربع اللي بقوله يا شواطي جدّه = ولاّ في ذمة فهد باقي ثلاث ارباعي
وهـذي القصيـدهـ في مـدح الشيـخ محمد ابن عجيان الحبابي وهو يستاهل المدح ابو مـــهدي
ورايته بيضآء وصـح لســآن ابو مبارك
شاش ابن عاطف عقب جاب الاوله بين الرجال=والاوله ماهـي بتعطـى للضعيـف والـردي
تعطى لرجلٍ يستحق الطيب ويـروم الجـزال=وانا ولد عاطف وقحطـان العريبـه مسنـدي
الله يبيض وجه من وقف معي في كـل حـال=تو ما انطنخ راسي وششت وقلت والله يا بعدي
حنا هل الوقفات والفزعات فـي يـوم القتـال=وحنا ليا مست سروج الخيـل سقـم المعتـدي
تكفون يا ربعي عيال العـود مرويـة السـلالا=نتـم ذراي الـي يذرينـي ليـا قـل جهـدي
وانتم حزامي يا بني قحطـان والعليـا منـال=وانتم عصابة راسي المطنوخ لابـار الـردي
وانكانها ضاقت علي الارض وحمولـي ثقـال=مالي غير انخا الي طلع ذكره مثل نجم الجدي
محمد زبون الكايده لا ثقلت حمـول الجمـال=والله ما يلحقني خلاف ان حط يده فـي يـدي
ابن عجيـان الحبابـي والله انـه راس مـال=هو مسندي حتى لو ان الوقت حادينـي حـدي
وانا نخيته باسم ربعي نخـوة قـروم العيـال=وناموس قحطان العريبـه والله انـه مقصـدي
وسلامتكم
وعســىا ان تنول على رضــآكـم يابـني عمــي .
اررررحبو يإعضـآء ومشرفيـن ومراقيبن منتدى ال عاطف جبـت لكم يابني عمــي بعـض قصآئد دكتور الشـعر
فـهد المكـودر وابدأعأتــــه.
( يآبـوي )
يابوي في صدري هواجيس وهمـوم=واللـي بـرك للحمـل لازم يشيلـه
قد لي شهر ما ذاقت عيونـي النـوم=ياكود غفوة ذيـب فـي كـل لليلـه
ادور الراحه عسـى خيـر مقسـوم=وشلون صارت راحتـي مستحيلـه
يابوي وانت اسمك مقدر ومحشـوم=وان تاهت اقدامـي تـراك الدليلـه
تعبـت وانـا قبّـل جبـاه وخشـوم=واجامـل اللـي مانفعنـي حصيلـه
صارت حياة الناس من يفرق السـوم=واللي ما معه فلـوس ياعزتـي لـه
قلّوا هـل النامـوس ذبّاحـة الكـوم=وكثـروا مـزودة الهـروج القليلـه
وزادوا هل النمّـات طـرادة اللـوم=هذا تحكي فيه وهـذاك تحكـي لـه
وشفنا شيوخ الاسم من غير مرسـوم=اهل البشوت اللـي كممهـا طويلـه
لو انهـا بالسيـف ومناطـح القـوم=ومداحـم الفرسـان يـوم الدبيـلـه
في ذمتي ان تشوف شجعان ورخوم=وتشوف بعض الناس يومـي شليلـه
لكنهـا شيخـة دنانـيـر وخـتـوم=وشيخ الدراهم فـوق شيـخ القبيلـه
وانا اعرف ان الناس معطى ومحروم=واللـي كتبـه الله لعـبـده يجيـلـه
لكن مهمـا عـاش لابـد لـه يـوم=يحـط وسـط الحفـره المستطيلـه
وانا لانـي ظالـم ولانـي بمظلـوم=لكـن علـي حمـول بقعـا ثقيـلـه
آجابـه الدنيـا ولانــي بمـلـزوم=اطرد ورى بـرقٍ سـرى فالمخيلـه
والله ماغبط الا كريـمٍ لـه عـزوم=المـال عنـده والنشـامـا تجيـلـه
وفي مجلسه ذا داخل وذا يبي يقـوم=وكـلٍ عقـب كرامتـه يدّعـي لـه
هذي هي الغايـه لكـن والله علـوم=ما كـل غايـه يوجـد لهـا وسيلـه
والله ما يشحنّي راع الكبر والـزوم=وراع الجميل اللـي يمـنّ بجميلـه
الطيب يتعـب كـل قـرمٍ وشغمـوم=ومايكسبـه راع اليميـن البخيـلـه
ورفيقـي اللـي مانفعنـي ولا يـوم=اخير مـن رفقتـه شـوف الحليلـه
ورفيقي اللـي فالشدايـد معـي دوم=نـذرٍِ علـي انـي مـادور بديـلـه
( المعارك ينعرف فيها الشجاع من الجبان )
ياإله الملك ياللي مالنا غيرك إلاه = وياعظيم الشان ياللي معتلي من كل شان
ارتجي عفوك ياربٍ مايخيّب من رجاه = واستجير بقدرتك من كل مكروه وهوان
عشت فالدنيا وغرتني ملذّات الحياه = يوم جات وكل يوم تنتشر لي في مكان
اختلف فكري وصرت اسير مع كل اتجاه = ماعلى بالي غير امشي فالرفاع وفالطمان
ضاع وقتي في حياةٍ مالقيت الها طراه = ولمت نفسي قبل الوم الغير يالله المستعان
ماحسبت حساب وقتي من صباحه لا مساه = ومادريت ان العمر محدود والدنيا امتحان
اسمعوها من لساني واكتبوها لي وصاه = كلمةٍ من خاطري ماهي بتبغى ترجمان
ياابن آدم مالك الا تطرق ابواب النجاه = قبل يوم يقال تكريم الجنازه بالدفان
وعظم الله اجر اخوي واحسن المولى عزاه = كلمتين وبعدها فلانٍ توفّى من زمان
انتهى وقته وكل اللي ذكر حبّه نساه = وصار مايجمع على الدنيا مع فلان وفلان
ياخساره مال وعيال وزوجاتٍ وجاه = كلبوها راحت بلحظه ولا فيها ضمان
ماله الاّ الي عمله ولازمٍ يلقى جزاه = ياعذابٍ في جهنم او نعيمٍ في جنان
في نهارٍ فيه كل الناس حفاةٍ عراه = وساعةٍ قد يكرم الانسان فيها او يهان
مطيب اللي صالحاته دايمٍ تمشي وراه = وراح وقته جالسٍ بين الاقامه والاذان
وعزتي للي قضى عمره وهو يطرد عناه = ما كسب غير المعاصي لامقام ولا كيان
فالله الله ياآبن ادم الله الله فالصلاه = والله الله حج بيت الله وصم شهر رمضان
والله الله كان عندك مال لاتنسى الزكاه = والله الله والدينك ثم كما تدين تدان
لا تغرّك للذّة الدنيا وتسويف العصاه = ولايهمك ملك حاكم وضحكة برلمان
دامك بخير ٍ فلا تغبط ملوك ولا قضاه = احمد الله واشكره دامك تعيش امن وامان
قلتها وانا بعد ودي بلفتة انتباه = للرجال اللي لهم فالطيب تقدير ٍ وشان
الرجل لايستمع لاهل النميمه والوشاه = يتحزم بالمراجل ويتخير فالسمان
لايقول فلان قال وكلمته فيها اشتباه = يطمر الزله ليا من شافها طمر الحصان
عقب اللي زلّة ٍ من صاحبه تبحث خفاه = مادرى ان بعض الاخوه عشرها يرجع ثمان
ومطيب اللي مع مرور الوقت مايلحق مداه = من طويلين الشبور ومن وسيعين البطان
والرجل لا صار قوله من لسانه مايحماه = فيهجر فيها شوي ويربط حزام الامان
والرجل قدام تنظر فيه ناظر باخوياه = وانت تعرف عنه ماتبغي وتاخذ لك بيان
الكفو يعرف بفعله والردي جعله فداه = والفعل يظهر بشوف العين ماهو باللسان
والمواقف تظهر الطيب وترفع مستواه = والمعارك ينعرف فيها الشجاع من الجبان
هذه قصيده في الضباط المتخرجين من كلية الملك خالد العسكريه بالحرس الوطني في عام 1425ه وهي لاتعني ضبّاط القحاطين في الحرس الوطني وانما هي عامه على كل ضباط قحطان .
الاوله باسم قحطان الميامين =ارفع مراسيم الشكر والتهاني
مبروك للدفعه وقوله ملايين =ولو قلتها تكرار يعجز لساني
من بعدها باخصكم يالقحاطين =ياعزوتي من دون قاصي وداني
تخريجكم فخرٍ رجح بالموازين =وتاجٍ نشيله من مكان لمكاني
وما هي غريبه رتبة الضابط الحين !=لكن إذا ضابط وصار اقحطاني
علي الحرام ان وقفته تعجب العين =لا قالو ا ان هذا فلان الفلاني
ياقف معك لا جيت في العسر واللين =ويظهر جميله لك عيانٍ بياني
هو وين والي ضاعت افعالهم وين =مثل الجدي ولا سهيل اليماني
حنا اقحطان اليا بدا الماقف الشين =تعرف فعايلنا على كل شاني
معروف فزعتنا كلام وبراهين =عهدٍ علينا من قديم الزماني
وماهي ثواني فزعة سنين وسنين =تبقى ولو جات الدقايق ثواني
والله عطاني لو أولف دواوين =ما اقدر اوفيهم لو الله عطاني
والعمر فاني والشرف خدمة الدين=وحنا حماة الدين والعمر فاني
فيا شلة الارهاب ايسار ويمين =توبوا الى الله لايفوت الاواني
فان كان عزمتوا براي المجانين=ماهي شجاعه لو باقول التماني
يالله عساني معكم القى ميادين =واسفك دماء الارهاب يالله عساني
في ذمتي لو ينقسم عمري اثنين =لا قول عمري فدوه اول وثاني
واموت واكسب فخرها للقحاطين=الاّ حشا ان كاني ما نيب قحطاني
قصيدة رثاء في
شيخ قبائل عبيدة قحطان
والمغفور له بإذن الله تعالى
الشيخ/مترك بن ذيب بن شفلوت القحطاني
( عز أقحطان )
يالله أنك ترحمه (عزّ اقحطان) = رحمة من تحت الأرض وفوقها
مترك ابن ذيب يالله المستعان = يا عجب عين الرفيق وشوقها
فزعة اللي لا آبن عم ولا مكان = ساقته بقعاء وقام يسوقها
ومحزم اللي عودت عشرة ثمان = عقاته غبر السنين بعوقها
اشهد أنه ينفقد فعل ولسان = لا انتثر ماها وقام يحوقها
دون ربعه واقف مثل الحصان = لين يرفى خلها وفتوقها
وماخذٍ حقه على طول الزمان = ومعطي كل الرجال احقوقها
اشهد أنه مات جعله في الجنان = كلمة واجب على منطوقها
ولا لو الموت علمه مع فلان = كان وصلنا اليدين احلوقها
لكن الدنيا ومن عليها فان = سنة الخالق على مخلوقها
فيالله أنك ترحمه (عز اقحطان) = رحمةٍ من تحت الأرض وفوقها
. مناسبت القصيـدهـ حينما لقبـه الشيخ حناش ابن جار الله العرجي بدكتور الشعر :[/
من مشاعر شاعر ٍيازن كلامه= ويحتميه من الهزيله والرديه
شاعرٍ يكشف عن المعنى ظلامه= ويبتدي نسج الحروف الابجديه
ابتدى له طاري يحقق مرامه= وهاضت هجوسه وقلبه له نحيه
اللقب تاجٍ علي واحمل وسامه= يرفع الراس ويزيد المعنويه
خص من حناش من شيخ الزعامه = اللقب منّه يصير اغلى هديه
فكّاني دكتور للشعر ونظامه =أنت دكتور الشهامه والحميه
وانت كسّاب المعزّه والشهامه = وانت راع الطيب واليمنى الصخيه
لو يقولون ان على الطيب علامه = قلت يا حناش تكفيك الهويه
انت من قومٍ عوايدها الزعامه = من رجالٍ تنعرف في كل هيه
من عبيده مقدم الطيب وسنامه = عزوةٍ تشهد لها كل البريه
سعد منهم في اللقاء صاروا حزامه = محزم لّه لو على حوض المنيه
الصديق يعيش قدره واحترامه = والعدو يكوى له بتسعين كيه
وضيفهم يجلس على فراش الكرامه = والشحم له والوفاء والمقدريه
وجارهم معهم ومرفوعٍ مقامه = وما تمالوا دونه برايٍ ونيه
والخوي مالحقهم منّه ملامه = طبعهم كيف الخوي ينسى خويه
قالها اللي مايخوجل في كلامه = عاطفيٍ يعتزي بالعاطفيه
هذه القصيده في قبيلة عبيده من قحطان والتي نفتخر بها جميعا لأنها من القبائل التي تستحق الثناء والمدح وقد القيت في عيد الفطر المبارك لعام 1425ه
ذلّيل عيد وعندي العيد عيدين = عيد الفطر ومشاهدة عزوة الطيب
قالوا عبيده تعزمك لليل لاثنين = وتهدي على شوفك كثير التراحيب
قلت الشرف لي ياعبيده ملايين = أنتم هل العادات واهل المواجيب
والله لوني من ورى دولة الصين = لجي بإذن من يعلم السر والغيب
جيت وفاء عند الرجال الوفيين = ومكسب ويغني عن جميع المكاسيب
وانا لو ان لي لازم (ن ) في القحاطين = وقالوا تخيّر واحد (ن ) له تجاريب
قلت العبيدي والعبيدي على الدين = في ذمتي مايقبل النقص والعيب
أنتم هل الفزعات في الماقف الشين = لا بانت الفزعه ورى شمّخ النيب
وانتم هل الوقفات فعل وبراهين = وقول الحقيقه يطرد الشك والريب
اصغركم بطيبه رجح بالموازين = واطلق من اللي بعضهم لحيته شيب
واكبركم اللي دونوا له دواوين = وطيبه تعلّى فوق رؤوس المراقيب
قلته وانا من عزوة ( ن ) تعجب العين = جحادر (ن ) لا من عوى الذيب لذيب
حنّا وحنّا اللي كعام المعادين = لا عكرت لايام صفو المشاريب
نقدم على الداين ونوفي له الدين = بأمّات خمس وقاسيات المقاضيب
وختامها كلمة وفاء تقعد سنين = اللي يبي له لازم وظرفه صعيب
ينصى العبيدي والعبيدي على الدين = في ذمتي مايقبل النقص والعيب
قصيده في الأخ / فلاح بن عايض الدسيمي من عبيده من قحطان
راكب اللي لونها مثل البحر متشابه = ومن ركبها قام يلعن وارد النيساني
اسمها ما هوب يعرف غير عند اصحابه = وان توحيته فدورني ولا تلقاني
شوفها يمسي بقلبي دايم ويصحابه = وكنّ ربي ما خلقه يحب شي (ن) ثاني
جابها اللي من رياله يحسبون احسابه =وارد الجفالي ومن صنعة الالماني
الفياقرا ... وارفع الوسطى مع السبّابه = لأجل يذكرني راع الطاره ولا ينساني
مايحركها غير اللي فاتل(ن) اشنابه =واحد من صلب ابوي ومارثة جداني
يستدير بها وينصى اللي مشرّع بابه = الدسيمي راعي العليا زبون الجاني
عادته في الطيب سيف(ن ) نفتخر بنصابه = وقفته تعرف مع الاقصين واللي داني
ان بغيته في لزوم(ن ما تروح الابه = وان نخيته في الشدايد قال شانك شاني
فبيّض الله وجهه اي والله ومن هو جابه = راعي الوقفات لا من جيت صوبه عاني
اذكره بالطيب ابو عايض وهو كسابه= واعتبره انه من اغلى واحد(ن) في اخواني
واشهد انّه مايضايقني ياكون غيابه = واشهد انّه ينشرح صدري لا شفته جاني
وكل طيب ودّي انّي واحد من اقرابه = وكل يوم انصاه في بيته وهو ينصاني
والزلابه ما علي منّه لأنه زلابه = كرّم الله وجه من يقراء مثل حذياني
ما يضايق خاطرك غير ابّرود اعصابه = لا نخيته قال رح لفلان والاّ فلاني
آتحاشا منه وان كشّر علي بنابه = انفذ اذراعي بفعلي قبل نطق لساني
قلتها والرجل ماينفعه زين ثيابه = لو يلبّس ثوب كلّه لؤلو ومرجاني
وكل طيرٍ له جناح وعايشه مخلابه = ويرزقه من كرّم المسلم على النصراني
والذيابه من خلقها الله تعيش ذيابه = والحصان يجيك له اخو(ن) ماهوب احصاني
قلتها والكامل اللي نهتدي بكتابه = والوفاء والطيب يبقى وابن آدم فاني
قصيده بمناسبة الحمله الوطنيه ضد الارهاب
الاوله باسم الولي عالي الشان = الخالق الرازق حسين التدابير
باسمه توكلت ابتدي وارفع اعلان = مصوّره في منهج الفكر تصوير
احمله بيدي وارفعّه فوق الامتان = ويفخر به الشعب السعودي عن الغير
فيه الولاء اللي من على عهد الابوان = وحنّا عليه ومانبي فيه تذكير
وفيه الوفاء اللي يرجح بكل ميزان =ومايختلف لو صار بالوقت تغيير
عهد(ن) علينا باقي(ن) طول الازمان= ونجدده للي يقود الطوابير
اللي مشى حكمه على نهج الايمان = واللي عطى شعبه معزّه وتقدير
فهد العرب سور(ن) على كل ميدان =ورجل الوفاء اللي مايجي منه تقصير
عاش الوطن بأمن وامان = بقيادتك يامطوّر الشعب تطوير
يانسل ابو تركي وياعزّ الاوطان = وياذخر شعبك في الليالي المعاسير
ويادرعنا لاثار في الجو دخان =وياعزّنا اللي عالي(ن) بالمواكير
لك وقفت(ن) يؤخذ لها الف حسبان = ولك هيبة(ن) هزّة طوال الشناتير
مدتك فيها عدل وانصاف واحسان = وضربتك فيها للمعادين تعزير
وقفتك تنّبي عن معزّه وعرفان = وجلستك ترفع راس شعبك عن الغير
ولا هان ابو متعب راع الخير لا هان = يسّر لنا صعبات الايام تيسير
اللي على سطح الفخر والوفاء بان = واللي على العليا يسوق التباشير
والله يخلّي للمواجيب سلطان = افعال طيبه بين ورد ومصادير
والله يطول عمر نايف وسلمان = تبذل على الشعب السعودي مخاسير
اخوان نوره للوطن ظل وكنان = الله يجنّبهم سهوم المقادير
وحنّا لهم نبقى ولو كان ما كان = في كفّة(ن) اثقل من طويق والنير
وحنّا لهم رجل(ن) على قلب ولسان= خدّام اخو نوره على الشر والخير
شعب وقياده ساسها خير برهان = على مسار اهل الوجيه المسافير
امجوّدين اصل الفرائض والاركان = ومكبرين الله على الحق تكبير
واللي يعارض منهج الله غلطان = نرميه حتى نوصله قاعة البير
ماهوب منّا كل جاحد وخوان = وحتى لوان هواخو لنا نقطع السير
يخسى ماهو منّا ولا يحسب انسان= خنزير واللي يقتل النفس خنزير
الارهاب لازم نردعه قدر الامكان = ونطّهر ديار الوطن منه تطهير
وحنّا رجالك ياوطن والوعد حان = للي يفجّر في روابيك تفجير
فكره تلخبط بين حاسد وشيطان = حتى رمى به وسط حفرة زمهرير
وقدّامه جمال(ن)تعضض بالاسنان = وقافيه دعوة مسلم وصيحة صغير
مايدري انّه تالي الوقت خسران = لأن الوطن دونه رجال(ن) مناعير
تبقى علىعهد الوفاء طول الازمان = وتجدده للي يقود الطوابير
يقولها شاعر ومن رؤوس قحطان = خدّام اخو نوره على الشر والخير
قصيده في الشيخ / سعود ابن جرمان العواجي من قبيلة اكلب وذلك بعد عزيمة الشيخ / مطلق بن ناصر الدسم آل عاطف القحطاني واخيه الشيخ / نايف بن ناصر الدسم .
وذلك بعد أن عفى الشيخ العواجي عن قبيلة بني حارث من عبيده قحطان بسبب ماحصل لأبنه من أصابات بليغه نتيجه لحدوث خلاف بينه وبين احد افراد قبيلة بني حارث وبعد أقبال قحطان ومن معها من مشائخ القبائل على قبيلة بني سعد اكلب عفى الشيخ سعود العواجي ولم يقبل أي شي من المبالغ الماديه طمعا في الأجر من عندالله وكسب العلم الطيب عند قحطان فبيض الله وجه الشيخ / سعود ابن جرمان العواجي على مافعل .
ابن المكودر لابدى طاري له = يتعب على نظم البيوت الفريده
شعر( ن) ماهو سوالف(ن) في مجله = ولا هو كتابة كاتب(ن) في جريده
اخذ الخبر من شاعر(ن) ما تمله = ولا جاك بيته ودّك انّه يعيده
قصده ينومس راعي الطيب كله = اللي على شانه كتبت القصيده
هذاك ابن جرمان في وقفة له = مع ربعه اكلب وآل حارث عبيده
عفا وكن اللي حصل ما حصله = واشر على رب المخاليق بيده
الطيب طيبه والوفاء عادتله = وماهي على راس العواجي جديده
لا صار وقفات الفخر في سجله = هذي بعد محسوبة(ن) في رصيده
يستاهل وكلمة نعم تمتثله = والله على درب المراجل يزيده
ولا صارت اكلب في اللاقى عزوتله = قلت العدو تصلاه نار(ن) وقيده
ياسعد منهم دايم (ن) محزمله = لا طق في راس الحديده حديده
قلته ولا انسى اللي محلي محله = الشيخ مطلق والمواقف عديده
كل(ن) شهد وانا بعد شاهد(ن) له = الطيب يتعب له والارياء سديده
واخوه نايف دايم(ن) مسند له = عز الله انه في المواقف وليده
فلا قلت انا شيخ المراجل ندله = فترى كلامي ياهل العرف ميده
اشهد شهادة حق والشاهد الله = انه بعد عمر(ن) طويل (ن) فقيده
نسل الوفاء جعل الردي فدوتله = وجعل السنين اللي بعمره مديده
يضحك مع الغالي وكنّه اخوله = واذا لطم لطمة قعيد لقعيده
قلته ولا انسى ساس عزّي لا والله = قحطان والرؤوس العنيده عنيده
لا جاء نهار السيف الاملح تسله = واللي حربها في المواجه تبيده
حنا قحطان مدواية كل عله = اهل المواقف والسجايا الحميده
نقّدر اللي شايب(ن) حشمة له = ونثّمن اخطى اللي خطاهم بعيده
والضيف لا جانا يبي لازم له = يبشر بمطلوبه وبيته نشيده
ويبشر بعود ازرق وفنجال دله = وكرامته تفعل ونفسه سعيده
والجار نرضى من زعلنا رضى له = واللي يبيه يصير مهما يريده
والكفو ندمح له ثمانين زله = واللاش نطوي في المهمات قيده
عشنا ولا نرضى بعيشة مذله = وارواحنا يوم الملاقا شهيده
يقولها اللي لا حكى ما تمله = ولا جاك بيته ودّك انّه يعيده
ياعنيده
ياعنيده مل صبري وانتظاري = والمراره لا تزوديها مراره
ماهي بحاله رجوعك عن قراري = والحرايق في بدايتها شراره
طالبك تكفين ردي لي اعتباري = واحتكاكي معك ما ينتج حراره
لأنك اصلا من يميني لا يساري = وكل شي فيك يرجع لي قراره
اربحك مليون مره في نهاري = واعتقادي ما بعد هذي تجاره
بس مدري من قلب راسك بطاري = لين صرتي تتبعينه في مساره
فكنت اقول السلك راس السلك عاري = احذري يا بنت والدنيا شطاره
لين طحتي في متاهات الغداري = مثل حلم اللي تحلم في نهاره
والا انا لبستك الثوب الحضاري = بس عذروبك ما زرّيتي زراره
فماهو بكيفي ولا هو بختياري = سوّد الله وجه قلبي باختياره
كل ما جاته ملفاتك اجّباري = احسب احسابي على قطع الاشاره
اعتبر مافيه غيرك في مساري = واعتبر نفسي على شارعك طاره
ان سريت الليل مدري وين ساري = المهم اني بجي عندك زياره
فكنت احسبك شي لازم واضطراري = ماهقيت القلب يسكن غير داره
اثرني داري وانا ماني بداري = لعنبو من حط قلبه مستشاره
ضاع وقتي اتصيّد للحباري = وانتظر حصه وحصه عند ساره
ليتني في بعض الاشياء كنت قاري = كان والله خافقي ماشب ناره
صحيح المسلم وقول البخاري = فيه شيٍ خير لك لو كنت كاره
وكانها ضاعت حياتي جيت شاري = حاجتين وباقي الدنيا خساره
اركب الفكسار ماهو بسفاري = وخوتي سلمان في قصر الاماره
( رحـت انا فيـها وقلـبي رايح من قبل فيـها )
غايبه وانا ادعي الله كل يوم(ن) في صلاتي=ياعسى ترجع علي والخافق اللي يحتريها
ودّعتني مادريت اللي بياتيني بياتي=اثرها توديعة اللي مقفي(ن) حسبي عليها
عزّرت بي من جفاها لين ماقربت وفاتي=وابتلتني في هواها يا عسى الله يبتليها
همّلتني لين حتى كدّرت عيشة حياتي=واتركتني ماحصل مني غلط منها واليها
لين جات دموع عيني مثل دجله والفراتي=ولين جات ايام عمري كل حزن(ن) يحتويها
آه ... ياخوفي لو انها ناسيه ما كان فاتي=يوم لاضاقت تجي صوبي وانا لاضقت اجيها
فليتها ترجع وتجمع كل شي(ن) من شتاتي=وتّغانم مابقالي يرحم الله والديها
اسرفت فيني بطعنات الفقر بعد الغناتي=والغناة اللي على الدنيا تحت لمسة يديها
والبلا انّها في خفوقي غير عن كل البناتي=وردة(ن) كنّها أخت يوسف ويوسف كنّه اخيها
حطّها الله فتنة العشّاق لا راحت وجاتي =وكل رجال(ن) يقول اني ابي هذي وابيها
ان تقفّاها الهواء باقول يالله النجاتي=وآعذابي .... كل ماشفت الهبايب تقتفيها
وان تنطّحها الهواء فالله عليم(ن) بالسواتي = رحت انا فيها ...وقلبي رايح(ن) من قبل فيها
بعّدها والله ماافكر فالليال المقبلاتي = ولا علي من كلمة اللي باعته لا يشتريها
ودامها مثل المطر فيني وانا مثل النباتي = علموها لا تقاطع عيني اللي ترتجيها
ولاّ انا بكتب لها ورث المحبه في وصاتي = وعقّب اللي كلمته لا قالها مايحتميها
غايبه ... وان كان غبتي ماعلى الدنيا طراتي = ارجعي فهد المكودر رايح(ن) بالحيل فيها
وهـذه مساجلـه بين شاعرنـا المبـدع والجــزل : فـهد بن مبارك المكودر وعبدالمحسن ابن جفين المشعلـي
عبدالمحـسن المشـعلي
بدعت من زيـن التماثيـل بدعـا =فيها من اللؤلؤ مزايا وصيفـه
ريضان عشب للمطر فيـه نقعـا =يعلها همـال شتـوة وصيفـه
ياراكبـن حـر تواصيـف سبعـا =ياخذ من السرحان منظر وشيفه
متخيرينه من علـي كـل فرعـا =فرع الحرار الطايعات العسيفـه
عليـه منهـو للمظاهيـر يشعـا =ضاري بسج منقشات السفيفـه
منصاك قرم في المهمـات يدعـا =حلال صعبات الامـور الكليفـه
بيبـان بيتـه للمساييـر شرعـا =ما صكها من دون جارة وضيفه
من لابـه دايـم للامجـاد تسعـا =مروين سلات السيوف الرهيفه
عدوهم يسقا مـن المـر جرعـا =قدام عرف القنبلـه والقذيفـه
يابو مبارك قلبـي شوقـاً وولعـا =قلباً يصارع للهمـوم العنيفـه
ماذاق من حـب الغناديـر نفعـا =محروق ذايب مابقا الا النصيفه
انا اشهد ان الحب للحـال يرعـا =رعي الدبا نبت الديار المريفـه
وايضاً بعد به نوع من سم الافعـا =خصوص لافارق وليف وليفـه
اليوم في ضيقات والعـام وسعـا =ذقت العنا عقب الحياة الطريفـه
العام نزرع من هوى البيض زرعا =يوم المقاصد والنوايـا نظيفـه
متسلسلاً من كـل شريـان نبعـا =قـدام يتغيـر مذاقـه وكيفـه
وليا سمعت لنايح الورق سجعـا =هيضت بلحون الغرام العفيفـه
ون طولت بالصوت هليـت دمعـا =دمعاً مثل وبل السحابه ذريفـه
واليوم عنها رادع النفـس ردعـا =من يوم لبسله اثيـاب قصيفـه
وموقعن بالعشر عشريـن وقعـا =لا ردها من غزوهـا بالنكيفـه
صلوا علي خير المخاليـق طبعـا =اعداد ما طافوا بركن شريفـه-
رد فـهد المكودر
اتمنى ان تحوز على رضاء الجميع ولكم مني كل التقدير والاحترام
يا مرحبا من حد عرعر لصنعا = ومن حد جده لين وادي حنيفه
بك يا عريب الجد سلمٍ وطبعا = خليفة الناموس نعم الخليفه
انا اشهد انك تجمع الطيب جمعا = ونفسك على كسب المراجل خفيفه
من لابةٍ تطمع للامجاد طمعا = وعدوها يمسي ويصبح بخيفه
وقت المواجه تقمع الشر قمعا = اهل الفعايل والسيوف الرهيفه
ويالمشعلي كانك على الحب تنعا = خلّ الكسافه للقلوب الكسيفه
وكانك شكيت من الهواء معك ربعا = هذا يبي مريم وهذا لطيفه
الله يجنبنا صواديف بقعا = وعزّي للعينٍ في المراجل كفيفه
سلّم على اللي في سنودٍ وطلعا = ويشهر على كسب المواجيب سيفه
وسلّم على ابن هادي واخوان رثعا = ولا جاء الشعر حبّوا لي خشم ابن ريفه
والناس كلٍ يبصر وفيه سمعا = والرابح اللي صار طيبه حليفه
والكفو يبقى فالرجاجيل ظلعا = ذخرٍ لا جات اهل النفوس الضعيفه
والضفعا يبقى فالرجاجيل ضفعا = جيفه وهو حيٍ ولا مات جيفه
وانا الردي لا شفته اقول قطعا = دوّره عند اهل الصحن والخصيفه
ولاّ الكفو يجزع من النقص جزعا = لو كان دمّه ما يوقف نزيفه
( يارفيـــــــــــق الضـــحكه لســـآنــك تعــدى حــدهـ )
يارفيق الضحكه لسانك تعدّى حدّه = وظنّي ان بعض السوالف ما لبوها داعي
كانك تحسب ان كلامك هجمةٍ مرتدّه = والله ان هجمتك ضاعت وان كلامك ضاعي
والجبل لو كانت قرون التيوس تهدّه = فانت تبطي عظم والله ما لويت ذراعي
انت مثل اللي يبي له لطمةٍ في خدّه = لين يبحث قبل مدخاله عن المطلاعي
ولاّ انا رجلٍ يموت وما يبيّح سدّه = وان غفت عينه عن العالم فقلبه واعي
الركاده حطّها الله خاتمٍ في يدّه = واللقافه كبّها للي وراها ساعي
هيه ياللي دايم تّجيب الخبر وتردّه = والله اني فالمواطي ما بنيت شراعي
الليالي علّمتني علمها من مدّه = قالت الدنيا تجارب والرجال انواعي
الصديق اللي يضد اللي يبي لك ضدّه = لا تفرط في غلاه ان شانت الاوضاعي
والصديق اللي معك ودّه ولا هو ودّه = اختصرها ... لا تدور من وراه اطماعي
والرفيق اللي يعدّك في الشقى وتعدّه = رفقته تشرى على الدنيا ولا تنباعي
والرفيق اللي ما ينفع في الرخاء والشدّه = رفقته تدفن بقاعٍ ما وراها قاعي
مااطيب اللي لا بدى له في لزومٍ سدّه = لو ما يلقى من لزومه غير كثر اوجاعي
ويقطع اللي ينعرف خاله ويعرف جدّه = وكل يوم وعلمه اللي خايبٍ يشاعي
ومااخبل اللي حطّ نفسه شيخ مااحدٍ قدّه = وهو على الدنيا ولد راعي وجدّه راعي
فعلموا اللي شوف عينه للردى ويلدّه = من يمد الصاع يجزى مثل مدّه صاعي
يتغدى من غداه احسن جعله الغدّه = ولاّ وش قربه من فنجالي ومقداعي
كل ما صدّيت من وجهه ما منّه صدّه = لعنبوه يشد منّي والفجوج اوساعي
ولاّ والله يبشر بسيفٍ قويٍ حدّه = وضربةٍ ربي خلقها تقسم الاضلاعي
وهذا ربع اللي بقوله يا شواطي جدّه = ولاّ في ذمة فهد باقي ثلاث ارباعي
وهـذي القصيـدهـ في مـدح الشيـخ محمد ابن عجيان الحبابي وهو يستاهل المدح ابو مـــهدي
ورايته بيضآء وصـح لســآن ابو مبارك
شاش ابن عاطف عقب جاب الاوله بين الرجال=والاوله ماهـي بتعطـى للضعيـف والـردي
تعطى لرجلٍ يستحق الطيب ويـروم الجـزال=وانا ولد عاطف وقحطـان العريبـه مسنـدي
الله يبيض وجه من وقف معي في كـل حـال=تو ما انطنخ راسي وششت وقلت والله يا بعدي
حنا هل الوقفات والفزعات فـي يـوم القتـال=وحنا ليا مست سروج الخيـل سقـم المعتـدي
تكفون يا ربعي عيال العـود مرويـة السـلالا=نتـم ذراي الـي يذرينـي ليـا قـل جهـدي
وانتم حزامي يا بني قحطـان والعليـا منـال=وانتم عصابة راسي المطنوخ لابـار الـردي
وانكانها ضاقت علي الارض وحمولـي ثقـال=مالي غير انخا الي طلع ذكره مثل نجم الجدي
محمد زبون الكايده لا ثقلت حمـول الجمـال=والله ما يلحقني خلاف ان حط يده فـي يـدي
ابن عجيـان الحبابـي والله انـه راس مـال=هو مسندي حتى لو ان الوقت حادينـي حـدي
وانا نخيته باسم ربعي نخـوة قـروم العيـال=وناموس قحطان العريبـه والله انـه مقصـدي
وسلامتكم
وعســىا ان تنول على رضــآكـم يابـني عمــي .