مسفر الحواصلة
30-05-2009, 10:34 PM
البيت مريته ولا شفت راعيه = ولا شفت ضيفان الوفاء عند بابه
يابيت مايلحقك مني مشاريه = راعيك جعله مايطول غيابه
البيت منصا للنشاما وتاتيه = وراعيه لبس الطيب لبسه ثيابه
يعيش بيت الطيب ويعيش بانيه = ويبقى ذخر جار ورفيق ولابه
شيخ رقى بالمجد قمة مباديه = لو عانده وقته يزيده مهابه
واللي سعى للطيب تثمر مساعيه= تقول شيك مودعه في حسابه
والمرجلة والطيب من باب تنويه = اللي يبيها ماتجي له نهابه
يرخص لها الرجال ماكان يغليه = ولجمعها يتعب ويتعب ركابه
ومن لايحوش المرجله في مباديه = تصعب عليه اليا تقافا شبابه
والرجل كثر المال ماهو بيغنيه = في ساعة كل يصفى حسابه
لابد ماقصاف الاجال يطويه = ونهايته قبر يلايم ترابه
الطيب يبقي ذكر شخصه ويحييه = ولا الردي لامات ماحد درا به
المستحيل ان فاقد الشيء يعطيه = علم بها اللي زاد بيته هبابه
واللي حياته يجمع ريال وجنيه = يجمع لوراثه وينسى زهابه
زبده ختام الهرج واجزل معانيه = هرج الصراحه مايثير الغرابه
بيت تحاشا لاتقرب ضواحيه = وبيت تمنى وقفتك عند بابه
تحياااااااااااااااااااااااتي
يابيت مايلحقك مني مشاريه = راعيك جعله مايطول غيابه
البيت منصا للنشاما وتاتيه = وراعيه لبس الطيب لبسه ثيابه
يعيش بيت الطيب ويعيش بانيه = ويبقى ذخر جار ورفيق ولابه
شيخ رقى بالمجد قمة مباديه = لو عانده وقته يزيده مهابه
واللي سعى للطيب تثمر مساعيه= تقول شيك مودعه في حسابه
والمرجلة والطيب من باب تنويه = اللي يبيها ماتجي له نهابه
يرخص لها الرجال ماكان يغليه = ولجمعها يتعب ويتعب ركابه
ومن لايحوش المرجله في مباديه = تصعب عليه اليا تقافا شبابه
والرجل كثر المال ماهو بيغنيه = في ساعة كل يصفى حسابه
لابد ماقصاف الاجال يطويه = ونهايته قبر يلايم ترابه
الطيب يبقي ذكر شخصه ويحييه = ولا الردي لامات ماحد درا به
المستحيل ان فاقد الشيء يعطيه = علم بها اللي زاد بيته هبابه
واللي حياته يجمع ريال وجنيه = يجمع لوراثه وينسى زهابه
زبده ختام الهرج واجزل معانيه = هرج الصراحه مايثير الغرابه
بيت تحاشا لاتقرب ضواحيه = وبيت تمنى وقفتك عند بابه
تحياااااااااااااااااااااااتي