مساجله شعريه ..فهد المكودر و هادي بن حفيش [الأرشيف]

مشاهدة النسخة كاملة : مساجله شعريه ..فهد المكودر و هادي بن حفيش

خشم طويق

07-04-2009, 10:59 AM

السلام عليكم ورحمة الله وبركاته

استغلينا فرصة تواجد الشاعر الكبير ..هادي بن حفيش آل مسعود ..

ودكتور الشعر فهد المكودر آل عاطف ..في اجتماع خاص في منزلنا..

لإجراء نوع من المساجله الشعريه .. لإ ضفاء نوع من التجديد في الجلسه..

وخرجنا ..بالتالي .. والعذر على نقص بعض ألابيات ...

جرت المساجله ..تحت مسامعنا .. وكتبت بمجهودنا .. ولم تنقل ..وهي حصريه ..

من أرآد نقلها يذكر المصدر ..حفظاً للحقوق ..

البدايه كانت من عند الشاعر الكبير هادي بن حفيش

ولكن للأسف فاتنا ..
.................................................. ....

المكودر..

يا مرحبا باللي وصلني مقاله &&& ترحيبة ابو دباس يوم اقبل دباس ..

تنصى الرفيق اللي ينومس مجاله&&&وبيته على الطالآت مبني على ساس..

هادي زبون المرجله والشكاله &&&هو محزمي لا احتاجت الناس للناس ..

..........................................

ابن حفيش ..

القرم مثلك طيب الله فاله &&& شهم شجاع لك على الخيل مرواس ..

ذبّ الطويل اللي طويل ظلاله &&& وابشر بعزك محزم لك ولا باس ..

........................................

المكودر ..

عاداتكم كسب الوفا والجماله &&& من يومها كسب على قب الافراس ..

واللي مثل شرواك أجي واعنا له &&&والا الردي تكرم مالي معه مجلاس..

..........................................

ابن حفيش..

يعيش من تارد على الما حباله &&&في ساعة فيها البلاعيم يباس ..

يقولها عود عمامه خواله &&&ويسوقها للي كسب كل نوماس ..

يوم المزاين محتميها لحاله &&& ابن المكودر ما عليها تلباس ..

.................................................. ...........................

وهنا انتهت المساجله الشعريه ..مع العلم انها قد حصلت بينهم مساجله في وقت سابق..

يقول فهد المكودر .....

سلام الله من أعماق الضمير لهادي بن حفيش &&سلام يختلط به ريح مسك وزعفران وعود

بديته والرجال لها مواقف ولاّ ليش تعيش &&&يا هادي وانت رمز من رموز اهل الوفا والجود

حذفت شماغك بيمناك واللي يسألونك ليش &&بجاوب عنك لأنك من هل الشرفا بني مسعود

هل الوقفات يوم السيف ياكل في نحور الجيش&&وهل الفزعات يوم المعركه والنار والبارود

...............................................

رد هادي بن حفيش ..

هلا يامرحبا ترحيبة ما حولها تشويش && اتوجها الحميّه يابن عاطف وافهم المقصود ..

حذفتي بغترتي معاد احسب ويش كلمة ويش && علشانك ومن شانك وفيه شهود ..

علشان اشقر من ماكره توه كفخ بالريش && على اول هدته يالله عساها له سفر وسعود ..

حذفت بها بعيد هناك ماهي حذفتن بشويش&& طماشه وافتخار فيك لإنك من عيال العود ..

.................................................. .......................

طبعاً سبب حذفة هادي ابن حفيش لشماغه .. عندما سمع قصيدة فهد المكودر في مزاين قحطان

وابن حفيش كان خارج ارض الوطن في مهمة عمل .. وكان المكان يضم بعض من القبائل الاخرى

هذا حسب ماذكره الشاعر الكبير هادي بن حفيش آل مسعود الجحدري القحطاني ..

.............................................
آمل ان يحوز هذا الموضوع على اعجابكم ..

ابو نواف
http://www.arb-up.com/files/arb-up-2008-6/iO595129.jpg (http://www.arb-up.com/)

ظافر العاطفي

07-04-2009, 02:53 PM

السلام عليكم ورحمة الله وبركاته

ارحب يا ابو نواف

يعطيك العافيه وبيض الله وجهك وصح الله السنت الشعار

بارك الله فيك

تقبل تحياتي وتقديري

خشم طويق

07-04-2009, 08:51 PM

السلام عليكم ورحمة الله وبركاته

ظافر العاطفي

كم أسعدني مداخلتك الطيبه

شـكــ وبارك الله فيك ـــرا لك ... لك مني أجمل تحية .

مروركم عطّر متصفحي

تقدير أخوك/ ابو نواف

عبدالله بن غفره

11-04-2009, 09:04 AM

لاهنت يابو نواف وبيض الله وجهك

أبيات عمالقة وجزاله غير مستغربه

الف الف شكر لك

خشم طويق

11-04-2009, 10:50 AM

اقتباس:
المشاركة الأصلية كتبت بواسطة عبدالله بن غفره العاطفي http://www.al-atf.com/vb/bme_al_atf/buttons/viewpost.gif (http://www.al-atf.com/vb/showthread.php?p=1284#post1284)
لاهنت يابو نواف وبيض الله وجهك

أبيات عمالقة وجزاله غير مستغربه

الف الف شكر لك

كم أسعدني مداخلتك الطيبه

شـكــ وبارك الله فيك ـــرا لك ... لك مني أجمل تحية .

مروركم عطّر متصفحي

تقدير أخوك/ ابو نواف

وآثق آلخٌطوُهـ

15-04-2009, 07:04 AM

اررررررررررررحب ]آخشــم طويق وبيض الله وجهك وجعلك تحيـــــــــــآ وصح لسآن دكتور الشعر وشآعر ال مســـــــــــعود

تقبل مروري

محمد العاطفي

18-04-2009, 03:14 AM

شكرا يابو نواف على الطرح الرائع

وتوني ادري ان فهد يلعب محاوره

لاهنت

خشم طويق

18-04-2009, 08:23 AM

اقتباس:
المشاركة الأصلية كتبت بواسطة آبن فهم ال عبدان http://www.al-atf.com/vb/bme_al_atf/buttons/viewpost.gif (http://www.al-atf.com/vb/showthread.php?p=2207#post2207)
اررررررررررررحب ]آخشــم طويق وبيض الله وجهك وجعلك تحيـــــــــــآ وصح لسآن دكتور الشعر وشآعر ال مســـــــــــعود

تقبل مروري

كم أسعدتني مداخلتك الطيبه

شـكــ وبارك الله فيك ـــرا ... لك مني أجمل تحية .

ومروركم عطّر متصفحي

تقدير أخوك/ ابو نواف

خشم طويق

18-04-2009, 08:24 AM

اقتباس:
المشاركة الأصلية كتبت بواسطة اصمك راس http://www.al-atf.com/vb/bme_al_atf/buttons/viewpost.gif (http://www.al-atf.com/vb/showthread.php?p=3091#post3091)
شكرا يابو نواف على الطرح الرائع

وتوني ادري ان فهد يلعب محاوره

لاهنت

كم أسعدتني مداخلتك الطيبه

شـكــ وبارك الله فيك ـــرا ... لك مني أجمل تحية .

ومروركم عطّر متصفحي

وهناك فرق بين المساجله الشعريه وبين المحاوره

تقدير أخوك/ ابو نواف

محمد العاطفي

18-04-2009, 02:00 PM