التميز بالتوقيع ؟؟!!

[خشم طويق]

السـلام عليكم ورحمة الله وبركاته




كل واحد تقريبا او أكثر الأعضاء يتميزوا بتوقيع

او صورة في صفحته نسميها توقيع !!



البعض ما يغيره او يستمر فترات طويلة

والبعض له في كل اسبوع توقيع ~




-هل التوقيع دلالة على شخصية الانسان ؟:confused:

-او تدل على الحالة النفسية والتوتر او الحالة

اللي تعيشها او يعيشها كل واحد منا ؟:eek:

خاصة والصقور مدّهرةٍ بين الربع !!:D


أشوف وش عندكم
ابو نوف

[محمد العاطفي]

ارحب يابو نواف تراحيب المطر

اسمحلي اقول اللي في خاطري نافداك

بالنسبه للتوقيع فأنا ماعرف اصمم ولا اعرف حتى يحط في المنتدى:)

ومرني رجال شرواك وصمم وحفظ ورفع في المنتدى وصلح بعد صوره رمزيه .

والله الظاهر انها بتبطي وهي مثل ماهي:D

وانت الله لايهينك نظرتك هي اللي تحكم هي حاله والا شخصيه والا الي تكون

وعلمني جعلك تسلم

تحياتي لك ومشكور على طرح الموضوع وتحليل الشخصيات:p

[وآثق آلخٌطوُهـ]

اررررررررررررررحبو يارجال تراحيب المطر لا هنت يابو نواف على الموضوع المميز

بالنسبه لتوقيع : < حالف مايحط الا بيت مدح في ال عااااااطف < لحدن يلومه في لابتـــــــــــــــــــــه ومن ناحيـــه الحاله النفسيــه والحيــآهـ الي يعيشــها انا كنـــي ابوو احزااام ( اصمك راس) ورايي من رايه
ومشكور على طرح الموضوع وتحليل الشخصيات:p

[خشم طويق]

ارحب ياصمك راس

يعني لو أنك تعرف بتغيره (هذا اللي فهمته)

بس ودي أسألك (وهذى فرصه ثانيه لك)

هل أتصلت على خويك اللي صمم لك وطلبت منه يصمم لك ثاني أو يطور توقيعك ولا لا

نشوف - ونعرف شخصيتك

[سلطان ال عمير]

أحمد الله


الله اسلمني من التحليل :d

[خشم طويق]

اررررررحب يابن فهم

الحميا تجري في عروقك - مندفع مع بني عمك - تقدس القبيله -

تفاخر بنفسك - تعالي على منهم أقل منك - تقتدي بمن تراه في مستواك أو من يحقق رغبات

هوآك - وشي ثاني مانيب قايله (مشفر) بس لاتروح بعيد تراه زين

لاهنت على مرورك

[خشم طويق]

اقتباس:
المشاركة الأصلية كتبت بواسطة سلطان ال عمير http://www.al-atf.com/vb/alatf_sh/buttons/viewpost.gif (http://www.al-atf.com/vb/showthread.php?p=9488#post9488)
أحمد الله


الله اسلمني من التحليل :d



ههههههههه هههههههه

يجيبك الله - الايام بينا - وان ابطيت شفنا اللي عند ربعنا :D

[سلطان ال عمير]

هههههههههههه

ترى منتب سابقني في تخصصي

غير خلك على الربع ولا تقربني <~ يبي يخلعه

الا وش تحليلك لتوقيع الغايب :)

[محمد العاطفي]

مغير مريره وحده او مــــــ3ــــ 4 ـــــريرتين :d

[العبداني]

خشـم طويــق . والله يا طويل العمــر . التوقيــع جاني جـاهز من واحد من الربــع

قال حطـه توقيـع ولا رديتها في خاطرهـ.

وعنـدي سؤال . ذلحيــن كيــف تحلل شخصيــه الرجـال من ( توقيــع)


لا هنت يابن عمي على الموضوع..

[عاطفي والعز عنواني]

لا هنت يابو نواف على الموضوع المميز

وشكرا لك

تقديري

[خشم طويق]

هههههههههههه

ترى منتب سابقني في تخصصي

غير خلك على الربع ولا تقربني <~ يبي يخلعه

الا وش تحليلك لتوقيع الغايب :)




هذا يابو محسن بتركه لتخصصك

لأنه صعب ما يقدر فيه الا متخصص (يبي ينشبه معه)

[خشم طويق]

خشـم طويــق . والله يا طويل العمــر . التوقيــع جاني جـاهز من واحد من الربــع

قال حطـه توقيـع ولا رديتها في خاطرهـ.

وعنـدي سؤال . ذلحيــن كيــف تحلل شخصيــه الرجـال من ( توقيــع)


لا هنت يابن عمي على الموضوع..



وأنا عندي جواب . مهوب الشيبان يعرفون الرجال من تصرفه , ومن منطوقه , وهذا تصرف ومنطوق



وبعدين لا تدقق الله يطول عمرك ترى الدعوى سهالات

مغير أخوك ( يضرب على الهقوآت كنّه صدوقي )


لاهنت يابن عمي على المرور

[ظافر العاطفي]

السلام عليكم ورحمة الله وبركاته


أررررحبوااا كلكم تراحيب الحيا


موضوع مميز جداً


ويقول المثل ان نشته والا احذفه ويقال ما يخلى منسدح <<< ما يمشي مع المتخصصين الا الامثال



والله ان التوقيع جايني من غالي شرواكم والغالي ما يجيب الا غالي



جاب الصقر والصقر من صقر لـ صقر << هو صادز



وأنا قمت احلل شخصيات وبعض الشخصيات فرعي والفرعي ما يلد له النظر


و طير شلوا سلطان ما ركب توقيع يبيني اصمم له توقيع مثل الي هو خابر اكيد يلمح لي ومستحي ابشر يا ابو محسن


ما لك الا توقيعك جاهز ومركب <<< الي انت خابر





تقديري

[دحروج الاتفاقي]

طررررح رائع

الحين في علم النفس كل شي يربطونه بشخصية الشخص

يعرفون شخصيتك من الأشكال المفضله لديك (الدائري - المثلث ....الخ)
يعرفون شخصيتك من لونك المفضل
يعرفون شخصيتك من خطك في الكتابه وتوقيعك >>> وهذا مااتعلمه في الفتره الحاليه

تصدق من زود التفنن يدرسون شخصيتك من عطستك :confused:


ومادامهم ماخلوا حتى العطسه لاتباعد يطلعون كيفيه جديد لدراسة الشخصيه من خلال التوقيع والصور الرمزيه



فكرتك حلوووه وانتظرها اشهر وتصير جزء من دراساتهم النفسيه



تحياتي دحروج الإتفاقي

[خشم طويق]

السلام عليكم ورحمة الله وبركاته


أررررحبوااا كلكم تراحيب الحيا


موضوع مميز جداً


ويقول المثل ان نشته والا احذفه ويقال ما يخلى منسدح <<< ما يمشي مع المتخصصين الا الامثال



والله ان التوقيع جايني من غالي شرواكم والغالي ما يجيب الا غالي



جاب الصقر والصقر من صقر لـ صقر << هو صادز



وأنا قمت احلل شخصيات وبعض الشخصيات فرعي والفرعي ما يلد له النظر


و طير شلوا سلطان ما ركب توقيع يبيني اصمم له توقيع مثل الي هو خابر اكيد يلمح لي ومستحي ابشر يا ابو محسن


ما لك الا توقيعك جاهز ومركب <<< الي انت خابر





تقديري

يابو عايض ... شورك وهداية الله

زين التوقيع وركبه ,, لبن عمك .. وما للرفيق الا رفيقه

وانت كريم وابو محسن يستاهل .. بس أهم شي التوقيع يناسب

شخصية سلطان ..وأنت ابخس


تحياتي لمرورك

[خشم طويق]

مررررررحبابك اخوي دحروج ,,

الرائع مرورك ,, واضافتك .. وعلم النفس ودراسة الحاله نفسياً تدخل في جميع المجالات في الدول المتقدمه

في الكشف على الحالات ,, في المقابلات الوضيفيه .. في الترقيات في التحقيقات الجنائيه


وحتى في العلاقات الحميميه



تصدق من زود التفنن يدرسون شخصيتك من عطستك :confused:

تحياتي دحروج الإتفاقي


والله ما يمديهم على شايب من الجماعه ( إذا عطس مآتدري هو يعطس والا يضحك والا يكح والا ....)

الدكتور (فل) مايقد يجيب معه نتيجه

شكرا لمرورك

[سلطان ال عمير]

أنا في وجيهكم يا ال عاطف كلكم

تمنعوني من ظافر بن عايض هو و ناقة عريمان :mad:

غير ذا كنّه مبشر ..

حرك تبلش :o



أبو نواف

أمنعني من الجبو :(

[خشم طويق]

أنا في وجيهكم يا ال عاطف كلكم

تمنعوني من ظافر بن عايض هو و ناقة عريمان :mad:

غير ذا كنّه مبشر ..

حرك تبلش :o



أبو نواف

أمنعني من الجبو :(


آآآآآآآه زبنت يا ما خوذ ..

دامك طلبته بوجيه ال عاطف .. معاد لبو عايض درب عليك

[محمد بن شايق]

فعلن التوقيع مهم في شخصية الانسان لانه يبين مايكن في خاطره ,,,,,,,,,,, اذكر على سبيل المثال انني في احد المنتديات جاني توقيع هديه من احد اعضاه مصمم على صورتي بطلب مني لانه لاحظ اني منزل صوره عشوائيه بدون تصميم وعرف رغبتي الله يطول عمره ,,,,,,,,,, تدرون ليه حاط صورتي ,,,,,,,,,,,,,,,,,,,,,,,,,,,,,,, بطلب من خويتي لاان ديارها بعيده وابيها تشاهد صورتي يوميأ ,,,, الا انها في الاشهر الاخيره تعبت الله يقوم مطيحها صارت فيها ثنتين وجع وكبر سن ,,,,,,,,,,,,,, ادعو لها بالشفا العاجل الله يجزاكم خير الجزا ,,,,,,,,,,,,,,,,,

هههههههههههههههههههههههههههههههههههههههههههههههههه ههههه

شكرأ للجميييييييييييييييييييييييييييييييييييييع

[ظافر العاطفي]

أنا في وجيهكم يا ال عاطف كلكم

تمنعوني من ظافر بن عايض هو و ناقة عريمان :mad:

غير ذا كنّه مبشر ..

حرك تبلش :o



أبو نواف

أمنعني من الجبو :(

عزالله انك زبنت يا ابو محسن


والا التصميم جاهز ما يحتر ي الا التركيب



وابشر بالسعد


لكن ان طرالك تركب توقيع علمني وابشر



تقديري

[خشم طويق]

شكرا اخوي محمد بن شايق

على الاضافه الطريفه


واسعدتنا بمشاركتك


تقديري

[خشم طويق]

عزالله انك زبنت يا ابو محسن


والا التصميم جاهز ما يحتر ي الا التركيب



وابشر بالسعد


لكن ان طرالك تركب توقيع علمني وابشر



تقديري



وافي يابو عايض .. ودايما راعي فزعه

وابو محسن بيعلمك متى يبي التوقيع

وعلى ما اعتقد انه قريب

لاهنت

[ابن سمران فالح]

جزاك الله خيرا على هذا الطرح الرائع
وتقبل مروري