وإن كان مانتب مصافيني على الشدّة..وقت الرخا ياكثر ربعي وخلاني

[محمد بن مهدي العرجاني]

أسعد الله مسائكم/صباحكم بالخير..

مماراق لي للشاعر/ سليمان بن شريم..


حي الله اللي يغيب ويسرع الردّة
اللي يجيني ليا منّه تباطاني

قلبي يحبّه وحالي كنّها القدّة
ودي بشوفه ودونه حوم عقباني

ياصاحبي جارك الله ويش هالصدّة
ماهوب حقِّ تولّعني وتنساني

إن كان عندك هرج بي خامل السدّة
فانت المصدّق وأنا حقّي وماجاني

اهرج على ماتورّى والبخت بدّه
لا تنكمر يابعد حيّي وحيّاني

تـرا حلاة الهوى لاطالت المدّة
ماهو يومٍ صديق ويوم قوماني

وإن كان مانتب مصافيني على الشدّة
وقت الرخا ياكثر ربعي وخلّاني

[نادر العاطفي]

مشكووور على الطرح الجميل

وصح لسان الشاعر ابن شريم

تقديري

[ابن سمران حمد]

صححححح الساان من قالها ولا هان ناااقلها

مشكور اخوي على طرحك الراائع

[العبدآني]

ممار راق لك راق لنا
والله يعطيك العافيه ولا هنت

[محمد بن مهدي العرجاني]

مرحبا والله ومسهلا وحياكم الله جميع ولاهنتو على المرور