محمد بن مهدي العرجاني
15-05-2010, 02:06 AM
ياهيه انا في قمـة المجـد ياهيـه
ماجات منّه ربـي اللـي عطانـي
قدري ليامن جيت اسميـه اسميـه
اما الجـدي ولا سهيـل اليمانـي
الى شرهت اعرف حدود المشاريه
مانيب اقول انـا فـلان الفلانـي
احب راع الطيب واحـب طاريـه
ياني احب اهل المواجيـب يانـي
رفيقي احترمه واعـزه واداريـه
والى نصانـي فالمواقـف لقانـي
لخطى علي ماقلت يخطي علي ليـه
مالي عيـون تشـوف ولا اذانـي
اما نتطحته وجـه مانيـب قافيـه
واللي على قلبـي يقولـه لسانـي
وبرقٍ يلوح هنـاك ياعـز واليـه
لو ماسقاني قلـت لـو ماسقانـي
اللي يخاويني على الطيب اخاويـه
ماعـده الا واحـدٍ مـن اخوانـي
خطوى العريب اللي تشرف مماشيه
نسل الرجـال معربيـن المجانـي
اللي ليا من الرجال اعتـزوا فيـه
عبارته قمنا تـرى العمـر فانـي
لاهوب ناسيني ولا نيـب ناسيـه
ان غاب جيته وان تغيبـت جانـي
اللـي يلبيلـي وانـا اقـول لبيـه
قدر وغلا ماهوب مقصـود ثانـي
والله لوقف لـه (كذيـا) واحييـه
بالدلـه ام الهيـل والزعفـرانـي
والا الردي لا راح مانيـب باكيـه
ويا جعل ابيه النـار كانـه بكانـي
الشاعر / سالــم بن جخير العرجانــي
ماجات منّه ربـي اللـي عطانـي
قدري ليامن جيت اسميـه اسميـه
اما الجـدي ولا سهيـل اليمانـي
الى شرهت اعرف حدود المشاريه
مانيب اقول انـا فـلان الفلانـي
احب راع الطيب واحـب طاريـه
ياني احب اهل المواجيـب يانـي
رفيقي احترمه واعـزه واداريـه
والى نصانـي فالمواقـف لقانـي
لخطى علي ماقلت يخطي علي ليـه
مالي عيـون تشـوف ولا اذانـي
اما نتطحته وجـه مانيـب قافيـه
واللي على قلبـي يقولـه لسانـي
وبرقٍ يلوح هنـاك ياعـز واليـه
لو ماسقاني قلـت لـو ماسقانـي
اللي يخاويني على الطيب اخاويـه
ماعـده الا واحـدٍ مـن اخوانـي
خطوى العريب اللي تشرف مماشيه
نسل الرجـال معربيـن المجانـي
اللي ليا من الرجال اعتـزوا فيـه
عبارته قمنا تـرى العمـر فانـي
لاهوب ناسيني ولا نيـب ناسيـه
ان غاب جيته وان تغيبـت جانـي
اللـي يلبيلـي وانـا اقـول لبيـه
قدر وغلا ماهوب مقصـود ثانـي
والله لوقف لـه (كذيـا) واحييـه
بالدلـه ام الهيـل والزعفـرانـي
والا الردي لا راح مانيـب باكيـه
ويا جعل ابيه النـار كانـه بكانـي
الشاعر / سالــم بن جخير العرجانــي