ال سعيدان
17-06-2010, 02:24 PM
بسم الله الرحمن الرحيم
السلام عليكم ورحمة الله وبركاته
هذه مشاركتي:
نبذه عن حياة فهد بن حمود فهيد بن فهيد بن مزهر ال نفرا الضوره ال عاطف (الملقب بالمحيشير)
تاريخ الميلاد :المسجل في البطاقه عام 1353والحقيقي 1343هجري
نبذه عن حياته:
دخل الرياض وكان عمره تقريبا12سنه مثله مثل غيره ممن يبحثون عن العمل وطلب الرزق لانه كان وحيد والدته دعجه بنت الأجرب الشاعره المعروفه المتوفاة قبل 28سنه وكان بارا بوالدته وجده وجدته لامه
ولقد مارس الشعر عندما كان عمره تقريبا 13سنه وعندما دخل الرياض كان متواجدا في حي اليمامه وتقابل مع أحمد الناصر وكان عمره 15سنه وأعجب به الشاعر المخضرم أحمد الناصر في قوة المعنى وجزالة الرد ويعد ذالك التحق بالحرس الوطني برتبة جندي سائق وكان عمره في 27 سنهوأشترك في حرب الوديعه المعروفه في ذالك الوقت وكان عمره تقريبا 30سنه ,وبعد ذالك طلبه الامير محمد بن عبدالعزيز يرحمهم الله جميعا واعفي عن العمل في الحرس الوطني حتى وفاة رحمه الله وجميع موتى المسلمين
وفاة:
دخل مستشفى الملك فيص التخصصي وكان ذالك في 25|5|1415للهجره وذالك بع مجيئي أنا والمغفور له باذن الله من رحلتنا الصيفيه في أبها التي أستغرقت 14 يوما ومكث في المستشفى حوالي أسبوعين لمعالجة
مرض القلب لأنه رحمه الله كان يعاني من مرض الشرايين وتوفي في اليوم 9|6|1415للهجره في الساعه الثانيه في منتصف الليل من يوم السبت
هذه قصيدته الالفية
ألف والف من كلام غريب ||وابدي بذكر اللي علينا رقيب=رب اليا ناداه عبده يجيب||العالي اللي في سماه متعالي
والباء بصدري هج للشعر دولاب||وانهج صندوق الضماير والابواب=(وسويت لي قاف على الطرس بكتاب)||زاج من الممزوج بالحبر سالي
والتاء ترى دنيا بن ادم مغره||لو كان تزهر ماعليها مره=الرابح اللي يجعل الله مفره||في جنته فيها قصورا عوالي
والثاء ثواب الله نحبه ونرجيه||لاجا نهار نجتمع بين أياديه=كل على الميزان بأعمال ماضيه||ورحنا شتات في يمين وشمالي
والحاء حددنا للمعاني حداني||جيل تغير باختلاف الزماني=يصرف به الصراف عشره ثماني||متساوي صرف الهلل والريالي
والجيم جيل الوقت هذا عن الامس||ابعد من المغرب على مطلع الشمس=تلقى السوالف مع بعضهم على الهمس||واقبالهم للي معه راس مالي
والخاء خبر كان معلل ومرفوع||والحق فالميزان بين وموضوع=واللي يصيح صياح مهوب مسموع||ان ماارتكا مثل الركاء للمحالي
والدال داوين عن الحق داوين||ياعارفين العلم قولوا على وين=ثم وصوا الجاهل بدنياه والدين||ترى الجهل يعمي قلوب الرجال
والذال ذا شي تعدى حدوده||متساوى الوقت نقصه وزوده=الله يوفقنا ليالي سعوده||ويفكنا من جور سود الليالي
والراء رعاع القلب ماينطح القوم||لو يعتزي مايحتمل لو طرف يوم=يحسب براد العافيه دايم الدوم||مايدري ان الشمس ضد الظلالي
والزاء زهوف الهرج لوكان ابو زيد||دايم معرض للخطاء والمناقيد=لو كان هو في كل الاحوال صنديد||عيب الرجال الكذب لاجاء مجالي
والسين سيرة القلم بالسجله|| وكتبت كل القول هزله وجله=يالله تجنبني طرق المذله||باعالم أجلي ورزقي وحالي
والشين شفت ان الدهر فيه ريبه||فيه القريب أصبح يحارب قريبه=واللي قليل المال مايندري به||لو كان ابو زيد الشجاع الهلالي
والصاد صكات الليالي على الناس||من ماضي الدنيا جداد ودراس=كل شرب له من صدوف الدهر كاس|| وكاس الدهر مابين مر وحالي
والضاد ضدات الليالي والايام||ماتو من في كل عام باثر عام=ناس وراي وناس ماشين قدام||ولانيب لا الاول ولانيب تالي
والطاء طغاء المخلوق مايرفع الروس||خذنا من الماضي تعاليم ودروس=مافي الطغاء طاعه ولافيه ناموس||والرابح اللي مع طريق العدالي
والظاء ظهورك من ظلامك الى النور||في طاعة الله يابن أدم وخذ شور=أقولها والعبد منهي ومأمور||والدين لدنيا كمال كمالي
والعين عالج ماظهر من عيوبك||وبالك يجي درب الدنس جيب ثوبك=لاتحسب ان أهل النظر مادروبك||(خوف يشهر بك بقيل وقالي)
والغين غبات البحر لاتجيها||لاصار مانتب تحسن العوم فيها=ترى الليالي حذفها في يديها||صولاتها تقطع قوي الحبالي
الفاء فقد يعقوب يوسف ولامات||ومن بكاء صارت عيونه كفيفات=يطلب بجمع الشمل عقب التشتات||وجاوب نداه اللي يجيب السوالي
القاف قالوا له كلاه أشهب الذيب||وجابوا شهادتهم بدم على الجيب=لاشك ماصاروا على الحق ومصيب||الحق مايطمس عليه الظلالي
والكاف كان الله ليعقوب فالعون ||من عقب ماهو حاير القلب محزون=هب النسيم بريح يوسف على الهون||وقال أحمد اللي رد لي من غدالي
والام لامن المفكر تفكر||فيما جرى للناس والا تذكر=شاف الدهر في كل حال يتنكر||كل صلاه من اللواهيب صالي
والميم ماشي على الله كايد||يقدر يبدل يسرها بالشدايد=محدا يرد امره اذا كان رايد||رب الملا محصي عداد الرمالي
والنون نرجي رحمة اللي عبدناه||رب اليا ضاقت علينا نصيناه=علام مافي الكون سره وجهراه||مجري سفينة نوح مرسي الجبالي
والواو واجب كل فرض نصليه||ونحرص على دين النبي مانخليه=والرجل ماله شي في الكون يرجيه||الا ثواب الله وحسن العمالي
والهاء هدانا الله لدينه ونرضاه ||لاخير فاللي يخطي الدين ممشاه=بكره حدا يعطى كتابه بيمناه||(واحد خذاه بكف يده الشمالي)
واليا يتم القول بأخر حصيله ||بازكا صلاة الفرض ثم النفيله=على نبي مرسل بالفضيله||واصحابه المرضي علبهم والآلي
[/poem]
----
نصيحه
أبدي بذكر الله على نظم الاشعار=علام مستقبل زماني وماضيه
علام مكتوم الضمير والاسرار=رب الملا تخشى عذابه وترحيبه
وخلاف ذا ياللي تطيعون الاشوار=خوذو كلام من ضميري مسويه
خوذو نصيحة حاير الفكر محتار=عاش الزمان وذاق مره وحاليه
لاتامنون الوقت فالوقت غدار=كم واحد خانت حياته لياليه
دنياه تزرع له بختري ونوار=اليوم تضحك له وبكره تبكيه
تري الفخر من قبل قصاف الاعمار=للي ستر عرضه وفرضه مصليه
وترى الفخر لمكرم الضيف والجار=واللي يعرض الروح من دون عانيه
وترى الفخر للي اليا جاه محتار=ماراح منه مفلسات اياديه
وترى الفخر للي على الوقت صبار=لاخانت الدنيا بعيد (مناصيه)
وترى الفخر للي راكب على قحص الامهار=لاجا نهار كاثرات عزاويه
هذي تماثيلي وفي الناس شعار=والحق كل ياخذه ثم يعطيه
وبيت بليا ساس تراه منهار=لو كان من فوق الثريا مبانيه
وتمت وصلى الله على سيد الابرار=صفوة قريش اللي تبعنا مماشيه
أنا والهم قفل وصندوق
يامل قلب مابقى فيه معلوق=كن الشباري من عروقه تقده
ذابت عروقه والحشى منه محروق=جرحه توسع مالقى من يسده
جاه الطبيب وزود الفتق بفتوق=لاقلت جاب دواه جاني بضده
باسباب دنيا عذبت كل مخلوق=بجنودها لاهل الوفاء مستعده
هذا تمشى به على كل طاروق=وهذا تبين وسمها فوق خده
حر جنيته من على راس شاهوق=أومي بملواحي لعله يرده
خالف وافق له غراب وغرنوق=لا وحسايف من صفق له بيده
واصيحت انا والهم قفل وصندوق=هم على قلبي قويا مشده
بنت الهلالي
يامرحبا حيا الرساله والمبشر والنذير=وانا على اصحاب المعرفه صايب قلبي نحاز
غنيت ياناصر وحركت المشاعر والضمير=والقلب فيها يرضى الصاحب حريص بالنجاز
اللي يبي يبني عماره قبل يبني يستخير=واللي يبي يزرع من الواجب يدق الارتواز
بنت الهلالي ثوبها من صوف والا من حرير=مير البلا من بيتها اللي كل جدرانه قزاز
لوني وكيل ادم على ذريته دقيت زير=لاشك حيد رزاح قالوا ماتشال ولاتراز
ياما نشوف من المشاكل من كبير وصغير=تشابهت كل المواتر بالموديل وبالطراز
ان جيت اعبر مابرايي صار راي الناس غير=نبحث ورى صامولة المسمار والمسمار باز
غنت سميره بالمراقص ثم عارضها سمير=وانا من اللجات والغوغا كثير الاشمزاز
واللي زرع حب حمر ماقيل محصوله شعير=علم بها اللي مادرى وانته سريع الانتهاز
العام ابو زيد الهلالي له ذلول وله بعير=واليوم عزر في الحطب والنار ولعها بقاز
اذكر حبيب والزلامي في قليل وفي كثير=والحضرمي والخالدي في كل فن باحتراز
هذا وانا ماني حكم بين المفتح والضرير=على طريق المعرفه ماقالوا اهل العرف جاز
وان كان ماتقدو تمييز في الورود وفي الصدير=ترى الذهب مايصرفونه في المتاجر بالبياز
واليا وردت الماء فبالك تاخذ الحبل القصير=وجنب من اعراض العباد ولاتهوز ولاتهاز
السيل الجذوب
قال ............جمل البصيري ال مسعود
ليت موترنا على طول يسحب للجنوب=والطريق مزفلت والدريول ماينوم
مهتوي راعيه للدروب ماهوب مغصوب=والزفلت مفرش من شناظيف الحزوم
مل قلب شب باقصى معاليقه شبوب=ولعوه اهل الهوى وانقسم تسعة أقسام
فرد عليه فهد بن حمود المحيشير
راكب اللي مايملون اهله من الركوب=وارد من عند زيني جديد بالرسوم
لاسحب من ديرته كنه السيل الجذوب=فوقه اللي لاضرب طرقه يقضي اللزوم
نصه اللي هاضني بالمثيال واللعوب=صامل الهدات لاهاب الربع الرخوم
ياجمل قلبي من الحب عيا لايتوب=والموده نوختني معاد احتلت اقوم
العرب قفوا بصوب وانا قفيت بصوب=سن بي سنة كفر جاد بيزه بالرقوم
حط حالي مثل حال اسعر يطلي بشوب=اجرب ويصاير الشمس مطلي ومهيوم
غير الله مايطفي من القلب ضيان اللهوب=كود جيته في الوعد مع تنكاس النجوم
سبب يمناي حيف ضربها
على السرير الابيض رقد الشاعر فهد بن حمود المحيشير في مستشفى الامير سلمان على أثر كسر في عضده اليمنى ,بعد أن تعثر في طنب خيمة الشاعر راشد بن جعيثن
فقال في ذالك الشاعر عبدالعزيز بن صالح المقبل..........
يافهيد قل لي عن يدك وش سببها=خابرك انا يافهيد منتب خموعي
فرد عليه المحيشير بالابيات التاليه...
ياراكب اللي زورها من حجبها=فتر ومطرح قفلتين وبوعي
شبر مشد بطانها من حقبها=ماخلق فيها الا ثلاثة ضلوعي
شرايها شرطةعلى اللي جلبها=حمرا ظهرها طوع والراس طوعي
لاطقها الركاب والا ندبها=فاعت مثل حرا لنسره يفوعي
تنصا الوجال اللي عريب نسبها=اهل القصور مفرقين الجموعي
تلفي لبو صالح ويلقى وجبها=اول قراها دلتين وقدوعي
وقل له سبب يمناي حيف ضربها=خمعت به ليني على عظم كوعي
يمناي عسى الله مايسبب عطبها=ماهيب في بيت قصراها دنوعي
مصيبة الله علينا كتبها=ولانيب من الحكم الكريم بجزوعي
وان كان ابو صالح علينا حسبها=يرفع لنا صوته وتجيه الفزوعي
لايتبع اللي جبهته ماتربها=يلبس عباة اسلام في ثوب شوعي
مال القراده
مال القراده من المقرود تبطش به=يبحث وراها وهو سالم ومتعافي
يمشي بثوب الهيامه ويتدروش به=لكن الايام تكشف ستره الضافي
غنا له الوقت وارهش به ورشرش به=مايدري ان الليالي تبحث عن الخافي
لاغره الوقت والشيطان شوش به=ماتنفعه قولت ياالله ياكافي
مثل الذي ينقل الميت ويبلش به=حتى يرقد معه في المرقد الدافي
واللي يشيل النعش لابد ينعش به=لوكان زسك الحرم يسعى ويطافي
بيت الردى لاتجيه ولاتحرش به=يانايم القلب واقظ قلبك الغافي
عظم تعرشه على عز وتعرش به=أخير من عيشة يسفى بها السافي
ومن يلحس الدبس ماراح يتلمش به=يجمد على شاربه يوم وينشافي
الذيب يروح بخشمه ويتنشنش به=ويجوز دون الشالي شاف ماعافي
والدم ماأحد يشيله ويتروش به=قلته وغيري يقوله ناس عرافي
ومن شال مطرق غرام النفس يفرش به=في ساعة مابها شاهد وحلافي
ويوم من العز تروى به وتعطش به=اطيب من الفين عام ذل وخفافي
والخبل لي عين القرقوش قرقش به=والا سليم الجوارح جوهرة صافي
والمخلب اللي تناول به وتنهش به=لايكسره حذفة من غير حذافي
ولاتلبس الملبس الضيق وتطفش به=ترى الملابس بهن متان ورهافي
اغنم شبابك عن الهسات وانحش به=من ماقف مال مثلك فيه ميقافي
والبوم لاحصل العشعوش عشش به=والحر مايسكن الاراس مشرافي
السلام عليكم ورحمة الله وبركاته
هذه مشاركتي:
نبذه عن حياة فهد بن حمود فهيد بن فهيد بن مزهر ال نفرا الضوره ال عاطف (الملقب بالمحيشير)
تاريخ الميلاد :المسجل في البطاقه عام 1353والحقيقي 1343هجري
نبذه عن حياته:
دخل الرياض وكان عمره تقريبا12سنه مثله مثل غيره ممن يبحثون عن العمل وطلب الرزق لانه كان وحيد والدته دعجه بنت الأجرب الشاعره المعروفه المتوفاة قبل 28سنه وكان بارا بوالدته وجده وجدته لامه
ولقد مارس الشعر عندما كان عمره تقريبا 13سنه وعندما دخل الرياض كان متواجدا في حي اليمامه وتقابل مع أحمد الناصر وكان عمره 15سنه وأعجب به الشاعر المخضرم أحمد الناصر في قوة المعنى وجزالة الرد ويعد ذالك التحق بالحرس الوطني برتبة جندي سائق وكان عمره في 27 سنهوأشترك في حرب الوديعه المعروفه في ذالك الوقت وكان عمره تقريبا 30سنه ,وبعد ذالك طلبه الامير محمد بن عبدالعزيز يرحمهم الله جميعا واعفي عن العمل في الحرس الوطني حتى وفاة رحمه الله وجميع موتى المسلمين
وفاة:
دخل مستشفى الملك فيص التخصصي وكان ذالك في 25|5|1415للهجره وذالك بع مجيئي أنا والمغفور له باذن الله من رحلتنا الصيفيه في أبها التي أستغرقت 14 يوما ومكث في المستشفى حوالي أسبوعين لمعالجة
مرض القلب لأنه رحمه الله كان يعاني من مرض الشرايين وتوفي في اليوم 9|6|1415للهجره في الساعه الثانيه في منتصف الليل من يوم السبت
هذه قصيدته الالفية
ألف والف من كلام غريب ||وابدي بذكر اللي علينا رقيب=رب اليا ناداه عبده يجيب||العالي اللي في سماه متعالي
والباء بصدري هج للشعر دولاب||وانهج صندوق الضماير والابواب=(وسويت لي قاف على الطرس بكتاب)||زاج من الممزوج بالحبر سالي
والتاء ترى دنيا بن ادم مغره||لو كان تزهر ماعليها مره=الرابح اللي يجعل الله مفره||في جنته فيها قصورا عوالي
والثاء ثواب الله نحبه ونرجيه||لاجا نهار نجتمع بين أياديه=كل على الميزان بأعمال ماضيه||ورحنا شتات في يمين وشمالي
والحاء حددنا للمعاني حداني||جيل تغير باختلاف الزماني=يصرف به الصراف عشره ثماني||متساوي صرف الهلل والريالي
والجيم جيل الوقت هذا عن الامس||ابعد من المغرب على مطلع الشمس=تلقى السوالف مع بعضهم على الهمس||واقبالهم للي معه راس مالي
والخاء خبر كان معلل ومرفوع||والحق فالميزان بين وموضوع=واللي يصيح صياح مهوب مسموع||ان ماارتكا مثل الركاء للمحالي
والدال داوين عن الحق داوين||ياعارفين العلم قولوا على وين=ثم وصوا الجاهل بدنياه والدين||ترى الجهل يعمي قلوب الرجال
والذال ذا شي تعدى حدوده||متساوى الوقت نقصه وزوده=الله يوفقنا ليالي سعوده||ويفكنا من جور سود الليالي
والراء رعاع القلب ماينطح القوم||لو يعتزي مايحتمل لو طرف يوم=يحسب براد العافيه دايم الدوم||مايدري ان الشمس ضد الظلالي
والزاء زهوف الهرج لوكان ابو زيد||دايم معرض للخطاء والمناقيد=لو كان هو في كل الاحوال صنديد||عيب الرجال الكذب لاجاء مجالي
والسين سيرة القلم بالسجله|| وكتبت كل القول هزله وجله=يالله تجنبني طرق المذله||باعالم أجلي ورزقي وحالي
والشين شفت ان الدهر فيه ريبه||فيه القريب أصبح يحارب قريبه=واللي قليل المال مايندري به||لو كان ابو زيد الشجاع الهلالي
والصاد صكات الليالي على الناس||من ماضي الدنيا جداد ودراس=كل شرب له من صدوف الدهر كاس|| وكاس الدهر مابين مر وحالي
والضاد ضدات الليالي والايام||ماتو من في كل عام باثر عام=ناس وراي وناس ماشين قدام||ولانيب لا الاول ولانيب تالي
والطاء طغاء المخلوق مايرفع الروس||خذنا من الماضي تعاليم ودروس=مافي الطغاء طاعه ولافيه ناموس||والرابح اللي مع طريق العدالي
والظاء ظهورك من ظلامك الى النور||في طاعة الله يابن أدم وخذ شور=أقولها والعبد منهي ومأمور||والدين لدنيا كمال كمالي
والعين عالج ماظهر من عيوبك||وبالك يجي درب الدنس جيب ثوبك=لاتحسب ان أهل النظر مادروبك||(خوف يشهر بك بقيل وقالي)
والغين غبات البحر لاتجيها||لاصار مانتب تحسن العوم فيها=ترى الليالي حذفها في يديها||صولاتها تقطع قوي الحبالي
الفاء فقد يعقوب يوسف ولامات||ومن بكاء صارت عيونه كفيفات=يطلب بجمع الشمل عقب التشتات||وجاوب نداه اللي يجيب السوالي
القاف قالوا له كلاه أشهب الذيب||وجابوا شهادتهم بدم على الجيب=لاشك ماصاروا على الحق ومصيب||الحق مايطمس عليه الظلالي
والكاف كان الله ليعقوب فالعون ||من عقب ماهو حاير القلب محزون=هب النسيم بريح يوسف على الهون||وقال أحمد اللي رد لي من غدالي
والام لامن المفكر تفكر||فيما جرى للناس والا تذكر=شاف الدهر في كل حال يتنكر||كل صلاه من اللواهيب صالي
والميم ماشي على الله كايد||يقدر يبدل يسرها بالشدايد=محدا يرد امره اذا كان رايد||رب الملا محصي عداد الرمالي
والنون نرجي رحمة اللي عبدناه||رب اليا ضاقت علينا نصيناه=علام مافي الكون سره وجهراه||مجري سفينة نوح مرسي الجبالي
والواو واجب كل فرض نصليه||ونحرص على دين النبي مانخليه=والرجل ماله شي في الكون يرجيه||الا ثواب الله وحسن العمالي
والهاء هدانا الله لدينه ونرضاه ||لاخير فاللي يخطي الدين ممشاه=بكره حدا يعطى كتابه بيمناه||(واحد خذاه بكف يده الشمالي)
واليا يتم القول بأخر حصيله ||بازكا صلاة الفرض ثم النفيله=على نبي مرسل بالفضيله||واصحابه المرضي علبهم والآلي
[/poem]
----
نصيحه
أبدي بذكر الله على نظم الاشعار=علام مستقبل زماني وماضيه
علام مكتوم الضمير والاسرار=رب الملا تخشى عذابه وترحيبه
وخلاف ذا ياللي تطيعون الاشوار=خوذو كلام من ضميري مسويه
خوذو نصيحة حاير الفكر محتار=عاش الزمان وذاق مره وحاليه
لاتامنون الوقت فالوقت غدار=كم واحد خانت حياته لياليه
دنياه تزرع له بختري ونوار=اليوم تضحك له وبكره تبكيه
تري الفخر من قبل قصاف الاعمار=للي ستر عرضه وفرضه مصليه
وترى الفخر لمكرم الضيف والجار=واللي يعرض الروح من دون عانيه
وترى الفخر للي اليا جاه محتار=ماراح منه مفلسات اياديه
وترى الفخر للي على الوقت صبار=لاخانت الدنيا بعيد (مناصيه)
وترى الفخر للي راكب على قحص الامهار=لاجا نهار كاثرات عزاويه
هذي تماثيلي وفي الناس شعار=والحق كل ياخذه ثم يعطيه
وبيت بليا ساس تراه منهار=لو كان من فوق الثريا مبانيه
وتمت وصلى الله على سيد الابرار=صفوة قريش اللي تبعنا مماشيه
أنا والهم قفل وصندوق
يامل قلب مابقى فيه معلوق=كن الشباري من عروقه تقده
ذابت عروقه والحشى منه محروق=جرحه توسع مالقى من يسده
جاه الطبيب وزود الفتق بفتوق=لاقلت جاب دواه جاني بضده
باسباب دنيا عذبت كل مخلوق=بجنودها لاهل الوفاء مستعده
هذا تمشى به على كل طاروق=وهذا تبين وسمها فوق خده
حر جنيته من على راس شاهوق=أومي بملواحي لعله يرده
خالف وافق له غراب وغرنوق=لا وحسايف من صفق له بيده
واصيحت انا والهم قفل وصندوق=هم على قلبي قويا مشده
بنت الهلالي
يامرحبا حيا الرساله والمبشر والنذير=وانا على اصحاب المعرفه صايب قلبي نحاز
غنيت ياناصر وحركت المشاعر والضمير=والقلب فيها يرضى الصاحب حريص بالنجاز
اللي يبي يبني عماره قبل يبني يستخير=واللي يبي يزرع من الواجب يدق الارتواز
بنت الهلالي ثوبها من صوف والا من حرير=مير البلا من بيتها اللي كل جدرانه قزاز
لوني وكيل ادم على ذريته دقيت زير=لاشك حيد رزاح قالوا ماتشال ولاتراز
ياما نشوف من المشاكل من كبير وصغير=تشابهت كل المواتر بالموديل وبالطراز
ان جيت اعبر مابرايي صار راي الناس غير=نبحث ورى صامولة المسمار والمسمار باز
غنت سميره بالمراقص ثم عارضها سمير=وانا من اللجات والغوغا كثير الاشمزاز
واللي زرع حب حمر ماقيل محصوله شعير=علم بها اللي مادرى وانته سريع الانتهاز
العام ابو زيد الهلالي له ذلول وله بعير=واليوم عزر في الحطب والنار ولعها بقاز
اذكر حبيب والزلامي في قليل وفي كثير=والحضرمي والخالدي في كل فن باحتراز
هذا وانا ماني حكم بين المفتح والضرير=على طريق المعرفه ماقالوا اهل العرف جاز
وان كان ماتقدو تمييز في الورود وفي الصدير=ترى الذهب مايصرفونه في المتاجر بالبياز
واليا وردت الماء فبالك تاخذ الحبل القصير=وجنب من اعراض العباد ولاتهوز ولاتهاز
السيل الجذوب
قال ............جمل البصيري ال مسعود
ليت موترنا على طول يسحب للجنوب=والطريق مزفلت والدريول ماينوم
مهتوي راعيه للدروب ماهوب مغصوب=والزفلت مفرش من شناظيف الحزوم
مل قلب شب باقصى معاليقه شبوب=ولعوه اهل الهوى وانقسم تسعة أقسام
فرد عليه فهد بن حمود المحيشير
راكب اللي مايملون اهله من الركوب=وارد من عند زيني جديد بالرسوم
لاسحب من ديرته كنه السيل الجذوب=فوقه اللي لاضرب طرقه يقضي اللزوم
نصه اللي هاضني بالمثيال واللعوب=صامل الهدات لاهاب الربع الرخوم
ياجمل قلبي من الحب عيا لايتوب=والموده نوختني معاد احتلت اقوم
العرب قفوا بصوب وانا قفيت بصوب=سن بي سنة كفر جاد بيزه بالرقوم
حط حالي مثل حال اسعر يطلي بشوب=اجرب ويصاير الشمس مطلي ومهيوم
غير الله مايطفي من القلب ضيان اللهوب=كود جيته في الوعد مع تنكاس النجوم
سبب يمناي حيف ضربها
على السرير الابيض رقد الشاعر فهد بن حمود المحيشير في مستشفى الامير سلمان على أثر كسر في عضده اليمنى ,بعد أن تعثر في طنب خيمة الشاعر راشد بن جعيثن
فقال في ذالك الشاعر عبدالعزيز بن صالح المقبل..........
يافهيد قل لي عن يدك وش سببها=خابرك انا يافهيد منتب خموعي
فرد عليه المحيشير بالابيات التاليه...
ياراكب اللي زورها من حجبها=فتر ومطرح قفلتين وبوعي
شبر مشد بطانها من حقبها=ماخلق فيها الا ثلاثة ضلوعي
شرايها شرطةعلى اللي جلبها=حمرا ظهرها طوع والراس طوعي
لاطقها الركاب والا ندبها=فاعت مثل حرا لنسره يفوعي
تنصا الوجال اللي عريب نسبها=اهل القصور مفرقين الجموعي
تلفي لبو صالح ويلقى وجبها=اول قراها دلتين وقدوعي
وقل له سبب يمناي حيف ضربها=خمعت به ليني على عظم كوعي
يمناي عسى الله مايسبب عطبها=ماهيب في بيت قصراها دنوعي
مصيبة الله علينا كتبها=ولانيب من الحكم الكريم بجزوعي
وان كان ابو صالح علينا حسبها=يرفع لنا صوته وتجيه الفزوعي
لايتبع اللي جبهته ماتربها=يلبس عباة اسلام في ثوب شوعي
مال القراده
مال القراده من المقرود تبطش به=يبحث وراها وهو سالم ومتعافي
يمشي بثوب الهيامه ويتدروش به=لكن الايام تكشف ستره الضافي
غنا له الوقت وارهش به ورشرش به=مايدري ان الليالي تبحث عن الخافي
لاغره الوقت والشيطان شوش به=ماتنفعه قولت ياالله ياكافي
مثل الذي ينقل الميت ويبلش به=حتى يرقد معه في المرقد الدافي
واللي يشيل النعش لابد ينعش به=لوكان زسك الحرم يسعى ويطافي
بيت الردى لاتجيه ولاتحرش به=يانايم القلب واقظ قلبك الغافي
عظم تعرشه على عز وتعرش به=أخير من عيشة يسفى بها السافي
ومن يلحس الدبس ماراح يتلمش به=يجمد على شاربه يوم وينشافي
الذيب يروح بخشمه ويتنشنش به=ويجوز دون الشالي شاف ماعافي
والدم ماأحد يشيله ويتروش به=قلته وغيري يقوله ناس عرافي
ومن شال مطرق غرام النفس يفرش به=في ساعة مابها شاهد وحلافي
ويوم من العز تروى به وتعطش به=اطيب من الفين عام ذل وخفافي
والخبل لي عين القرقوش قرقش به=والا سليم الجوارح جوهرة صافي
والمخلب اللي تناول به وتنهش به=لايكسره حذفة من غير حذافي
ولاتلبس الملبس الضيق وتطفش به=ترى الملابس بهن متان ورهافي
اغنم شبابك عن الهسات وانحش به=من ماقف مال مثلك فيه ميقافي
والبوم لاحصل العشعوش عشش به=والحر مايسكن الاراس مشرافي