وآثق آلخٌطوُهـ
03-08-2010, 12:19 AM
السلام عليكم ورحمة الله وبركاته
نمشي على دربٍ مشوا فيـه الاخيـار**أهل الوفاء وأهـل العلـوم الرفيعـه
وإلـى انتوينـا كـل دارٍ لـنـا دار**نبغي الستر مثـل الذيـاب المجيعـه
نصبر ولو شفنا بها بعـض الانكـار**النفس عـن شـوف المكـاره قنيعـه
ما قيـل والخيبـه ولا قيـل عيـار**نتعب علـى العليـا بـراس الطليعـه
هاذي سلوم الطيب وإن كنـت تختـار**كلٍّ يبـي يشـري الوفـا مـا يبيعـه
الطيب للي لـه مـع النـاس تذكـار**تنشر لـه البيضـا بـراس الرفيعـه
اما طلع ذكر الفتـى سـر و اجهـار**والاّ نزل ما له مـع النـاس شيعـه
ترى الردي وإن مات فالقبـر ستـار**مَعَـاد يهـرج بـه هـروجٍ مذيعـه
وأبا انصح اللي يفتهم بعض الاشـوار**التايـه اللـي تايـهٍ فـي مضيـعـه
نصِّيحةٍ خمس الفرايـض لهـا كـار**والنفس لازم فـي قضاهـا مطيعـه
والوالدين اصبـر وخلـك لهـم بـار**تـراه مـا يفـوز راعـي القطيعـه
وترى الخوي والضيف والرحم والجار**حقٍّ علـى العاقـل بحكـم الشريعـه
هذي سلوم الوقـت والوقـت غـدار**سيور مـا ترجـع عليـك الهزيعـه
ومن شرب حلو شرب من عقبه امرار**من طال عمره شاف منـه الفجيعـه
وقدامنـا جـنـه وقدامـنـا نــار**وترى الحظيظ اللي شفع لـه شفيعـه
هـذا كـلام اللـي مناهيجـه الـدار**والعمر راح ومـا بقـى إلاّ سبيعـه
وصلاة ربـي عـد مـن حـج زوار**على الرسول اللـي عسانـا نطيعـه
وسلامتكم
القصيدة منقووووله
نمشي على دربٍ مشوا فيـه الاخيـار**أهل الوفاء وأهـل العلـوم الرفيعـه
وإلـى انتوينـا كـل دارٍ لـنـا دار**نبغي الستر مثـل الذيـاب المجيعـه
نصبر ولو شفنا بها بعـض الانكـار**النفس عـن شـوف المكـاره قنيعـه
ما قيـل والخيبـه ولا قيـل عيـار**نتعب علـى العليـا بـراس الطليعـه
هاذي سلوم الطيب وإن كنـت تختـار**كلٍّ يبـي يشـري الوفـا مـا يبيعـه
الطيب للي لـه مـع النـاس تذكـار**تنشر لـه البيضـا بـراس الرفيعـه
اما طلع ذكر الفتـى سـر و اجهـار**والاّ نزل ما له مـع النـاس شيعـه
ترى الردي وإن مات فالقبـر ستـار**مَعَـاد يهـرج بـه هـروجٍ مذيعـه
وأبا انصح اللي يفتهم بعض الاشـوار**التايـه اللـي تايـهٍ فـي مضيـعـه
نصِّيحةٍ خمس الفرايـض لهـا كـار**والنفس لازم فـي قضاهـا مطيعـه
والوالدين اصبـر وخلـك لهـم بـار**تـراه مـا يفـوز راعـي القطيعـه
وترى الخوي والضيف والرحم والجار**حقٍّ علـى العاقـل بحكـم الشريعـه
هذي سلوم الوقـت والوقـت غـدار**سيور مـا ترجـع عليـك الهزيعـه
ومن شرب حلو شرب من عقبه امرار**من طال عمره شاف منـه الفجيعـه
وقدامنـا جـنـه وقدامـنـا نــار**وترى الحظيظ اللي شفع لـه شفيعـه
هـذا كـلام اللـي مناهيجـه الـدار**والعمر راح ومـا بقـى إلاّ سبيعـه
وصلاة ربـي عـد مـن حـج زوار**على الرسول اللـي عسانـا نطيعـه
وسلامتكم
القصيدة منقووووله