وآثق آلخٌطوُهـ
19-08-2010, 11:31 AM
يا مكثرين الهرج لا اسمع ولا اجيب =تريحوا من فضلكم واسمحوا لي
تريحوا لا تلحقون المشاهيب=على الردى ماني شفوق" عجولي
بالعقل والصبر ادب النفس تأديب=والا لها مدة تصول وتجولي
خلج" ترازم في سياج المحاديب = مافيهن اللي بالعقال معقولي
اشد وطية زور من شمخ النيب = اليا ضاع مفعول الحيل والحلولي
انا لا قولت ارتب القول ترتيب= حتى يجي كي على فك قولي
اليا رسلت لافكار القريحة مناديب= ترايعن من عقب ما هن جفولي
لكن مالي من وراها مكاسيب = لو كان عشاق القشر صفقوا لي
ما مستفيد الا العدو والاجانيب= ولا ني مطيع مقرقعين الطبولي
خليتها تعطي فجوج مجاديب = جربا تجود في رسنها مهبولي
والله لااجـنب دام لـــي درب تجـنـيـب= مـن شرهـة حشـام الرفـاقـه خجـولـي
لــو انـهــا بـيــن الـنـحـر والتـلابـيـب =مـن الحيـا وجهـي مـهـوب مغسـولـي
طـبــع لـنــا نـشــب عـلـيـه ونـشـيـب= وطـبــيــعــةٍ لـعــلــهــا مــاتـــزولـــي
عـلـى الجمـاعـه للجمـاعـه مـواجـيـب =اليا جـهـلـوا قـــدر الـرفـيـق الهـتـولـي
مانـي علـى ربعـي قـريـب محاضـيـب= ادنـــاة مايخلـيـنـي اســـرج خـيـولــي
ان جات من طيب شقاها على الطيـب =لـو انهـا اعــوج مــن رقـبـة الذلـولـي
وان جات من مسكين منطق واساليب =حطيـتـهـا بـيــن الــثــرى والـنـعـولـي
لاحـركـت شـعــره ولاطـلـعـت شـيــب =ولاضيـقـت صــدري ولاطــق جـولــي
وان كان في صبري على ميلهم عيـب =العـيـب تفتـيـش الـصـرر والحـثـولـي
لاقـمـت تـذكـر فــي رفيـقـك عـذاريــب= وتـبـيـن عـيـوبــه لــذولــي وذولــــي
صبـرك علـى ربعـك عـلاج وتطابـيـب =يـقـصـر حـبــال السـالـفـه لاتـطـولــي
حتـى مايلـقـا فــي طرفـهـا مقاضـيـب= كــــراه خــيــر وللـمـشـاكـل مـيـولــي
ولـيـا بلـيـت بتـايـهٍ شـــره وصـعـيـب =يقـول انــا الـعـراف وانــت الجهـولـي
قــــل الله الله يـاحـصــان الاطـالــيــب =يالـفـاهـم الـعـالـم عـطـيـب الفـعـولـي
هـذا الكـلام اللـي مافـي صحتـه ريــب =لانـيــب لاحـولــك ولاانـتــه بـحـولــي
حصـان وبـن حصـان طيـب مجـاذيـب= وبالمـعـرفـه رجـــلٍ مـحـلـي ودولـــي
خلـه يـروح يخطـي الــدرب ويصـيـب =يـقـول مابالـنـاس عـرضـي وطـولــي
والـفـرق مـاهـو باللـحـى والاشانـيـب= الـفـرق بـيـن الـنـاس فــرق العقـولـي
كـم واحـد ٍتحسـن بـه الـظـن ويخـيـب =الـســن يـضـحـك والـفــؤاد مـعـلـولـي
واللـي غـدت بـه كلـمـةٍ مالـهـا غـيـب =ماهو من اطيب ربعـي اللـي غـدو لـي
يالله عساهـا صيـحـةٍ فــي قـفـا ذيــب= وقـلـع النـيـا بـيـنـي وبـيـنـه يـحـولـي
الرجل مايغصب على الطيـب تغصيـب =لا صــار مـاهـو دل ضـمــن الـدلـولـي
ومن عادة اللي طيبـه يحضـر ويغيـب =لاطـالــت الـرفـقـة زهــــوقٍ مـلـولــي
والـيـا بلـنـك غـبـر الايـــام بصـحـيـب =فـي مستـوى طيبـه صـعـود ونـزولـي
اعـرف تـرى الدنيـا دروس وتجاريـب= والـكــامــل الله والـنــقــا لـلـرسـولــي
لاتصـيـر مـشـذاب يـقــص العـراقـيـب =خــلــه وراع الاولــــه وش يـقــولــي
اخــذت حكـمـه مــن كــلام اللواعـيـب =للـطـيـب نـــاس ولـلـعـذارى فـحـولـي
الشاعر / لافي الغيداني
تريحوا لا تلحقون المشاهيب=على الردى ماني شفوق" عجولي
بالعقل والصبر ادب النفس تأديب=والا لها مدة تصول وتجولي
خلج" ترازم في سياج المحاديب = مافيهن اللي بالعقال معقولي
اشد وطية زور من شمخ النيب = اليا ضاع مفعول الحيل والحلولي
انا لا قولت ارتب القول ترتيب= حتى يجي كي على فك قولي
اليا رسلت لافكار القريحة مناديب= ترايعن من عقب ما هن جفولي
لكن مالي من وراها مكاسيب = لو كان عشاق القشر صفقوا لي
ما مستفيد الا العدو والاجانيب= ولا ني مطيع مقرقعين الطبولي
خليتها تعطي فجوج مجاديب = جربا تجود في رسنها مهبولي
والله لااجـنب دام لـــي درب تجـنـيـب= مـن شرهـة حشـام الرفـاقـه خجـولـي
لــو انـهــا بـيــن الـنـحـر والتـلابـيـب =مـن الحيـا وجهـي مـهـوب مغسـولـي
طـبــع لـنــا نـشــب عـلـيـه ونـشـيـب= وطـبــيــعــةٍ لـعــلــهــا مــاتـــزولـــي
عـلـى الجمـاعـه للجمـاعـه مـواجـيـب =اليا جـهـلـوا قـــدر الـرفـيـق الهـتـولـي
مانـي علـى ربعـي قـريـب محاضـيـب= ادنـــاة مايخلـيـنـي اســـرج خـيـولــي
ان جات من طيب شقاها على الطيـب =لـو انهـا اعــوج مــن رقـبـة الذلـولـي
وان جات من مسكين منطق واساليب =حطيـتـهـا بـيــن الــثــرى والـنـعـولـي
لاحـركـت شـعــره ولاطـلـعـت شـيــب =ولاضيـقـت صــدري ولاطــق جـولــي
وان كان في صبري على ميلهم عيـب =العـيـب تفتـيـش الـصـرر والحـثـولـي
لاقـمـت تـذكـر فــي رفيـقـك عـذاريــب= وتـبـيـن عـيـوبــه لــذولــي وذولــــي
صبـرك علـى ربعـك عـلاج وتطابـيـب =يـقـصـر حـبــال السـالـفـه لاتـطـولــي
حتـى مايلـقـا فــي طرفـهـا مقاضـيـب= كــــراه خــيــر وللـمـشـاكـل مـيـولــي
ولـيـا بلـيـت بتـايـهٍ شـــره وصـعـيـب =يقـول انــا الـعـراف وانــت الجهـولـي
قــــل الله الله يـاحـصــان الاطـالــيــب =يالـفـاهـم الـعـالـم عـطـيـب الفـعـولـي
هـذا الكـلام اللـي مافـي صحتـه ريــب =لانـيــب لاحـولــك ولاانـتــه بـحـولــي
حصـان وبـن حصـان طيـب مجـاذيـب= وبالمـعـرفـه رجـــلٍ مـحـلـي ودولـــي
خلـه يـروح يخطـي الــدرب ويصـيـب =يـقـول مابالـنـاس عـرضـي وطـولــي
والـفـرق مـاهـو باللـحـى والاشانـيـب= الـفـرق بـيـن الـنـاس فــرق العقـولـي
كـم واحـد ٍتحسـن بـه الـظـن ويخـيـب =الـســن يـضـحـك والـفــؤاد مـعـلـولـي
واللـي غـدت بـه كلـمـةٍ مالـهـا غـيـب =ماهو من اطيب ربعـي اللـي غـدو لـي
يالله عساهـا صيـحـةٍ فــي قـفـا ذيــب= وقـلـع النـيـا بـيـنـي وبـيـنـه يـحـولـي
الرجل مايغصب على الطيـب تغصيـب =لا صــار مـاهـو دل ضـمــن الـدلـولـي
ومن عادة اللي طيبـه يحضـر ويغيـب =لاطـالــت الـرفـقـة زهــــوقٍ مـلـولــي
والـيـا بلـنـك غـبـر الايـــام بصـحـيـب =فـي مستـوى طيبـه صـعـود ونـزولـي
اعـرف تـرى الدنيـا دروس وتجاريـب= والـكــامــل الله والـنــقــا لـلـرسـولــي
لاتصـيـر مـشـذاب يـقــص العـراقـيـب =خــلــه وراع الاولــــه وش يـقــولــي
اخــذت حكـمـه مــن كــلام اللواعـيـب =للـطـيـب نـــاس ولـلـعـذارى فـحـولـي
الشاعر / لافي الغيداني