ظافر العاطفي
17-06-2009, 12:40 AM
بسم الله الرحمن الرحيم
السلام عليكم ورحمة الله وبركاته
أخواني أعضاء منتديات آل عاطف هذه قصائد من شعراء قحطان قالوها في الغربه وحب جماعتهم
وهذه قصيدة للمرحوم / حمد بن جريو الفهري القحطاني قالها عندما كان بعيد عن جماعته ويتوحد قربهم (وإلا فمجلاسي في بيتي كرامة )
ياطوول ماني نازل فرعة الظور = خشم الوصيل اللي يوالي تهامه
من لامني جعله من الرجل مكسور = تبطي به الوجلى ولا له سلامه
تصبرى يا عين والصبر مذكور = الصبر ما يرث لحيًا ندامه
بعد الفسق لابد يبدي لك النور = سبحان رب البيت الي ظلامه
يا الله عسى وادي هل القوز ممطور = من خشم زيد غلى جبال المصامه
هل سربة لما أقبلت كنها عور= تجعل على كبد المعادي عسامه
ياليتني معهم بالعز مقدور = فلا بد يحفر لي بثرى الارض قامه
ربعي قصير البيت ما يرقب الدور = يقدم له الفنجال ويثنى مقامه
وأن سيرت باسير على كل منعور = والا فمجلاسي في بيتي كرامه
ويادلتي والله ان لك الهيل مذخور = ما دام راسي ماطوي بالعمامة
وصلوا على الأمين بالحق مشهور = شفيعنا لاجا نهار القيامه
وهذه قصيدة للشاعر المعروف منير العاصمي عندما وصلت له قصيدة للشاعر فهاد بن مسعر جاوبه وقال
يا راكب من عندنا فوق مشكار = يشدي ظليم جافل مع حزومي
ملقاوك شهموم يهملي وحسار = هذاك أبو هزاع قرم القرومي
ان كان يشكى حب ربعه هل الكار = فان حبهم قد حط كبدي ثلومي
من شاف حالي قال يبرى بمنشار= وكثر البكى يرث بعيني هزومي
وأنا على ما قدر الرب صبار = أصبر على الدنيا بقو العزومي
أصبر مع الشيخان حكام الامدار= اللي مواكلهم بضرب الرشومي
طرش على راعي قعودٍ بالاخبار = يبغيه يعلمني وياخذ علومي
هليت به عدت هدب ورق الاشجار = طارش نقى العرض من كل لومي
راعي دلالٍ كنهن لب جمار = ولا الولع ولا قبيس النجومي
يازين صفتها على مجذب النار = على صلى نار حطبها جرومي
في بعة مرفوعية كنها الغار = لا قام يطرح كل كسر مهدومي
ونجر من المهوى جزوع و جضار = نفسه على مهواه نفس محمومي
يلج لا مازلت يديه الاصبار = أعوى ودن وصاح كنه مهضومي
وأليا أنجذب حسه على كل سمار = كم واحد ياتيه قد شبع نومي
أناسه المجلس سوالف وشعار = ولا بد ياتيهم طوارف علومي
من الفرح ما جالي أدير الافكار = ولا جالي ادور ذبيحة واسومي
جبت القعود وجبت فيسٍ وجزار = وذبح القعود وحط سبعة اقسومي
الزاد قلط لا بارد ولا حار = وصفوه على صفح المناكب يحومي
ولا يعقر عاقر كود خسار = ساعة تغدى لا القعود مغرومي
ابشر بست فوقها ستة اكوار = تشدى بتاتيل بكبر الجرومي
وثن ليا نوخ وعجل ليا ثار = كنهن شواحيف حدتها الولومي
والهجن لا فطر ولا هم بصغار = ومثني اجلو سهم بالوقومي
حراير ما طبها سر خوار = ومن المواري ما بها الا الوسومي
ماوردت شقرا ولا جات ابو غار = ولا هو رت تتلى نياق معلومي
ماورد من يوم المخاضير معبار = ترجز وهن امية وخمسين يومي
مافوقها كون الجواعد والاكوار = وصملانها منها ال1باب محرومي
وبطن مدراته على تسعة اشبار = والحقب سف والخطام معصومي
والبر من كارون والتمر قنطار = والسمن ريعه والمضير مهشومي
والها على المقيال ثنتين اضوار = تبرى خواها والعمس والحثومي
وهذه قصة قديمة وهي من أفظع القصص لما فيها من الوحشية وهي قصة خلوج ابن رومي كان تاجراً كبيراً من أهل الاحساء وعنده منائح ابل في حوش وكان له ولد وحيد ما اراد الله ان يرزقه غيره وكان لهذا غال عليه فجاء الولد الصغير عند الابل فرمحته احدى الابل وتوفى فما كان من ابن رومي الا ان ذبح ولد الناقة التي رمحت ابنه وأمامها فاخلجت عليه وظلت تحن حتى نفذ شحمها ثم لقحت ثانية وبعدما ولدت ولدها وعرفته ذبحه أمامها وهكذا صار يعاملها ثلاث مرات وفي آخر مرة ماتت بعد ذبح حوارها وقام ابن رومي وشرع في فتح صدرها فوجد الكبد قد ذابت وتفتت فلما شقوا بطنها وجدوا كبدها يابسه من شدة الحزن وصارت خلوج ابن رومي مضربا للمثل عند شعراء ومن ذلك قول الشاعر فهاد بن مسعر العاصمي وقد نزل بالاحساء بسبب الحاجة التي مسته وابعدته عن قبيلته ولم يكن عنده غير واحد اسمه نصار اخذ فهاد يخاطبه بالابيات التالية :
ياونة ونيتها يا ابن نصهار = ماونها مثلي خلوج ابن رومي
كني من الفرقا على كير بيطار = شبوبه ارطاء والستاد مهمومي
صدري كما نجر زعول وجضار = نفسه على مهواه نفس محمومي
من عقب ماني قنب صرت كمبار = سبحان من له في عبيده حكومي
ياوينهم ربعي هل الكيف والكار = اللي عليهم دارجات اعلومي
والي نزلنا منزل فيه نوار = ذا مقبل يمي وهذا يقومي
مزحي عليهم ما يجي فيه تنكار = ما أحد يبرق في ملاوي اعلومي
وقال حمد المسردي
راكب اللي يقرب البعد لامنه زما = جمس شكمانين توه من امريكا ورد
ادهم لادق سلفه وشغل واحتما = كنه يقرا سورة الله احد والله الصمد
فزته لا فز كنه بيصعد للسما = مثل حر مطلقات سبوقه للهدد
كن فزيزه مرمي رمى لكن ما رمى = فزه المطفوق واخطاه وارتاع وشرد
لاعطا حزم الجلد يرتكز عجه كما = قنف غر مرزمه في مقاديمة برد
الفطور شريق من بين شقرى وضرما = والغداء في حز جاش بلا سابق وعد
لايمي في حب جاش واهل جاش يعما = جعل ما له فوق دنياه مال ولا ولد
أخواني الكرام زوار وأعضاء منتديات آل عاطف هذا الموجود والقصص والقصائد كثيره في هذا المجال و إن شاء الله نعوضكم بقصائد وقصص آخرى و اعذرونا على القصور ان حصل 0
تقبلوا تحياتي
ظافر العاطفي
السلام عليكم ورحمة الله وبركاته
أخواني أعضاء منتديات آل عاطف هذه قصائد من شعراء قحطان قالوها في الغربه وحب جماعتهم
وهذه قصيدة للمرحوم / حمد بن جريو الفهري القحطاني قالها عندما كان بعيد عن جماعته ويتوحد قربهم (وإلا فمجلاسي في بيتي كرامة )
ياطوول ماني نازل فرعة الظور = خشم الوصيل اللي يوالي تهامه
من لامني جعله من الرجل مكسور = تبطي به الوجلى ولا له سلامه
تصبرى يا عين والصبر مذكور = الصبر ما يرث لحيًا ندامه
بعد الفسق لابد يبدي لك النور = سبحان رب البيت الي ظلامه
يا الله عسى وادي هل القوز ممطور = من خشم زيد غلى جبال المصامه
هل سربة لما أقبلت كنها عور= تجعل على كبد المعادي عسامه
ياليتني معهم بالعز مقدور = فلا بد يحفر لي بثرى الارض قامه
ربعي قصير البيت ما يرقب الدور = يقدم له الفنجال ويثنى مقامه
وأن سيرت باسير على كل منعور = والا فمجلاسي في بيتي كرامه
ويادلتي والله ان لك الهيل مذخور = ما دام راسي ماطوي بالعمامة
وصلوا على الأمين بالحق مشهور = شفيعنا لاجا نهار القيامه
وهذه قصيدة للشاعر المعروف منير العاصمي عندما وصلت له قصيدة للشاعر فهاد بن مسعر جاوبه وقال
يا راكب من عندنا فوق مشكار = يشدي ظليم جافل مع حزومي
ملقاوك شهموم يهملي وحسار = هذاك أبو هزاع قرم القرومي
ان كان يشكى حب ربعه هل الكار = فان حبهم قد حط كبدي ثلومي
من شاف حالي قال يبرى بمنشار= وكثر البكى يرث بعيني هزومي
وأنا على ما قدر الرب صبار = أصبر على الدنيا بقو العزومي
أصبر مع الشيخان حكام الامدار= اللي مواكلهم بضرب الرشومي
طرش على راعي قعودٍ بالاخبار = يبغيه يعلمني وياخذ علومي
هليت به عدت هدب ورق الاشجار = طارش نقى العرض من كل لومي
راعي دلالٍ كنهن لب جمار = ولا الولع ولا قبيس النجومي
يازين صفتها على مجذب النار = على صلى نار حطبها جرومي
في بعة مرفوعية كنها الغار = لا قام يطرح كل كسر مهدومي
ونجر من المهوى جزوع و جضار = نفسه على مهواه نفس محمومي
يلج لا مازلت يديه الاصبار = أعوى ودن وصاح كنه مهضومي
وأليا أنجذب حسه على كل سمار = كم واحد ياتيه قد شبع نومي
أناسه المجلس سوالف وشعار = ولا بد ياتيهم طوارف علومي
من الفرح ما جالي أدير الافكار = ولا جالي ادور ذبيحة واسومي
جبت القعود وجبت فيسٍ وجزار = وذبح القعود وحط سبعة اقسومي
الزاد قلط لا بارد ولا حار = وصفوه على صفح المناكب يحومي
ولا يعقر عاقر كود خسار = ساعة تغدى لا القعود مغرومي
ابشر بست فوقها ستة اكوار = تشدى بتاتيل بكبر الجرومي
وثن ليا نوخ وعجل ليا ثار = كنهن شواحيف حدتها الولومي
والهجن لا فطر ولا هم بصغار = ومثني اجلو سهم بالوقومي
حراير ما طبها سر خوار = ومن المواري ما بها الا الوسومي
ماوردت شقرا ولا جات ابو غار = ولا هو رت تتلى نياق معلومي
ماورد من يوم المخاضير معبار = ترجز وهن امية وخمسين يومي
مافوقها كون الجواعد والاكوار = وصملانها منها ال1باب محرومي
وبطن مدراته على تسعة اشبار = والحقب سف والخطام معصومي
والبر من كارون والتمر قنطار = والسمن ريعه والمضير مهشومي
والها على المقيال ثنتين اضوار = تبرى خواها والعمس والحثومي
وهذه قصة قديمة وهي من أفظع القصص لما فيها من الوحشية وهي قصة خلوج ابن رومي كان تاجراً كبيراً من أهل الاحساء وعنده منائح ابل في حوش وكان له ولد وحيد ما اراد الله ان يرزقه غيره وكان لهذا غال عليه فجاء الولد الصغير عند الابل فرمحته احدى الابل وتوفى فما كان من ابن رومي الا ان ذبح ولد الناقة التي رمحت ابنه وأمامها فاخلجت عليه وظلت تحن حتى نفذ شحمها ثم لقحت ثانية وبعدما ولدت ولدها وعرفته ذبحه أمامها وهكذا صار يعاملها ثلاث مرات وفي آخر مرة ماتت بعد ذبح حوارها وقام ابن رومي وشرع في فتح صدرها فوجد الكبد قد ذابت وتفتت فلما شقوا بطنها وجدوا كبدها يابسه من شدة الحزن وصارت خلوج ابن رومي مضربا للمثل عند شعراء ومن ذلك قول الشاعر فهاد بن مسعر العاصمي وقد نزل بالاحساء بسبب الحاجة التي مسته وابعدته عن قبيلته ولم يكن عنده غير واحد اسمه نصار اخذ فهاد يخاطبه بالابيات التالية :
ياونة ونيتها يا ابن نصهار = ماونها مثلي خلوج ابن رومي
كني من الفرقا على كير بيطار = شبوبه ارطاء والستاد مهمومي
صدري كما نجر زعول وجضار = نفسه على مهواه نفس محمومي
من عقب ماني قنب صرت كمبار = سبحان من له في عبيده حكومي
ياوينهم ربعي هل الكيف والكار = اللي عليهم دارجات اعلومي
والي نزلنا منزل فيه نوار = ذا مقبل يمي وهذا يقومي
مزحي عليهم ما يجي فيه تنكار = ما أحد يبرق في ملاوي اعلومي
وقال حمد المسردي
راكب اللي يقرب البعد لامنه زما = جمس شكمانين توه من امريكا ورد
ادهم لادق سلفه وشغل واحتما = كنه يقرا سورة الله احد والله الصمد
فزته لا فز كنه بيصعد للسما = مثل حر مطلقات سبوقه للهدد
كن فزيزه مرمي رمى لكن ما رمى = فزه المطفوق واخطاه وارتاع وشرد
لاعطا حزم الجلد يرتكز عجه كما = قنف غر مرزمه في مقاديمة برد
الفطور شريق من بين شقرى وضرما = والغداء في حز جاش بلا سابق وعد
لايمي في حب جاش واهل جاش يعما = جعل ما له فوق دنياه مال ولا ولد
أخواني الكرام زوار وأعضاء منتديات آل عاطف هذا الموجود والقصص والقصائد كثيره في هذا المجال و إن شاء الله نعوضكم بقصائد وقصص آخرى و اعذرونا على القصور ان حصل 0
تقبلوا تحياتي
ظافر العاطفي