معا الجماني كل يعاني
13-09-2010, 07:50 AM
مجموعة قصائد لشاعر / عبدالله بن شايق
آملي الوحيد أن تنول على قليل من رضاكم
قصيدة الشاعر عبدالله بن شايق في أخوياه من عبيده
انا البارحه يا طول ليلـي غـدا ليليـن= تبين شعاع الشمس ما ارتحـت لرقـادي
اعد النجوم الساريـه والعـرب ممسيـن= واعد الاسامي وارفع الصـوت وانـادي
ابتعبك يا فكري مع الصـوت والتلحيـن =اجاوب حمام الورق واشدي مع الشـادي
سرا النوم من عيني مع هجعة الساليـن= وصارت هجوس القلب سرداد مـردادي
هواجيس وافكارٍ تشيب برمـش العيـن= تخلينـي اقصـد لـو مانـي بقصـادي
ولولا الحيا هليت دمعي علـى الخديـن= وبكيت الرجال اللي لهم جد و امجـادي
ابا ابكي عليهم داري ان الدهـر يوميـن= وللعمـر عنـد الله نهايـه وميـعـادي
وببكـي عليهـم جعلهـم كلهـم حييـن =عسا الله يعديهـم خطـر كـل حسـادي
وانا ما بكيت الا علـى ربعـي الغاليـن =و لاني بحسب حسـاب عـاذل ونقـادي
اقوله و انا ماعشت بين العرب مسكيـن= انا ابخس بمصداري و انا ابخس بميرادي
ولا اهين نفسي لو على السيف ابو حدين= اموت بشرف لعيون مركـوز الانهـادي
وارد الوفا مطبوق والصـاع بالصاعيـن= ومن لا نشد عني مانـي عنـه نشـادي
معي ذاكره واحس و الوصل قطعه شين= و لاخيـر باللـي للمعاريـف جحـادي
انا اقول يا قلبـي تصبـر الـى بعديـن= برجوى الكريم اللي لـه العبـد عبـادي
متى الوضع يتحسن متى يدخل التحسيـن= متى نجتمع لـو صدفـةٍ دون ميعـادي
على الله متى بنقول هيـا بنـا ذالحيـن= اسج القدم مع عزوتـي عقـب مقعـادي
اسجـل عـدد رحلاتنـا كلهـا واقيـن= ولا فيـه يـومٍ مرنـا قلـت لا عـادي
وقمت اتمنى و اطلب الله و اقول اميـن= يعودك يا عيد اربعه وتسعيـن ميـلادي
نهار الاحد واحد و الاثنين يـوم اثنيـن=و يوم الثلاثـا ثلاثـه ايـام الاعيـادي
مع الاربعاء عيد رمضان اربع وتسعيـن= تذكرت فيهـا خـوة الربـع الاجـوادي
مسكنا طريـقٍ بـره الساعـه الثنتيـن= على ست سيـارات و الخـط منقـادي
تجاه الشمـال الله اعلـم ميـه وسبعيـن= ورا تمير دون الشعب في فيضة الـوادي
نزلنا صلاة العصر ديـره وجـوٍ زيـن= عـز الله لقينـا ديـرةٍ جوهـا هــادي
و انا بيـن ربـعٍ كلهـم بالوفـا وافيـن= وجيه قحطان ونعـم بـذولاك الاولادي
شيوخٍ من ادنى كل ابوهم يميـن يميـن= ثلاثـة عشـر رجـال رقـمٍ وعـدادي
سلامي عليهم عد غرس النخـل والتيـن= وعدد ما جنا حب الثمر كـل حصـادي
وسلامي عليهم عد من يسكنون الصيـن= و ما باع وارد موسكو وسـط بغـدادي
و سلامي عليهم عد من ينطقون السيـن= و نطق العرب للغين والصاد و الضـادي
وسلامي عليهم عد مـن بيـع بالتثميـن= و ما بثه التلفاز و اعلـن بـه الـرادي
و سلامي عليهم عد ساس الحجر و الطين= سلامٍ عطوره غرشة المسـك و الكـادي
حقيقه ثلاثه ايـام تسـوا ثـلاث سنيـن= لها جلسةٍ تغني عن الشـرب و الـزادي
مقيميـن مرتاحيـن ساليـن متسلـيـن= سوالف و شبـة ضـو يندلهـا الغـادي
صماليل سمرٍ نورهـا يجـذب الساريـن= علـى جالهـا مدخـن ودلـه وبـرادي
ومن مرنا قلنـا هـلا مرحبـا واهليـن= تفضل و هـذا سلمنـا سلـم الاجـدادي
قحاطين مذكورين بالاصـل مشهوريـن= و بالفعل نعرف يومها حـرب وجهـادي
سلاطين عنتـر نجـد منـا ومعروفيـن= وشيخ المشايخ شيخنـا سـم الأكبـادي
لنا يشهد ابن حميد و الشيخ ابن حثليـن= و كلٍ عرف ذيب ابن شالح و ابن هـادي
نعم و القبايل مثلنـا و العـرب داريـن= احد ثور و احدٍ مثـل عنتـر وشـدادي
و ركزنا النصع قدام نمشي و حن عجلين= ومن صاد قلنا له كفو عاش من صـادي
قصيده لشاعر وهو في رحلة قنص
انـا مـن ورا يبريـن كنـي ورا بـيـروت= ويـاويـش عرفـنـا العبيـلـه ويبريـنـي
الا يـأم سالـم جاوبينـي بــرد الـصـوت= تريـنـي مغـيـر ادور الـلـي يلاحيـنـي
وتريني قصيرك بالخلـى مـا بنيـت ابيـوت= ولا عشـت بيـن المـدرسـه والبساتيـنـي
ولاني من اللـي يعشقـون البحـر والحـوت =ولانـي باحـب الضعـف لاجـل الملايينـي
ولانـي بتاجـر زود ثـورً(ن) حياتـه قـوت= ابي مـا يسـد الحـال واسلـم مـن الدينـي
ولاني باحـب اسهـر علـى طقـت البيلـوت= ولا قلـت قومـوا خلـوا الــدور ياتيـنـي
ولا همني صـن اربـع اميـه معـى كبـوت =ولا قمت افل اسـراي فـي جنـب خمسينـي
انا ماتكلـم ليـن اشـوف الرجـال اسكـوت= علـى شـان كـلاً ينتبـه لـي ويوحيـنـي
ولا وصف الا وصف شـيً(ن) عليـه اثبـوت= مـن العاقـل اللـي كنـي أشوفـه أبعيـنـي
رقدت وصحيت وقمت خايـف يفـوت الفـوت= انـا مـيـتً(ن) مالقصروالـبـر يحييـنـي
هبايب صحـاري نجـد والبـر قبـل أمـوت= علـي الحـرام انـه الـدوا اللـي يداوينـي
وعلى الجنب الايمن صنعت الروس تحت الكوت= لـي الله والاشـرم حـالـفً(ن) مايباريـنـي
قصيده أعجبني قافها وحبيت أنقلها لكم
انا أحسب حساب الكل ماحب الأستبساط= ولا أداني أهل الكبر والبخل والتقنيـط
لكن حظي ما لوجهـي معـه مقـلاط =وأنا ظالمة في الأمتحانـات بالتسقيـط
فرش له ذهب ثم ورد ثم زل ثم بسـاط= ولاشاف مني غير الأهمال والتفريـط
أضيع عمل حظي بالإهمال والإحبـاط= تأبطت منـه وقـال ماينفـع التأبيـط
خسرت النتيجة واللقاء من ثلاث أشواط= ولاعاد ينفع دورتي مستوى التنشيـط
وخسرت الدبل والفرق كله ثلاث أبناط= ولاعاد لي خطة ولاعادلـي تخطيـط
ربطني هواء خلي ربـاط وراه ربـاط= وأنا حالف ماجفاه لوراح جسمي خيـط
ولا أنساه لين طريف ينزل بجنب الغاط= وبغداد يصبح في ظواحي خميس مشيط
وأذا ماحصلي قربوا طلقـت المخبـاط= أموت وتروح الروح جعله مراح مقيط
وإلا عطوني جركل القاز والمشخـاط= وخلي عليه الصبر والقبـر والتحنيـط
حبيبي فريقاً يصدر أمره على الضباط= عطاه الله السلطة وسلط علـى تسليـط
لقيته صلاة العصر داخل على الخيـاط= على الحجتين امشـط قذلتـه تمشيـط
تعال أكتب أسمك داخل القلب ياخطـاط= تبصر ودقق وأنقشة وأضبطة تضبيـط
وآخرى غزليه
آآآه من جرح(ن) بقلبي عطيـب= يوم قالـوا لـي حبيبـك رحـل
هل دمعي فوق خـدي صبيـب= سيّل الوديـان واسقـى الهمـل
فاضة الفيضه وفـاض الشعيـب= سالـت الرملـه وسـال الجبـل
من يجيب اخبـار ذاك الحبيـب= و انا وين و الا فين حل و نـزل
من فراقه عشت عيشـة غريـب= ليت عرف حبيّبـي مـا حصـل
جيب يا صدري من الصوت جيب= تـو مـا زان اللحـن و المثـل
حط للإبـداع قـاف(ن) عجيـب= صوّر اللـي بالجمـال اكتمـل
ادعج(ن) بالوصف شكله غريـب= في هدب عينـه يبيـن الخجـل
من مشى له فيه حظ و نصيـب= اشهـد انـه ذاق شهـر العسـل
وقصيده أخرى
ابكتب على خـدك عبـاره وذكريـات= هدب عينك الريشه وحبري من دموعي
لك خدتين وشفـةٍ مـن نظرهـا مـات =ولك مبسمٍ سهر الهوى فيه مزروعـي
ولك هيبةٍ منها المطوع نسـى الايـات = ولك سلطةٍ من حكمها يسلم الشيوعـي
ردايف وصدر وكتف ومعنق الهيهـات= عنق الغزال اللي من القفر مصيوعـي
ولك عين ترسم نظرةٍ ترسـل القـوات= صناعات وسلاح من الموت مصنوعـي
صواريخ طيـارات عسكـر ودبابـات= بركسات وافراد وطوابيـر وجموعـي
تسيدت وانت السيد يا سيـد السـادات= اصور طبق الاصل بالشكل والنوعـي
قمر شمس لمبة غاز واصفى من اللمبات= رفيع النسب عنـدك تقاليـد وطبوعـي
تحير دقيق الوصف وتسبـب الآفـات= طويلٍ قصير دقـاق مليـان مربوعـي
من المستحيل انساك وانت الأمل بالذات= خطيتك تدمح والغلط منـك مرجوعـي
اشاهدك سبع سنين عندي سبع ساعـات= وسبع الدقايق عقبكم عنـدي اسبوعـي
احبك ولا اسمع فيك عاذل ولا شمـات= واقدرك واعزك ولـو انـك دلوعـي
ترا بالهـوى جنـه وللحـب تأثيـرات= مقسم على جزئين مرئـي ومسموعـي
منامي هني لين اتذكـر زمـان فـات= يبين الشفق وانا عن النـوم ممنوعـي
تمر السنه ما نمت كني مخـزن قـات= ياليتك تسوي خير تنظـر بموضوعـي
آملي الوحيد أن تنول على قليل من رضاكم
قصيدة الشاعر عبدالله بن شايق في أخوياه من عبيده
انا البارحه يا طول ليلـي غـدا ليليـن= تبين شعاع الشمس ما ارتحـت لرقـادي
اعد النجوم الساريـه والعـرب ممسيـن= واعد الاسامي وارفع الصـوت وانـادي
ابتعبك يا فكري مع الصـوت والتلحيـن =اجاوب حمام الورق واشدي مع الشـادي
سرا النوم من عيني مع هجعة الساليـن= وصارت هجوس القلب سرداد مـردادي
هواجيس وافكارٍ تشيب برمـش العيـن= تخلينـي اقصـد لـو مانـي بقصـادي
ولولا الحيا هليت دمعي علـى الخديـن= وبكيت الرجال اللي لهم جد و امجـادي
ابا ابكي عليهم داري ان الدهـر يوميـن= وللعمـر عنـد الله نهايـه وميـعـادي
وببكـي عليهـم جعلهـم كلهـم حييـن =عسا الله يعديهـم خطـر كـل حسـادي
وانا ما بكيت الا علـى ربعـي الغاليـن =و لاني بحسب حسـاب عـاذل ونقـادي
اقوله و انا ماعشت بين العرب مسكيـن= انا ابخس بمصداري و انا ابخس بميرادي
ولا اهين نفسي لو على السيف ابو حدين= اموت بشرف لعيون مركـوز الانهـادي
وارد الوفا مطبوق والصـاع بالصاعيـن= ومن لا نشد عني مانـي عنـه نشـادي
معي ذاكره واحس و الوصل قطعه شين= و لاخيـر باللـي للمعاريـف جحـادي
انا اقول يا قلبـي تصبـر الـى بعديـن= برجوى الكريم اللي لـه العبـد عبـادي
متى الوضع يتحسن متى يدخل التحسيـن= متى نجتمع لـو صدفـةٍ دون ميعـادي
على الله متى بنقول هيـا بنـا ذالحيـن= اسج القدم مع عزوتـي عقـب مقعـادي
اسجـل عـدد رحلاتنـا كلهـا واقيـن= ولا فيـه يـومٍ مرنـا قلـت لا عـادي
وقمت اتمنى و اطلب الله و اقول اميـن= يعودك يا عيد اربعه وتسعيـن ميـلادي
نهار الاحد واحد و الاثنين يـوم اثنيـن=و يوم الثلاثـا ثلاثـه ايـام الاعيـادي
مع الاربعاء عيد رمضان اربع وتسعيـن= تذكرت فيهـا خـوة الربـع الاجـوادي
مسكنا طريـقٍ بـره الساعـه الثنتيـن= على ست سيـارات و الخـط منقـادي
تجاه الشمـال الله اعلـم ميـه وسبعيـن= ورا تمير دون الشعب في فيضة الـوادي
نزلنا صلاة العصر ديـره وجـوٍ زيـن= عـز الله لقينـا ديـرةٍ جوهـا هــادي
و انا بيـن ربـعٍ كلهـم بالوفـا وافيـن= وجيه قحطان ونعـم بـذولاك الاولادي
شيوخٍ من ادنى كل ابوهم يميـن يميـن= ثلاثـة عشـر رجـال رقـمٍ وعـدادي
سلامي عليهم عد غرس النخـل والتيـن= وعدد ما جنا حب الثمر كـل حصـادي
وسلامي عليهم عد من يسكنون الصيـن= و ما باع وارد موسكو وسـط بغـدادي
و سلامي عليهم عد من ينطقون السيـن= و نطق العرب للغين والصاد و الضـادي
وسلامي عليهم عد مـن بيـع بالتثميـن= و ما بثه التلفاز و اعلـن بـه الـرادي
و سلامي عليهم عد ساس الحجر و الطين= سلامٍ عطوره غرشة المسـك و الكـادي
حقيقه ثلاثه ايـام تسـوا ثـلاث سنيـن= لها جلسةٍ تغني عن الشـرب و الـزادي
مقيميـن مرتاحيـن ساليـن متسلـيـن= سوالف و شبـة ضـو يندلهـا الغـادي
صماليل سمرٍ نورهـا يجـذب الساريـن= علـى جالهـا مدخـن ودلـه وبـرادي
ومن مرنا قلنـا هـلا مرحبـا واهليـن= تفضل و هـذا سلمنـا سلـم الاجـدادي
قحاطين مذكورين بالاصـل مشهوريـن= و بالفعل نعرف يومها حـرب وجهـادي
سلاطين عنتـر نجـد منـا ومعروفيـن= وشيخ المشايخ شيخنـا سـم الأكبـادي
لنا يشهد ابن حميد و الشيخ ابن حثليـن= و كلٍ عرف ذيب ابن شالح و ابن هـادي
نعم و القبايل مثلنـا و العـرب داريـن= احد ثور و احدٍ مثـل عنتـر وشـدادي
و ركزنا النصع قدام نمشي و حن عجلين= ومن صاد قلنا له كفو عاش من صـادي
قصيده لشاعر وهو في رحلة قنص
انـا مـن ورا يبريـن كنـي ورا بـيـروت= ويـاويـش عرفـنـا العبيـلـه ويبريـنـي
الا يـأم سالـم جاوبينـي بــرد الـصـوت= تريـنـي مغـيـر ادور الـلـي يلاحيـنـي
وتريني قصيرك بالخلـى مـا بنيـت ابيـوت= ولا عشـت بيـن المـدرسـه والبساتيـنـي
ولاني من اللـي يعشقـون البحـر والحـوت =ولانـي باحـب الضعـف لاجـل الملايينـي
ولانـي بتاجـر زود ثـورً(ن) حياتـه قـوت= ابي مـا يسـد الحـال واسلـم مـن الدينـي
ولاني باحـب اسهـر علـى طقـت البيلـوت= ولا قلـت قومـوا خلـوا الــدور ياتيـنـي
ولا همني صـن اربـع اميـه معـى كبـوت =ولا قمت افل اسـراي فـي جنـب خمسينـي
انا ماتكلـم ليـن اشـوف الرجـال اسكـوت= علـى شـان كـلاً ينتبـه لـي ويوحيـنـي
ولا وصف الا وصف شـيً(ن) عليـه اثبـوت= مـن العاقـل اللـي كنـي أشوفـه أبعيـنـي
رقدت وصحيت وقمت خايـف يفـوت الفـوت= انـا مـيـتً(ن) مالقصروالـبـر يحييـنـي
هبايب صحـاري نجـد والبـر قبـل أمـوت= علـي الحـرام انـه الـدوا اللـي يداوينـي
وعلى الجنب الايمن صنعت الروس تحت الكوت= لـي الله والاشـرم حـالـفً(ن) مايباريـنـي
قصيده أعجبني قافها وحبيت أنقلها لكم
انا أحسب حساب الكل ماحب الأستبساط= ولا أداني أهل الكبر والبخل والتقنيـط
لكن حظي ما لوجهـي معـه مقـلاط =وأنا ظالمة في الأمتحانـات بالتسقيـط
فرش له ذهب ثم ورد ثم زل ثم بسـاط= ولاشاف مني غير الأهمال والتفريـط
أضيع عمل حظي بالإهمال والإحبـاط= تأبطت منـه وقـال ماينفـع التأبيـط
خسرت النتيجة واللقاء من ثلاث أشواط= ولاعاد ينفع دورتي مستوى التنشيـط
وخسرت الدبل والفرق كله ثلاث أبناط= ولاعاد لي خطة ولاعادلـي تخطيـط
ربطني هواء خلي ربـاط وراه ربـاط= وأنا حالف ماجفاه لوراح جسمي خيـط
ولا أنساه لين طريف ينزل بجنب الغاط= وبغداد يصبح في ظواحي خميس مشيط
وأذا ماحصلي قربوا طلقـت المخبـاط= أموت وتروح الروح جعله مراح مقيط
وإلا عطوني جركل القاز والمشخـاط= وخلي عليه الصبر والقبـر والتحنيـط
حبيبي فريقاً يصدر أمره على الضباط= عطاه الله السلطة وسلط علـى تسليـط
لقيته صلاة العصر داخل على الخيـاط= على الحجتين امشـط قذلتـه تمشيـط
تعال أكتب أسمك داخل القلب ياخطـاط= تبصر ودقق وأنقشة وأضبطة تضبيـط
وآخرى غزليه
آآآه من جرح(ن) بقلبي عطيـب= يوم قالـوا لـي حبيبـك رحـل
هل دمعي فوق خـدي صبيـب= سيّل الوديـان واسقـى الهمـل
فاضة الفيضه وفـاض الشعيـب= سالـت الرملـه وسـال الجبـل
من يجيب اخبـار ذاك الحبيـب= و انا وين و الا فين حل و نـزل
من فراقه عشت عيشـة غريـب= ليت عرف حبيّبـي مـا حصـل
جيب يا صدري من الصوت جيب= تـو مـا زان اللحـن و المثـل
حط للإبـداع قـاف(ن) عجيـب= صوّر اللـي بالجمـال اكتمـل
ادعج(ن) بالوصف شكله غريـب= في هدب عينـه يبيـن الخجـل
من مشى له فيه حظ و نصيـب= اشهـد انـه ذاق شهـر العسـل
وقصيده أخرى
ابكتب على خـدك عبـاره وذكريـات= هدب عينك الريشه وحبري من دموعي
لك خدتين وشفـةٍ مـن نظرهـا مـات =ولك مبسمٍ سهر الهوى فيه مزروعـي
ولك هيبةٍ منها المطوع نسـى الايـات = ولك سلطةٍ من حكمها يسلم الشيوعـي
ردايف وصدر وكتف ومعنق الهيهـات= عنق الغزال اللي من القفر مصيوعـي
ولك عين ترسم نظرةٍ ترسـل القـوات= صناعات وسلاح من الموت مصنوعـي
صواريخ طيـارات عسكـر ودبابـات= بركسات وافراد وطوابيـر وجموعـي
تسيدت وانت السيد يا سيـد السـادات= اصور طبق الاصل بالشكل والنوعـي
قمر شمس لمبة غاز واصفى من اللمبات= رفيع النسب عنـدك تقاليـد وطبوعـي
تحير دقيق الوصف وتسبـب الآفـات= طويلٍ قصير دقـاق مليـان مربوعـي
من المستحيل انساك وانت الأمل بالذات= خطيتك تدمح والغلط منـك مرجوعـي
اشاهدك سبع سنين عندي سبع ساعـات= وسبع الدقايق عقبكم عنـدي اسبوعـي
احبك ولا اسمع فيك عاذل ولا شمـات= واقدرك واعزك ولـو انـك دلوعـي
ترا بالهـوى جنـه وللحـب تأثيـرات= مقسم على جزئين مرئـي ومسموعـي
منامي هني لين اتذكـر زمـان فـات= يبين الشفق وانا عن النـوم ممنوعـي
تمر السنه ما نمت كني مخـزن قـات= ياليتك تسوي خير تنظـر بموضوعـي