ماهوب لازم تستانس باليوم الوطني !! [الأرشيف]

مشاهدة النسخة كاملة : ماهوب لازم تستانس باليوم الوطني !!

عبدالله بن غفره

21-09-2010, 09:21 PM

بسم الله الرحمن الرحيم

السلام عليكم ورحمة الله وبركاته

للأسف ان فيه شباب يقومون بحركات غريبة جداً

في اليوم الموافق لليوم الوطني وأقول لهم :ـ

ماهوب لازم تستانس باليوم الوطني أذا بتكسر المحلات التجارية !!

(( في المنطقة الشرقية العام الماضي تجمهر على مستوى كبير في احدى شوارع الخبر وأتلاف المحلات التجارية الواقعة على الطريق التجاري " مبررين فرحه ووناسة باليوم الوطني " ))

= لا تستانس جعلك ما ستانست طول عمرك =

ماهوب لازم تستانس باليوم الوطني أذا بتفحط في الشوارع !!

(( في الشارع اللي حول بيتنا اذكر ليلة اليوم الوطني ما امسينا من ازعاجهم " ودي اعرف وش دخل التفحيط باليوم الوطني "))

= في اليوم الوطني تعلن شرطة المناطق حالة الطوارئ =

ماهوب لازم تستانس باليوم الوطني أذا بتعطل طريق الملك عبدالله

(( قبل عامين أو ثلاثة أعوام وافق اليوم الوطني ليلة رمضان وانا مستلم واستاذنت من الدوام عشان اتقضى للبيت وفي طريقي " المسلمين يصلون التراويح " والبشر الهمج في الشوارع يرقصون ويغنون !! ومسكرين طريق الملك عبدالله " والمارية صدمت في أردني قدامي ولا سامحني لين عطيته 2000 ريال ههههههه ))

= غناء ورقص في أول ليلة من ليالي رمضان وتزامن مع وقت الصلاة=

ماهوب لازم تستانس باليوم الوطني اذا بتنزل العوائل من سياراتهم

يقال ان مجموعة من الشباب في احدى شوارع الرياض نزلوا أكثر من عائلة من سياراتهم الخاصة وأحتجزوهم لوقت طويل حتى تدخلت الجهات الأمنية

" يقولون من تأثير فرحة اليوم الوطني "

ولو تسألهم متى فتح الرياض ما جاوبك !!

ماهوب لازم تستانس باليوم الوطني اذا بتصير قليل أدب !!

تذكرت يوم صدمت في الأردني

وقلت أفضفض لكم شوي :)

>>>>>>>>>>>>>>>>>>>>>>>

على فكرة بغيت أسئلكم

وشلون افرح باليوم الوطني ؟؟

بقلمي

راسم الكلمه

21-09-2010, 10:05 PM

والله انك صادق اخوي عبدالله الله لايعيدها من وناسه اذا كان وراها
تكسير محلات والاعتداء على محارم الناس ليش اوقات الاعياد الرسميه
مانحتفل فيها مثل مانحتفل باليوم الوطني مو نقضيها كلها بالنوم وعدم زياره الارحام
كلام رائع وجميل ويحتاج منا وقفه صادقه حتى لاتتكرر الاخطاء السابقه والفادحه التى حصلت
في الاعوام الماضيه في مناطق مختلفه من المملكه
اخوي عبدالله تبي شوري ان اعلمك وين تقضيه فيه ثبت ساعتك على ست ونص المغرب على قناه الجزيره الرياضيه بصوت عصام الشوالي والاابوظبي الرياضيه بصوت فارس عوض وتابع مباره الهلال والغرافه مو احسن كذا هههههههههههههه
بالتوفيق يالغالي

Special

21-09-2010, 10:19 PM

هههههههههههههههههههههههههههههههه

مو لاااازم تستااانس باليووم الوووطني...؟؟

فرررق كبير بين احتفالنااا باليوووم الووطني واحتفاال دووول الخليج

بس لاتلووومهم عندهم روووح الوطنيه لاازم يفرغووون هالفرررحه بتكسير المحلااات والتفحيط:D:D

تبي شوووري رووح لطرريق الملك عبدالله واقضي يووومك كله فيه بتستااانس اكيد:p:p

دااامت افراااح بلااادي ودااام عزهااااا

نادر العاطفي

21-09-2010, 10:22 PM

كلامك صحيح يا ابو غاده .

فيه ظاهره سيئه لشبابنا الله يهيدهم ..

تقديري

أبو محمد

22-09-2010, 01:22 AM

الموضوع بأكمله

مدخل لوجود أعياد غير شرعيه

الاحتفال بمسمى اليوم الوطني مجرد بدايه لتصبح عيد وطني

ابو غاده

لاهنت

ابومحمد

السمداني

22-09-2010, 01:24 AM

يعطيك العافيه ابن غفره والله على الموضوع الرائع لولا الفين الاردني
بتذكرها كل يوم وطني الله حسبي عليهم هالشباب يحق لك ترخي عليهم الساخن
تقبل تحياتي

عبدالله بن غفره

22-09-2010, 07:20 AM

راااسم انت ذكي

تبغى تربط الوطنية بالهلال هههههههه
لكن اليوم الوطني يوافق يوم الخميس >>>>>> يعني مباراة النصر هههه

لاهنت على مرورك الكبير والراقي

حوريــــه

22-09-2010, 07:38 AM

معقوله هالتصرفاات تخليهم مستآنسين ومحتفلين ؟
بجد انا اشوف هالوضع فضيحه كبيره علينا :)

انا اقترح ان يخبأ تاريخ اليوم الوطني لآنه بدل ان يظهرون انتمائنا لهذا الوطن يظهرون مدى
صغر عقولهم ومدى همجيتهم :)

وانا اقول مثل ماقلت يااخوي عبد الله عمركم ماستآنستو دام قمة سعادتكم في تدمير بعض الاماكن
والاعتداء على المحآرم ، واتمنى ان ماحد شاف فضايحنا هذي لانه شي يفشل والله
والله يهديهم ويغير حآلهم :)

الف شكر لك اخوي عبد الله على الموضوع المهم
دمت ودآم قلمك ،

الشغل في المغل

22-09-2010, 10:40 AM

ابو غاده المميز رداً وطرحا
والمثير دائماً للحوارات
الساخنه
(اشكرك بعنف)

ابو غاده يعطيك العافيه وطرح يثير الغضب وتشكر عليه
وهذه هي الفرحه الهمجيه عند بعض الشباب وفي جيلنا هذا
ولكن ان يصل بهم المطاف ان يقوموا بتنزيل العاوائل
(( يعقب ويخساء ويبطي جثه هامده))
مع احترامي للجميع

راسم الكلمه
قراءة انت الطرح وقمت بالرد عليه
وبيض الله وجهك بالنيابه عن بو غاده....(ذاب الميانه ههههههههه)
الا يستحق هولاء الشباب ان يقال عنهم شباب
فـــــــــــ ــــــ ــــــــ ـــــــــ ــــــا شــــ ــــــ ـــــــــ ــــــــل
وبكل ماتحمله الكلمه من معنى
الا ترى ان كبار السن محقين حين
يقولون ذلك

احترامي للـــــــــــــ....

Яŏζ мgℓєıиі

22-09-2010, 11:15 AM

لاهنت يابو غاده

اي والله ظاهره سيئه وانا مع راسم شغل التلفزون ازين لك ع المباراه

العبدآني

22-09-2010, 01:13 PM

السلام عليكم ورحمة الله وبركاته
ابن غفره يعطيك الف عافيه على الطرح الرائع

والشعب السعودي مهما قلت لابد يعبرووون عن الفرحه بس مثل ماقلت توصل لـ التكسير والشغب

فـ هذا جعله مايستانس

بس لازم على قولتهم هجووله ودوجه هههههههههههه

شكرا لكـ

محمد الأجبع

22-09-2010, 01:34 PM

ابو غادة يعطيك العافيه

على الطرح المميز

عبدالله بن غفره

22-09-2010, 01:46 PM

سبيشل

طريق الملك عبدالله :p
لا لا مستحيل اروح له خلاص توووووبه هههههههه

شكراً لمرورك

تحيتي

عبدالله بن غفره

22-09-2010, 01:49 PM

نادر

لاهنت على المرور يابو عايض

وبيض الله وجهك

عبدالله بن غفره

22-09-2010, 01:50 PM

ابو محمد

ارحب وللأسف ان هذا هو اللي بيصير في المستقبل !!

لاهنت وبيض الله وجهك

المسعودي

22-09-2010, 02:58 PM

وعليكم السلام ورحمة الله وبركاته

ابوغاده للأسف ان هذه الظاهر موجوده ويعانى منها المجتمع ومايقوم بهذه الحركات اللى ذكرة الا ناس جهال والمصيبه ان بعضهم يعرف ان تصرفه هذا لايرضى الله قبل كل شى لكن على قلوبهم غشاوه هدانا الله واياهم لكل مافيه خير

ابوغاده اقولك الحمدلله على السلامه من الحادث اللى قبل ثلاث اسنين

ولاصار تبى تفرح با اليوم الوطنى الزم بيتك طوال هذا اليوم وافرح على سلامتك

عبدالله بن غفره

22-09-2010, 04:19 PM

السمداني
شرفتني بتواجدك وحضورك يالنشمي

عبدالله بن غفره

22-09-2010, 04:20 PM

حورية

تشرفت بمصافحة ردك الراقي برقي تواجدك وحضورك
دائماً يكون رد رائع ومحل اهتمامي

تحيتي

عبدالله بن غفره

22-09-2010, 04:21 PM

الشغل

ارحب وياهلا والله وغلا
والتميز هو حضورك وتواجدك
دائماً بردود مختلفه ومميزة عن الآخرين

وفعلاً مثل هؤلاء قد يعكسون ثقافة الشعب السعودي بهذا الشكل
أمام المقيمين وزوار هذه البلاد

ناصر ابن عويس

22-09-2010, 06:14 PM

هذا ماهيب فررحة هذا تخلــف ..

لاهنت يابو غفرة موضووع أعجبني كثيـرآ

وان كاانك تبي تفرح باليوم الوطني ماهوب لاززم تفرح به خخخخخخخخخخ

تاابع مباراة الهلال ولك بصيص من الأمل في خروجه من آسيا خخخخخخ

لاهنت على الموضووع

راسم الكلمه

22-09-2010, 06:59 PM

الشغل في المغل

22-09-2010, 07:48 PM

راسم الكلمه
اكن لك كل احترام وتقدير
وعلى الرحب والسعه
ونتقدم بالشكر
لــ(بو غاده )
الذي اثار الحوار حول موضوعانٍ
في طرح واحد

احترامي للــــــــ

راسم الكلمه

22-09-2010, 07:55 PM

راااسم انت ذكي

تبغى تربط الوطنية بالهلال هههههههه
لكن اليوم الوطني يوافق يوم الخميس >>>>>> يعني مباراة النصر هههه

لاهنت على مرورك الكبير والراقي

هههههههههههه
حلوه يابوغاده
افا يعني ودك يفوز الغرافه
وين راحت الوطنيه
بالتوفيق

راسم الكلمه

22-09-2010, 07:57 PM

راسم الكلمه
اكن لك كل احترام وتقدير
وعلى الرحب والسعه
ونتقدم بالشكر
لــ(بو غاده )
الذي اثار الحوار حول موضوعانٍ
في طرح واحد

احترامي للــــــــ
يستاهل ابوغاده
احترام متبادل يالغالي اخوي الشغل في المغل
والله يجعلني عند حسن الظن
شطحنا في موضوع ابوغاده ههههه
بالتوووفيق

عبدالله بن غفره

22-09-2010, 08:36 PM

عايض بن عاطف

لاهنت وبيض الله وجهك على المرور

والهلال يعاني من مشاكل الآن :p

عبدالله بن غفره

22-09-2010, 08:36 PM

فهد العبداني

لاهنت وبيض الله وجهك على المرور

عبدالله بن غفره

22-09-2010, 08:37 PM

الاجبع

لاهنت جعلك تسلم على المرور

عبدالله بن غفره

22-09-2010, 08:39 PM

المسعودي

لاهنت على المرور وبيض الله وجهك

وعاني في البيت وماسك أرضي لا يبلوني الله لا يبلانا :p

عبدالله بن غفره

22-09-2010, 08:39 PM

بن عويس

لاهنت على المرور
وانا اشاهد المبارة آلحين ومستاااااانس 4*1 لصالح الغرافة :p

عبدالله بن غفره

22-09-2010, 08:41 PM

راااسم

ارحب بعودتك مرة آخرى اللي تشرفني

ومااااهوب لازم تشجع الهلال

صك لك عصير ليمون يهدي أعصااابك هههههه

عبدالله بن غفره

22-09-2010, 08:42 PM

الشغل

الشكر لك يالغالي على عودتك مرة آخرى اللي تشرفني
ومثل هذه النقاشات تعطي المواضيع حيوية

تحيتي

عبدالله بن غفره

22-09-2010, 08:43 PM

هههههههههههه
حلوه يابوغاده
افا يعني ودك يفوز الغرافه
وين راحت الوطنيه
بالتوفيق

الحلو مرورك
تبغى الصراحة أي والله :rolleyes:
أنا شايب ولا درست مادة الوطنية هههههههه

أوركـــــيدا

23-09-2010, 03:53 AM

إذا كان هذا هو تعبيرعن الوطنيه لديهم فرجاء لا يعبروون عن وطنيتهم
لانهم أساؤ للوطن بتصرفااتهم الغير لائقه بهم ولا بالوطن
كيف تكون فرحه وفيهاا أذيه للغير ..
مشكووووووور والله يعطيك العاافيه
دمت وداام أبدااعك..
وودي.

سراب

23-09-2010, 08:17 AM

ابن غفره

طرح في وقته

فللاسف نجد شبابنا يسيئؤ التعبير عن فرحتهم

وبدل الاحتفال نجدهم يمارسون مالايليق بنا

فعمر الفرح لايثمر دمار او تخريب

اواساءه لاي كان

بالتطاول على بعضهم او على من وظفوا لحفظ الامن والامان لهم

اللهم اهدهم
وتسلم طال عمرك على الطرح الراقي كرقيك سيدي

عبدالله بن غفره

23-09-2010, 08:54 AM

أوركيدا

فعلاً كلامك صحيح
وبعض السفهاء يسيء لبلدنا
بتصرفاته الخارج عن الأدب والذوق العام

الف شكر لك وعطرتي الموضوع بمرورك

عبدالله بن غفره

23-09-2010, 08:56 AM

سراب

هذا الشباب لديه طاقة كبيرة
ويستخدمها في اشياء غير مرضية
علماً بأن التوعية عن هذه الممارسات غير موجوده
فمثلاً لا بد من الجهات الرسمية النصح وتغيير مفهوم أعمالهم
بوضع لافتات وكذلك الصحف اليومية والإذاعة

الله يهديهم
ويصلح أمورنا جمعها ويحفظ لنا بلادنا

شكراً على مرورك الراقي

عايض العاطفي

23-09-2010, 03:34 PM

ابو غاده انت انسان مبدع ,, وموضوع نال على اعجابي بشكل كبير
والله يصلح الجميع
تقديري لك

محمد العاطفي

23-09-2010, 04:17 PM

ابو غاده انت انسان مبدع ,, وموضوع نال على اعجابي بشكل كبير
والله يصلح الجميع
تقديري لك

ارحب يابو غاده ولاهنت على الموضوع ونسأل الله الهدايه لشبابنا ويحق لهم يفرحون ولكن ليس على طريقة
المشردين كما في بعض الدول المتخلفه ,, شكرا لك واذا بغيت تستانس مرني بعد صلااة العشاء هذا اليوم
ونروح نشوف الشباب وش يسوون .. يمكن ان الله هداهم وتغيروا من الاسوأ الى الافضل ,,
موضوع جميل وهادف واشكرك يابو غاده على هذا الابداع ,,, واشكر عايض على مروره وصراحه كذلك نال اعجابي مثله:)

الدانه المصونه

23-09-2010, 05:49 PM

http://quran.maktoob.com/vb/up/1749210987972236259.gif

على النقل الرائع والهادف واتمنى انهم يستفيدون

سالم العاطفي

23-09-2010, 09:43 PM

السلام عليكم ورحمة الله وبركاته
اررررررحب يا بو غادة
وكلاااااااامك صحيح مليووون بالمية
ولا هو بلازم تستانس باليوم الوطني اذا يتتلف املاك الدولة او النااااس

تقديري لأ بو غااادة

أبوصقر العاطفي

23-09-2010, 10:06 PM

ابوغاده سلمت يمينك على طرحك الرائع جداً
نسأل الله التوفيق والسداد لاولاة امرنا ولشبابنا ولجميع المسلمين,, تحياتي لشخصك.

سمو الشيخ

23-09-2010, 10:09 PM

فيصل ال عاطف

24-09-2010, 12:45 AM

اي والله مهوب لازم تستانس باليوم الوطني ...
العام الماضي كنت في دولة الكويت مع تزامن اليوم الوطني للسعوديه وتفاجأة ان فيه شباب وشابات سعوديين متجمهرين بالاسواق والشوارع ومسببين زحمه عشان اليوم الوطني للسعوديه ...

وسوو شي ماسوه اهل الكويت في هلا فبراير ...

والسنه هذي في عندنا في امريكا حاطين اعلامهم على سياراتهم ويفرفرون فيها على بالهم في الخبر والا في جده..
< مايبي يقول الرياض لان اهلها محكورين
طيب ياسعودي يامستانس بيومك الوطني ... انت ناسي ان قبل ١١ يوم وش كان التاريخ؟؟؟
كان ١١ سبتمبر يعني ذكرى نكبة أمريكا كلها ،، ليش تحط نفسك بمواقف انت في غنى عنها ...

انا أقترح يحطون عنوان موضوعك شعار لليوم الوطني كل سنه ...
( ،، مهوب لازم تستانس ،،)

تحياتي لك ولمن مر متصفحك.

عبدالله بن غفره

01-10-2010, 09:28 PM

اشكر الجميع على مروهم الغالي ع قلبي

واقول انتم الرئة لتنفس الموضوع

فيصل آل عاطف
الشكوى على الله
وانا مستغرب من حركتهم في الكويت الله يهديهم