قمشان بن فيصل

[kasper]

السلام عليكم

قمشان ابن فيصل شاعر كبير وانا معجب بقصيده

حاولت احصل شي من قصيده في التسجيلات ماحصلت

بحث في النت ماحصلت الا قصيده وحده

ابيكم تساعدونا بإيجاد اكبر عدد من قصايده

انتظر ردودكم
كاسبر

[kasper]

هذي القصيده اللي حصلتها لأبوفيصل


أنا البارحة تقزي عيوني من المرقد = وقلبي وقف وقفة عيوني وساعدها

وأنا كان اجامل ياعيوني معك واجحد = وانا خابر نقص الدعاوي وزايدها

تماديت في كتم الخوافي وباح السد = ولا لي بهينها ولا ادركت كايدها

أغوض البحور وعارف جزرها والمد = وسود الليالي فجر الأيام يبعدها

مضابي ثلاث سنين مع مثلها وازود = صبور على زلات الأصحاب واجحدها

وإذا جيت احمل لي على حجة واجد = وقف لي رفيق السو ضد وعقدها

وأنا والله اني ما رضيت الخلل في البد = وأشوف النفاق وكثر الأشوار بددها

وترا الرفقة اللي مال ميزانها تنهد = تحصل خسايرها وتفقد فوايدها

إذا صار ميزان العميلين ما يركد = ترا الغش يدخل للعمالة ويفسدها

وعلى نصل مجملها ثبت نقصها المفرد = وصار الخلل فيها من أقوا قواعدها
وإذا صار به شخص تعزه وقف لك ضد = لزوم من الموضوع رجلك تقيدها


رحمة الله عليك يا ابو فيصل

[nasser]

الله لايهينك يا كاسبر على المجهود الي بذلتة

وانشالله نبحث عن قصايدة

العـــاطفي /ناصر

[ظافر العاطفي]

وعليكم السلام ورحمة الله وبركاته



ارررررررررررررررررررررررررحب


الله لايهينك وانت ما قصرت وان شاء الله بنبحث عن قصائده ونجيب له ولغيره



بارك الله فيك




تقبل تحياتي وتقديري

[خشم طويق]

اررررررررحب يا كاسبر

جاري البحث عن القصايد

لكن لابدّ من مشوار للرين

الشايب ما يرد على التلفونات

[kasper]

حياك يالعاطفي ناصر ومشكووور على المرور


انتظر تواجدكم

[kasper]

ارحب يالعاطفي ظافر


لاهنت يالقرم ومشكووور على المرور وفي انتظار القصايد

[kasper]

اررررررررحب يا كاسبر

جاري البحث عن القصايد

لكن لابدّ من مشوار للرين

الشايب ما يرد على التلفونات


تسلم يابو نواف

اي والله يلزم مشوار للرين


الشايب مايمديك عليه مايرد على ارقام مايعرفها خخخخخ

[وآثق آلخٌطوُهـ]

ارررررررحب يآكاسبر وان شالله اني ببحث عن قصآيد ابو فيصل

تقبل مروري

[علي المشعلي]

إخواني الأعضاء السلام عليكم ورحمة الله وبركاته
أولا/شاركت في هذا المنتدى معزه لكم ومن غلاكم
ثانيا/الشاعر/فيصل بن قمشان العاطفي من أعز أصدقاء عمي وله قصائد كثيره ولكن أعطاء عمي الأمانه بعدم نشرها وفيه قصيده له لم يسمح لي عمي بكتابتها أو حتى حفضها إلا بيت منها هو:


أنا صرت مثل مدور الماء من الرمله=بتاي عروق مرسات وهو ضامي

والأبيات الثانيه:

عسى بارق تلعب رفاياه من قبله=ينشي على تثليث من بد الأوطاني
على دار من قلبي يحبه ويرغب له=وذكراه واسمه دايم لهجة لساني


والي يعرف تاليها يكتبها .
الله يرحمه

أخوكم / علي المشعلي

[محمد العاطفي]

مشكووور ياكاسبر والربع مايقصرون انشاء الله

وبيض الله وجه المشعلي على مجهوده

تقبلو تحياتي

[علي المشعلي]

مشكووور ياكاسبر والربع مايقصرون انشاء الله

وبيض الله وجه المشعلي على مجهوده

تقبلو تحياتي


ووجهك أبيض يا أصمك راس

[العبداني]

إبشــر بالسعــد يا كاسبـــــر العاطفـــــــي

والله لا يهينك يا علي المشعلي على البيوت

يعطيك العافيـه

[عز الخوي العاطفي]

السلام عليكم ورحمة الله وبركاته _ قصيده لشاعر:قمشان ابن فيصل العاطفي
وجودي وجودصغيرفي ولاية عم
فقدوالديه وحابط العم والعمه*
تولاه عم مسرف فيه مايرحم
وفيحا تعوض رفقها في حنان امه*
على صاحب فرقاه هم وقربه هم لاأيست منه ولايقود الرجاء يمه*
ترى من هوى من لايوده وهو يعلم
كمااللي يناجيه الصداء من صفاء صمه*
ترى من وطى باقدامه الشوك مايسلم
ومهما توقع لازم ينتثردمه*
وترى من يضم الماء بكفه ولاينظم
كما أللي يصدق واحد مامعه ذمه*
وترى الهجر جوروالمفارق علي أعظم
باوصيك في قلب معك يابشر ضمه*
دخل في هواك وصاربك مولع مغرم
ولاعاد منه إلا المعاليق والرمه*
حبيبي تراك أتعبتني وأنت ماتعلم
قطفت النبات اللي بقلبي بداء زمه*
اناكم تحملت العذاب وصبرت وكم
عصيت الشوير ورحت يمك علي غمه*
عيوني مريضه لاتجيبون لي مرهم
دواها مع اللي حالها بالنظر سمه*
]]

[أبوصقر العاطفي]

اارحب ياعز الخوي العاطفي وبيض الله وجهك على نقل قصيدة الشاعر قمشان بن فيصل الله يغفر له

الف شكر تقبل تحياتي وتقديري