من أشهر المعارك بين آل عاطف والمساعره الدواسر. [الأرشيف]

مشاهدة النسخة كاملة : من أشهر المعارك بين آل عاطف والمساعره الدواسر.

العقيد

03-07-2009, 04:56 AM

أخواني الاعضاء يسرني أن أكتب لكم عن إحدى أشرس وأعنف المعارك بين قحطان والدواسر
وهي بين آل عاطف والمساعره .
وفي سنة من السنين كانوا آل عاطف تحت إمارة الشيخ الفارس هذال بن مسفر بن هادي بن سعيدان شيخ آل عاطف في زمنه مربعين بأبلهم جنوب نجد " جهة ديار الدواسر" وغزوهم المساعره الدواسر على رآس ستة عقداء ذاك اليوم بقيادة:

1) الشيخ الفارس شجاع بن منيف بن قويد.
2)الشيخ الفارس فيحان بن قويد شيخ قبيلة المساعره.
3) الشيخ الفارس دخيل بن قويد.
4) العقيد الفارس وقيان بن رويضان بن وقيان ال حبشان.
5)العقيد الفارس راجس بن مريسن.
6)العقيد الفارس عبدالله بن سويكت .
وغيرهم من فرسان المساعره الدواسر
غاروا على أبل واحد ٍ من آل عاطف وخذوها وقبل ما يقفون بها لحقوهم آل عاطف بقيادة الشيخ هذال بن مسفر بن هادي بن سعيدان شيخ آل عاطف ومعه ثلاثين من الفرسان ومن ضمن فرسان آل عاطف ذاك اليوم :
1)الشيخ الفارس هذال بن مسفر بن هادي بن سعيدان شيخ آل عاطف في زمنه.
2) الشيخ الفارس حزام بن مسفر بن هادي بن سعيدان.
3) الشيخ الفارس سعيدان بن مسفر بن هادي بن سعيدان .
4) الشيخ الفارس نايف بن مناحي بن جرمان بن عويضه بن سعيدان.
5) العقيد الفارس محمد بن ولمه آل شريم .
6) الفارس ضبيب بن جري آل شريم .
7) الفارس عفار بن دغش آل خامسة .
وغيرهم من فرسان آل عاطف ........
وعقب ما قفوا الدواسر بالابل لحقوهم آل عاطف وتناطحوا مع القوم بالبنادق والرماح وفي اثناء المعركة قامت الابل وتجافلت مع الصوت والكر والفر وقام فارسين من المساعره الدواسر وهم الفارس عبدالله بن سويكت ومعه الفارس المشهور وقيان بن رويضان قاموا يسوقون الابل ويوم نطحت ثلمة عنز وهي ريع ٍ بين جبلين وحولت معها ولحقوهم آل عاطف
و أول من لحقهم الشيخ الفارس هذال بن مسفر بن هادي بن سعيدان على فرسه المشهوره [ الحوساء ] المهم إن آل عاطف لحقوهم ونزلوا وسط الأبل واحتموها من المغيرين ودارت معركة شرسه عقرت فيها الكثير من الخيل من الدواسر وآل عاطف ومن ضمن الخيل اللي عقرت ذاك اليوم الفرس ( الحوساء) فرس الشيخ الفارس هذال بن مسفر بن هادي بن سعيدان شيخ آل عاطف والحصان ( منيران) حصان الفارس ضبيب بن جري ال شريم ال عاطف وصوب من الدواسر ذاك اليوم العقيد الفارس راجس بن مريسن وخذوه آل عاطف منيع مع المنعى .
المهم إن آل عاطف احتموا ابلهم ورجعوا بها وافتكوها من المغيرين.
وبعد هذه المعركة قال الشاعر والفارس ضبيب بن جري آل شريم آل عاطف قصيدة طويله منها هذه الأبيات مادحاً فيها آل عاطف وشجاعتهم في هذه المعركة الشرسه :

غـاروا علينـا بـيـن واســط وقمـشـان=واقـفــوا علـيـهـم معـذلـيـن الـهـزايــم
دواسـر فـي الهـوش تنطـح وظـفـران=ودون الـعـشـايـر حــذ ّفــوا بالـعـمـايـم
مقـدم هـل السـربـة شـجـاع وفيـحـان=تـعـرضّـوا حـــر الـظـمــا والـسـمـايـم
وعـيّـا عـلـى تـالـي الركـايـب وقـيّــان=فـي ساعـة ٍ والطيـر فـي الجـو حـايـم
ركـبـوا عليـهـم لابـتـي كـــل سـكــران=عنـد العشايـر تـرخـص الــروح دايــم
عواطف ٍ تركض على الموت عزران=وخمسـة عشـر مـا بيـن طايـح وقايـم
والخيل من ضـرب المخابيـط سدحـان=والطيـر يـرفـس عـنـد خـشـم العـدايـم
حـنـا طرحـنـا راجــس ٍ طـيـر حــوران=وقمـنـا نـحــط ّ لـــه الـكـبـا والـخـزايـم

## شرح لبعض المفردات :
" واسط " جبل جنوب المريبخ .
" قمشان " جبل جنوب المريبخ جنوب وادي الدواسر .
" شجاع " هو الشيخ الفارس شجاع بن منيف بن قويد .
" فيحان " هو الشيخ الفارس فيحان بن قويد شيخ قبيلة المساعره .
" وقيان " هو العقيد الفارس المشهور وقيان بن رويضان بن وقيان بن عرموش بن حبشان المساعره وهو من شجعان المساعره ذاك اليوم قام يحمى عقاب الخيل وقام يسوق الابل وذلك يدل على شجاعته الكبيره.
" حنا طرحنا راجس طير حوران " هو العقيد الفارس المشهور راجس بن مريسن الحباشين المساعره صوبوه آل عاطف برمية بندق في رجله وكسرت ذاك اليوم وصار منيع وخذاه الشيخ الفارس هذال بن مسفر بن هادي بن سعيدان شيخ آل عاطف عنده لمدة خمسة واربعين يوم كل يوم يذبح له خروف ويعالجه لين سلم ثم اهدى عليه ذلول ووداه لربعه معزز ومكرم
في وادي الدواسر وقد أرسل الفارس راجس بن مريسن (الصويب)أرسل قصيده للأمير //هذال بن مسفر بن هادي بن سعيدان مادحآ فيها من آل عاطف يخاطب أخوه:

يــاخــوي ودي أنــــوي بـالـمـراويــح=ردوا علـى أهـل النعـش منـا سلامـي
عـواطــفٍ لا مــن جـذبـهــم صـيـايـيـح=رصاصهـم يشظـي صليـب العضامـي
تبنى لهم البيضاء في روس اللحاليح=مـثـل القـمـر لا تبـيـن فــي الظـلامـي

هذا وتقبلوا مني فائق الاحترام

فهد القحطاني

03-07-2009, 05:52 AM

محمد العاطفي

03-07-2009, 08:59 AM

وآثق آلخٌطوُهـ

03-08-2009, 05:14 AM

السلام عليكم ورحمة الله وبركاته
ارحب يابن سعيدان الله يبيض وجهك على القصص والعلوم اللي تنومس

والله يتجاوز عن ربعنا ويغفر لهم

مشكوووور يالقرم وتقبل تقديري

اخوك:آبن فهم

قرطووح العاطفي

03-08-2009, 12:11 PM

اررررررررررررحب يابن سعيـــدان بيـــض الله وجهـــك وافــي جعلك تحيــــا
وطــرح مميـــز وسوالفك تنووومس يالقــــرم

تقبل مروري

عايض العاطفي

04-08-2009, 01:15 AM

أرررحب يابن سعيدان بيض الله وجهك على الموضوع ألي فيه سوالف الرجاجيل وفرسان ال عاطف

والله يرحم الميت

الله لايهينك تحيااااااااااااتي

ظافر العاطفي

04-08-2009, 09:04 AM

السلام عليكم

ارحب يا ابن سعيدان

الله لايهينك وبيض الله وجهك على طرح القصص والقصائد الجزله

بارك الله فيك

تقديري

أبن وندهـ

05-08-2009, 05:15 PM

ارحب ياابن سعيدان
وبيض الله وجهك وماقصرت

ناصر بن لمدان

01-11-2009, 10:44 AM

اررررررررررررحب يالعقيد بيـــض الله وجهـــك وافــي جعلك تحيــــا
وطــرح مميـــز وسوالفك تنووومس يالقــــرم

تقبل مروري

آلـفـيـصـل

01-11-2009, 10:57 AM

اررررررررررررحب يالعقيد بيـــض الله وجهـــك وافــي جعلك تحيــــا

وطــرح مميـــز وسوالفك تنووومس يالقــــرم

تقبل مروري

فرج العاطفي

02-11-2009, 04:09 AM

اررررررررررررحب يالعقيد بيـــض الله وجهـــك وافــي جعلك تحيــــا

وطــرح مميـــز وسوالفك تنووومس يالقــــرم

تقبل مروري

المسعودي

03-11-2009, 09:49 AM

السلام عليكم ورحمة الله وبركاته

الله يعطيك العافيه على الطرح يا العقيد

تقديرى

ابن شثين

03-11-2009, 10:12 AM

السلام عليكم ورحمة الله وبركاته
الله لايهنيك ويبيض وجهك.
ومشكووور على الطرح المميز.
شـكــ وبارك الله فيك ـــرا لك ... لك مني أجمل تحية .

ذيب العارض

03-11-2009, 10:30 AM

السلام عليكم ورحمة الله وبركاته

الله يعطيك العافيه على الطرح يا العقيد

تقديرى

العقيد

29-07-2010, 11:19 AM

بيض الله وجهك يابن سعيدان...

سوالفك تنومس ولاهنت على الطرح ...

ورغم العداوه والقتل خذو المنيع وكل يوم على ذبيحه ياطيبهم طيباه ..

والله يرحم اموات المسلمين ...

ونحمد الله على نعمة الاسلام والامن والامان ...

ارحب يافهد
ووجهك ابيض
وجمل الله حالك
تقبل فائق الاحترام والتقدير
على مرورك الجميل على الموضوع

الجنرال العاطفي

09-09-2010, 09:51 PM

شـكــ وبارك الله فيك ـــرا لك ... لك مني أجمل تحية .
الله يرحمهم
والله لايهينك

العقيد

12-08-2011, 05:59 AM

http://alfaris.net/up/36/alfaris_net_1246600151.gif (http://alfaris.net/up/v.php?p=36/alfaris_net_1246600151.gif)

ارحب يابن سعيدان بيض الله وجهك وجمل الله حالك على العلوم

اللي تنومس وترفع الراس

مشكوووور على الطرح المميز يالغالي

تقديري لك

ارحب يابو حزام
ووجهك ابيض
وماعليك زود
والله لا يهينك على مرورك الجميل والمميز
تقبل فائق الاحتراام

العاقل الحكيم

17-08-2011, 11:32 PM

العقيد

18-08-2011, 07:21 AM

بسم الله الرحمن الرحيم

ااااااااااااااارررررررررررررحب يالعقيد

عزالله أنك تجيب السالفه كامله مكمله بالقصيد وأسماء الفرسان من كل الطرفين ومكان الوقعه
وكأن من يقراء القصه كأنه عايش الأحداث من أول كلمه الى آخر حرف
بيض الله وجهك وتسلم يديك

،،،،،تقبل تقديري،،،،،

ارحب يالعاقل الحكيم
وماعليك زود
وبيض الله وجهك
وجمل الله حالك
والله لا يهينك على ردك المميز ومرورك الاروع
تقبل فائق احترامي

آلعنفـوان

20-08-2011, 05:28 PM

" حنا طرحنا راجس طير حوران " هو العقيد الفارس المشهور راجس بن مريسن الحباشين المساعره صوبوه آل عاطف برمية بندق في رجله وكسرت ذاك اليوم وصار منيع
وخذاه الشيخ الفارس هذال بن مسفر بن هادي بن سعيدان شيخ آل عاطف عنده لمدة خمسة واربعين يوم
كل يوم يذبح له خروف ويعالجه لين سلم ثم اهدى عليه ذلول ووداه لربعه معزز ومكرم
في وادي الدواسر وقد أرسل الفارس راجس بن مريسن (الصويب)
أرسل قصيده للأمير //هذال بن مسفر بن هادي بن سعيدان مادحآ فيها من آل عاطف يخاطب أخوه:

يــاخــوي ودي أنــــوي بـالـمـراويــح=ردوا علـى أهـل النعـش منـا سلامـي
عـواطــفٍ لا مــن جـذبـهــم صـيـايـيـح=رصاصهـم يشظـي صليـب العضامـي
تبنى لهم البيضاء في روس اللحاليح=مـثـل القـمـر لا تبـيـن فــي الظـلامـي

:1 (7): آلعقيـــد :1 (7):

بيض آلله وجهـك بيآض آلشآش على طرحك آلشيق وآلقمـة يـ/آلقرم

بـ/آلفعــل أخذني آلطرح وسرد آلقصـــة لـ/معآيشة آلموضوع
.
.
.

كلمـة لآبد من نثرهـإآ هُنآ

في حق الشيخ الفارس هذال بن مسفر بن هادي بن سعيدان

جعله آلجنـة حي وميت ..أنـإآ أشهد إن أمه جآبت ولد وأنـإآ أشهد إنه يستحق آلشيخـة

كذآ كنوز آلمرجلــة عند أهلـهـإآ وفوق ذآ يستآهل صب آلسمن على يمنآه لآن فعله يكود عطرآن آلشوآرب وموقفه آلشهم آلنبيـل

وأنضمــإآمي لـ/ ذآ آلصرح غنيمـة لـ/معرفــة مثل ذآ آلقصص آلروعـة عند أهل آلشيمـة وآلوقــإآر

هداج العاطفي

15-10-2011, 01:10 PM

السلام عليكم
الله لايهينك وبيض الله وجهك يا العقيد
على طرح القصص والقصائد الجزله
تقديري