رسائل شعريّة

[عبدالعزيز الحربي]

بسم الله الرحمن الرحيم




السلام عليكم ورحمة الله وبركاته




يسرني أن أفتتح هذه المدوّنة الخاصّة , وكلي آمل في أن أقدم ما يسر الجميع .



والله ولي الأمر والتوفيق .

[عبدالعزيز الحربي]

الوصل مكسب والقطاعه خساره=والمال زوده نقص من عهد قارون
والمرجله ما تنعرف بالاشاره=حبل المراجل بالمهمّات مقرون
والطيب واجب والتآنّي شطاره=والعقل نعمه والمجانين يدرون
والذلّ في وجه العدوّ استداره=وعند الرخا راعيه هتلر وفرعون
والفكره أمّا خير والاّ شراره=صحوة عقل والاّ تصاريف مجنون
والمزح وقت الجد مثل الدعاره=والعلم حكمه والجهل يعمي عيون
والكذب ماينقض صحيح العباره=والزور يجعل صاحبه دوم مفتون

[عبدالعزيز الحربي]

سلام منّي لمنتدى آل عاطف=أهل الوفاء والمرجله والشهامه
ماهي علومٍ بين قايل وخاطف=قولٍ بلا برهان ذلّ وندامه
ولاني لميقاف القحاطين شاطف=جميع قحطاني عزيزٍ مقامه
ماقلتها مجامل ولاهي تعاطف=كلام حربي من رجال الزعامه

[عبدالعزيز الحربي]

الفقر فقر المعرفه والقناعه=والاّ الدراهم عند ربّك عوضها
أخذ الصحيح وخلّ عنك القناعه=خلّك ذكي وبحور الافكار خضها

[عبدالعزيز الحربي]

لولا التفاهم بين عاقل وعاقل=مابان للجاهل من المعرفه شي
ولو كان ما للهرج سامع وناقل=ماصار فعل الخير ميّت وهو حي

[عبدالعزيز الحربي]

لاحت بروق الوصل بمزون الاشواق=ثم استهلّت وارتوت ناس ضميا
وارتاحت أعصاب الجفا عقب الارهاق=حتّى أبصرت عينٍ من الهجر عميا
بس المحبّه لا سطت جوف الاعماق=خلّت يزيد يموت لعيون لميا

[عبدالعزيز الحربي]

خلّيت سجّاتي علشان سجّه=أصلاً سبايب سجّتي كلّها منك
القلب والتفكير يمّك توجّه=والعين حتّى في غيابك تعاينك
ياليت صدري في يدينك تفجّه=حتّى تأكّد ان بالقلب مسكنك
ماعنك تصريفه ولا عنك هجّه=يافرصتي بالعمر غصب اتحيّنك

[عبدالعزيز الحربي]

حتى وانا اسولف تجيني هواجيس=واجاوب الهوجاس لو ماسألني
شفت الغرام اللي قتل عنتر وقيس؟=قتلني ومتّ وحييت وقتلني
كلّه سبب طفاقة النفس وابليس=والاّ وش اللي في غرامك شغلني؟




.

[عبدالعزيز الحربي]

الصبر مفتاح الفرج كيف تنساه؟=لاتغلق الاّ بابٍ يجوز غلقه
وان ضاع صبرك دوّره لين تلقاه=وان مالقيته دوّره زين والقه
مايجلس المومن على حيد مركاه=ويقول ابي من كلّ الارزاق شلقه




.

[عبدالعزيز الحربي]

ياعيوني لاتهلّين دمعات الوداع=لين مايبقا من الناس حولك غير انا
صار حزني راس حربه وانا قلب الدفاع=وان بدا الشوط النهائي تضاعف جهدنا
ياسلام الله على الذيب من بدّ السباع=لو دنت كلّ السباع وتدّنت مادنا
لو يجرّ عواه اذا حسّ بالغربه وجاع=بس عنده عِزة النفس هي ساس الغِنى
منك ياسرحان اخذت الطبيعه باقتناع=والقناعه كنزها كنز يبطي مافنا




.