فهد الفرساني
23-08-2011, 04:15 AM
ابن شايق
ياماعازيب الوفاء ونتم دعيتونا وجينا ### قبل مردود البرا يازين مردود السلامي
الزلامي شاعر(ن) شايب وله حق(ن) علينا ### والحقيقه كل خلق الله يحبون الزلامي
رشيد الزلامي
مرحبا والله يحيكم وحنا حاضرينا ### ونتبه للكلمه اللي لاحلال ولاحرامي
اثر في قلبك محبه من زمان ولادرينا ### شوف لك واحد سنينك يتجه بك شرق شامي
ابن شايق
الرجال الطيبيني يقدرون الطيبينا ### خلنا نلعب ونكسب خبرتك خمسين عامي
لاتناظر فوق وتعد الليالي والسنينا ### الحرامي يحسب (ن) من قابله مثله حرامي
الزلامي
شد حيلك ودحم الشعار بالجنب المتينا ### والهدف في راس ظلع(ن)مايصيبه كل رامي
والله انا مالقينا صورتك في حرب سينا ### مير هذا الوقت جبت البندقيه والحزامي
ابن شايق
عيت الشاره تطيخ اليا رميتوها رمينا ### والطمع بيني وبينك فالردوف وفالسنامي
ونت لك صوره على شاطي بحر هادي ومينا ### لاتلحقنا الملام ولانلحقك الملامي
الزلامي
ودنا يسرون ظيفان الكرامه مكرمينا ### ون بغيت اكوي كويت بميسم (ن) فالنار حامي
عقب ذاك الوقت اظنا لانبيك ولاتبينا ### رحت مرواح الغراب الي تقفاه العسامي
ابن شايق
ان رضيتوا مازعلنا ون زعلتو مارضينا ### لاتخلينا نشيل الروس ونقص العظامي
فيك ثنتينن سوا والثالثه وحده وفينا ###واحمد الله ظحكت الدنيا لنا والحظ قامي
الزلامي
ياعيال العود مادون الحلوق الا اليدينا ### مير حنا يوم شفنا العود في خشمه عرامي
من قرارت نجد سقناكم وجيتو مقبلينا ### مادرا جنب الحصاه الا تردون السلامي
ابن شايق
لو نعد الفعل الاول كم خذيت وكم خذينا ### ياحليمه جوك خلان الاشده والمسامي
يوم حولنا عليكم من شمال ومن يمينا ### رحت من نجد العذيه يالحجازي والتهامي
الزلامي
شفت ذريت حليمه يوم جوكم سارحينا ### ان حييت بغبنها ون مت مانت بلا الرحامي
ان فعلتو شي في ذاك الزمان مسامحينا ### انتبه هذا كلام المعركه ماهو كلامي
ابن شايق
دورو لشيخوكم وليا نسيتو مانسينا ### انت مانت بحامي (ن) بيض الحباري والنعامي
ان خجلتو وستحيتوا ماخجلنا وستحينا ### اسمحو لي باتكلم ياعزيزين المقامي
الزلامي
الصحيح انا نسينا من حنا فاقدينا ### تاخذ الراعي وناخذ فيه حامين الجهامي
يا الله اغفر ذنبنا لانكان حنا مسرفينا ### والخطيه يوم عرظنا القحاطين المظامي
ابن شايق
كان شيخك راعين عندك شيوخك ظايعينا ### انت صاحي بس بعض احيان ياخذك المنامي
اشتكيتو لا الشريف ويعلم الله ماشكينا ### لو ظمينا يالزلامي كان وردنا الحيامي
الزلامي
ياولد شايق ترى الله سامحك دنيا ودينا ### فاير (ن) دمك من الماضي ومثلك مايلامي
منقول
من أقوى المحاورات بين شاعر قحطان ابن شايق وشاعر عتيبة الزلامي وفيها بيوت كثيرة توقفت عند احدها والتي ملونه بالاحمر والازرق
كان ابن شايق متميز بشكل كبير جداً وتعد من أفضل المحاورات
ياماعازيب الوفاء ونتم دعيتونا وجينا ### قبل مردود البرا يازين مردود السلامي
الزلامي شاعر(ن) شايب وله حق(ن) علينا ### والحقيقه كل خلق الله يحبون الزلامي
رشيد الزلامي
مرحبا والله يحيكم وحنا حاضرينا ### ونتبه للكلمه اللي لاحلال ولاحرامي
اثر في قلبك محبه من زمان ولادرينا ### شوف لك واحد سنينك يتجه بك شرق شامي
ابن شايق
الرجال الطيبيني يقدرون الطيبينا ### خلنا نلعب ونكسب خبرتك خمسين عامي
لاتناظر فوق وتعد الليالي والسنينا ### الحرامي يحسب (ن) من قابله مثله حرامي
الزلامي
شد حيلك ودحم الشعار بالجنب المتينا ### والهدف في راس ظلع(ن)مايصيبه كل رامي
والله انا مالقينا صورتك في حرب سينا ### مير هذا الوقت جبت البندقيه والحزامي
ابن شايق
عيت الشاره تطيخ اليا رميتوها رمينا ### والطمع بيني وبينك فالردوف وفالسنامي
ونت لك صوره على شاطي بحر هادي ومينا ### لاتلحقنا الملام ولانلحقك الملامي
الزلامي
ودنا يسرون ظيفان الكرامه مكرمينا ### ون بغيت اكوي كويت بميسم (ن) فالنار حامي
عقب ذاك الوقت اظنا لانبيك ولاتبينا ### رحت مرواح الغراب الي تقفاه العسامي
ابن شايق
ان رضيتوا مازعلنا ون زعلتو مارضينا ### لاتخلينا نشيل الروس ونقص العظامي
فيك ثنتينن سوا والثالثه وحده وفينا ###واحمد الله ظحكت الدنيا لنا والحظ قامي
الزلامي
ياعيال العود مادون الحلوق الا اليدينا ### مير حنا يوم شفنا العود في خشمه عرامي
من قرارت نجد سقناكم وجيتو مقبلينا ### مادرا جنب الحصاه الا تردون السلامي
ابن شايق
لو نعد الفعل الاول كم خذيت وكم خذينا ### ياحليمه جوك خلان الاشده والمسامي
يوم حولنا عليكم من شمال ومن يمينا ### رحت من نجد العذيه يالحجازي والتهامي
الزلامي
شفت ذريت حليمه يوم جوكم سارحينا ### ان حييت بغبنها ون مت مانت بلا الرحامي
ان فعلتو شي في ذاك الزمان مسامحينا ### انتبه هذا كلام المعركه ماهو كلامي
ابن شايق
دورو لشيخوكم وليا نسيتو مانسينا ### انت مانت بحامي (ن) بيض الحباري والنعامي
ان خجلتو وستحيتوا ماخجلنا وستحينا ### اسمحو لي باتكلم ياعزيزين المقامي
الزلامي
الصحيح انا نسينا من حنا فاقدينا ### تاخذ الراعي وناخذ فيه حامين الجهامي
يا الله اغفر ذنبنا لانكان حنا مسرفينا ### والخطيه يوم عرظنا القحاطين المظامي
ابن شايق
كان شيخك راعين عندك شيوخك ظايعينا ### انت صاحي بس بعض احيان ياخذك المنامي
اشتكيتو لا الشريف ويعلم الله ماشكينا ### لو ظمينا يالزلامي كان وردنا الحيامي
الزلامي
ياولد شايق ترى الله سامحك دنيا ودينا ### فاير (ن) دمك من الماضي ومثلك مايلامي
منقول
من أقوى المحاورات بين شاعر قحطان ابن شايق وشاعر عتيبة الزلامي وفيها بيوت كثيرة توقفت عند احدها والتي ملونه بالاحمر والازرق
كان ابن شايق متميز بشكل كبير جداً وتعد من أفضل المحاورات