محمد بن شايق
11-04-2009, 12:46 PM
هذه القصيده قالها الشاعر / فهد رزيق الحارثي وهو يشكي علي من حبيبته وارسلها لي في مكتبي مع القهوجي ( راج ) وهو هندي الجنسيه ورديت عليه وإليكم القصيدتين
ياراج من زرع اليمن هات بالله=واحمس لنا من حبه قياس دله
ولامن غدا لاهوب ني ولا حرقان=دقه بنجرك دق يمنا (ن) مغله
قيس لها الما وخل خمرتك تقطع=ولا غاش فالرسلان قند وزله
اركد وفيحها على جال ضوك=ولافاحت انقلها ولي صب بالله
فنجال (ن) اشقر مثل دم الغزاله=مده جبا ياشمعة الهند كله
لعلي اقعد به وأنا اخوك راسي=واطلق به حجاج المعاني وافله
ولشاب قافي قم بزندك مكتوب=مني لأبو شايق ورح بالعجل له
شيخ (ن) من شيوخ قحطان الكبيره=الطيب طبعه والوفا له جبل له
منصا الرجال ومقطع الحق فيهم=حكيم راي ومجلسه ما تمله
مشكاي لله ثم له وهوا اللي=ينقض حبال البيت لامن فتل له
انا الغريق اللي غرق له ببحرين=سود النواعس تحت قوس الأهله
عيون شيهانه على كف صقار=تبغا العشا والسبق قامت تتله
ترمي لواحظها رمي بندق عجير=تقفي وهدفها طايح (ن) في محله
ارموشها اعبر من جنود هتلر=تدمر الموقع بعد تستحله
ونضراتها فيها العشم والرجاوي=عزيز قومه في رجاها تذله
عزز لها في ذبح راعا الموده=سيف من جراب اللثامه تسله
جمر (ن) وهجها من الغنج والنعومه=راعا الهوا ياكله لو ينوكله
وجدايل (ن) بيديه لامن نثرها=ليل (ن) قفا وجه القمر يوم هله
خل (ن) بلاني بالهوى وامتحني=الله يسامحه ويبيحه ويحله
هو عوقي وداي وطبيب المداوي=جرح وعلاج وطب واسباب عله
لقبلت له كابر وقام يتغلا=وعيني تعلمه بغلاه وتقله
ولقفيت عنه تردني له دموعه=اروف به واحن له واشتحن له
ياليتني ماشفته ولا عرفته=ولاقدام رجلي يا ابن شايق مشله
ماكان جاني منه كل اللي جاني=ولازعلت من يطلب رضايه رضا(ن) له
وهذي يادكتور المحبه علومي=وملف واوراق الجريح وسجله
ابيك تسعفني بتشخيص حاله=وتقرير طبي يشرح الوضع كله
وارفق مع التقرير خطاب عاجل=نصه لأبو سليمان وموجه (ن) له
يسمح غياب مدير عام الأراضي=لامن طرا طاري يبي شوف خله
وسلامتك وعفاك ياطير شلوى=وادمح زللها وانت دماح زله
فهد رزيق الحارثي
وهذا ردي على فهد رزيق
يامرحبا بالخط واللي موديه=إعداد ماشفنا النجوم المطله
جابه صديق (ن) ماشفاني كلامه=مافادني علمه ولاحرف لله
جنسيته هندي ومنطوقه اردو=ولا لقيت بوقته مترجم (ن) له
قلت اله تيقا قال مافيه مشكل=وسداون اجلس يعني بلهجت (ن) له
طال الكلام وقلت هات الرساله=وتركت باقي الهرج دقه وجله
وقريت مضمون الرساله قصيده=يامرحبا من واحد (ن) مرسل (ن) له
ارحب تراحيب قحطان العريقه=عد المزون اللي مطرها تهله
باللي لفا خطه على بيض الأوراق=وفزيت من تقديره ومن غلا (ن) له
فهد رزيق الحارثي ويش بأقول=كل الخصال الوافيه ميزت (ن) له
شدادي (ن) والنعم لاجا مجاله=والصدق نور (ن) من سرابه يدله
ربعي وربعه قبل حكم السعودي=الكل منهم دولة (ن) مستقله
ماني مبالغ بس اقول الحقيقه=وعندي على منطق كلامي ادله
خصيمنا من كسرنا ما يجبر=ومن فعلنا يرتاع لا شاف ظله
يشكي علي من واحد (ن) سم حاله=ابو عيون (ن) بالهدب مستظله
هرجه عسل والموت من نظرته سل=كنه على عوج الحنايا يسله
حلو (ن) تحلوا له بحيلة لسانه=حاول بقدراته معا حيلة (ن) له
حول على قلبه بحيل (ن) وحيله=وحلحل صناديق الظماير وحله
ومن بعد ماحل بحلول وتمكن=شاف الضروف القاسيه واستغله
والله ما الومه بعد وصف (ن) وصفها=شوفه ومنطوقه دوا كل عله
لاشك ماحدد مواقع وطنها=وقعدت افكر وين منزال خله
من الرياض اقول واللى بريده=واللى من الطايف خذا منزل (ن) له
واحترت في مبداي وين اتوجه=وارسلت له مرسول في موتر (ن) له
ابو طلق يسري مساري الذيابه=والخط لو طال المدى مايكله
من فوق دوج (ن) لاكفخ ويش احليه=حر (ن) يضف الريش واللى يفله
مصمم (ن) بديه على شكل حوته=حتى الهواء لامن صفق فيه زله
لاجاك وصف له ودقق له الوصف=عطه العلوم وباقي الهم جله
يابو رزيق القرم ماعاد منهاش=والله لأمشيها على كل مله
حنا عرب من فعلنا لأعتزينا=تنزل بنا حله وتنزاح حله
اما خذيناها بغصب وغصيبه=ولو تروح ارواح مابه شكله
واللى تجي بالمال بأهون وسيله=والله هو اللي كل كايد يحله
مانيب ذاخر كل شي (ن) بأسويه=اللي علي واللي تبقا على الله
محمد شايق
ياراج من زرع اليمن هات بالله=واحمس لنا من حبه قياس دله
ولامن غدا لاهوب ني ولا حرقان=دقه بنجرك دق يمنا (ن) مغله
قيس لها الما وخل خمرتك تقطع=ولا غاش فالرسلان قند وزله
اركد وفيحها على جال ضوك=ولافاحت انقلها ولي صب بالله
فنجال (ن) اشقر مثل دم الغزاله=مده جبا ياشمعة الهند كله
لعلي اقعد به وأنا اخوك راسي=واطلق به حجاج المعاني وافله
ولشاب قافي قم بزندك مكتوب=مني لأبو شايق ورح بالعجل له
شيخ (ن) من شيوخ قحطان الكبيره=الطيب طبعه والوفا له جبل له
منصا الرجال ومقطع الحق فيهم=حكيم راي ومجلسه ما تمله
مشكاي لله ثم له وهوا اللي=ينقض حبال البيت لامن فتل له
انا الغريق اللي غرق له ببحرين=سود النواعس تحت قوس الأهله
عيون شيهانه على كف صقار=تبغا العشا والسبق قامت تتله
ترمي لواحظها رمي بندق عجير=تقفي وهدفها طايح (ن) في محله
ارموشها اعبر من جنود هتلر=تدمر الموقع بعد تستحله
ونضراتها فيها العشم والرجاوي=عزيز قومه في رجاها تذله
عزز لها في ذبح راعا الموده=سيف من جراب اللثامه تسله
جمر (ن) وهجها من الغنج والنعومه=راعا الهوا ياكله لو ينوكله
وجدايل (ن) بيديه لامن نثرها=ليل (ن) قفا وجه القمر يوم هله
خل (ن) بلاني بالهوى وامتحني=الله يسامحه ويبيحه ويحله
هو عوقي وداي وطبيب المداوي=جرح وعلاج وطب واسباب عله
لقبلت له كابر وقام يتغلا=وعيني تعلمه بغلاه وتقله
ولقفيت عنه تردني له دموعه=اروف به واحن له واشتحن له
ياليتني ماشفته ولا عرفته=ولاقدام رجلي يا ابن شايق مشله
ماكان جاني منه كل اللي جاني=ولازعلت من يطلب رضايه رضا(ن) له
وهذي يادكتور المحبه علومي=وملف واوراق الجريح وسجله
ابيك تسعفني بتشخيص حاله=وتقرير طبي يشرح الوضع كله
وارفق مع التقرير خطاب عاجل=نصه لأبو سليمان وموجه (ن) له
يسمح غياب مدير عام الأراضي=لامن طرا طاري يبي شوف خله
وسلامتك وعفاك ياطير شلوى=وادمح زللها وانت دماح زله
فهد رزيق الحارثي
وهذا ردي على فهد رزيق
يامرحبا بالخط واللي موديه=إعداد ماشفنا النجوم المطله
جابه صديق (ن) ماشفاني كلامه=مافادني علمه ولاحرف لله
جنسيته هندي ومنطوقه اردو=ولا لقيت بوقته مترجم (ن) له
قلت اله تيقا قال مافيه مشكل=وسداون اجلس يعني بلهجت (ن) له
طال الكلام وقلت هات الرساله=وتركت باقي الهرج دقه وجله
وقريت مضمون الرساله قصيده=يامرحبا من واحد (ن) مرسل (ن) له
ارحب تراحيب قحطان العريقه=عد المزون اللي مطرها تهله
باللي لفا خطه على بيض الأوراق=وفزيت من تقديره ومن غلا (ن) له
فهد رزيق الحارثي ويش بأقول=كل الخصال الوافيه ميزت (ن) له
شدادي (ن) والنعم لاجا مجاله=والصدق نور (ن) من سرابه يدله
ربعي وربعه قبل حكم السعودي=الكل منهم دولة (ن) مستقله
ماني مبالغ بس اقول الحقيقه=وعندي على منطق كلامي ادله
خصيمنا من كسرنا ما يجبر=ومن فعلنا يرتاع لا شاف ظله
يشكي علي من واحد (ن) سم حاله=ابو عيون (ن) بالهدب مستظله
هرجه عسل والموت من نظرته سل=كنه على عوج الحنايا يسله
حلو (ن) تحلوا له بحيلة لسانه=حاول بقدراته معا حيلة (ن) له
حول على قلبه بحيل (ن) وحيله=وحلحل صناديق الظماير وحله
ومن بعد ماحل بحلول وتمكن=شاف الضروف القاسيه واستغله
والله ما الومه بعد وصف (ن) وصفها=شوفه ومنطوقه دوا كل عله
لاشك ماحدد مواقع وطنها=وقعدت افكر وين منزال خله
من الرياض اقول واللى بريده=واللى من الطايف خذا منزل (ن) له
واحترت في مبداي وين اتوجه=وارسلت له مرسول في موتر (ن) له
ابو طلق يسري مساري الذيابه=والخط لو طال المدى مايكله
من فوق دوج (ن) لاكفخ ويش احليه=حر (ن) يضف الريش واللى يفله
مصمم (ن) بديه على شكل حوته=حتى الهواء لامن صفق فيه زله
لاجاك وصف له ودقق له الوصف=عطه العلوم وباقي الهم جله
يابو رزيق القرم ماعاد منهاش=والله لأمشيها على كل مله
حنا عرب من فعلنا لأعتزينا=تنزل بنا حله وتنزاح حله
اما خذيناها بغصب وغصيبه=ولو تروح ارواح مابه شكله
واللى تجي بالمال بأهون وسيله=والله هو اللي كل كايد يحله
مانيب ذاخر كل شي (ن) بأسويه=اللي علي واللي تبقا على الله
محمد شايق