وآثق آلخٌطوُهـ
04-08-2009, 08:47 AM
السلام عليكم ورحمه الله وبركاته
في البدايه الفارس والشيخ
فهم بن مبارك ال عبدان ال عاطف
له من الاخوه الفارس مسفر بن مبارك الملقب بزهير
فارس لايشق له غبار له من المواقف البطوليه في المعارك والمغازي كان شجاعا كريما يتمتع بالقوه
والشجاعه وهو من المشاركين مع الملك عبدالعزيز ال سعود في توحيد المملكه وكان له مقامه الخاص
لدى الملك عبدالعزيز ال سعوود وكان معروف بالحميا عند ربعه
وتوفي زهير رحمة الله عليه وليس له من الذريه احد وانقطع نسله
والشيخ ( فهم ) عليه رحمة الله كان من الفرسان المشاركين في المغازي مع ال عاطف في الجهل وادرك الملك عبدالعزيز في الفتوحات فهو (قطيع سر ) اخ من الام لكل من الشيخ سعيد بن ظفر بن مبارك بن سعيدان والشيخ شينان بن ظفر بن مبارك بن سعيدان ( ابو شنّ ) وكان من الملازمين لل عاطف في مغازيهم .
أبناء الشيخ فهم بن مبارك ( ال فهم )
1-الشيخ حزام بن فهم ال عبدان العاطفي . رحمه الله
كان رحمه الله كريما متواضعا ومحبوبا من الجميع وذو حنكه وحكمه وملاذ للضعيف
وقد توفي رحمه الله في يوم الاربعاء الموافق 2/ 1/1416
فرحمه الله رحمة واسعه وادخله فسيح جناته
قصائده .
كان الشيخ حزام ابن فهم رحمه الله عليه قادمأ من العمره برفقة الشيخ سلامه
بن ملهي ال سعيدان رحمه الله فقال الشيخ سلامه ابيات موجههها الى رفيق
دربه الشيخ حزام بن فهم ال عبدان ومعاتبا بها البكره .
ياحزام بكره خويك حيلها ثاوي
قصر جهدها واثر مهيب مامونه
والبعد للقلب لايرحم ولاياوي
خلي بركبه وعرق سبيع من دونه
فرد الشيخ حزام بن فهم مازحا على لسان البكره .
ظلمتني ياسلامه شوركم غاوي
ماقصدي الا الحمل ودي تشيلونه
قطب حبال الرسن والكور متساوي
وان طار طير الهوى بتقول مجنونه
2- الشيخ عشق بن فهم ال عبدان العاطفي . رحمه الله
كان رحمه الله أكرم أهل نجد في زمانه بل يعتبر رمز الكرم
في نجد وقد أشتهر رحمه الله بذبح الابل والغنم وقد اطلقو عليه رجال قبيلته بعض الالقاب ومنها ( شحيمان ).. وايضأ(عدو الشاه ) وقد توفي رحمه الله في يوم الثلاثاء 6/3/1411هـ صباحأ أثر حادث مروري وكان في ذالك اليوم قد اوصى ابنائه بالاستعداد في الليل بمناسبة عشاء قد أعده للشيخين ذياب بن سلطان ابن سفران ومشلح بن سلطان بن سفران رحمهما الله لما يكن لهما من حب وموده وحسن جوار فرحمهم الله رحمة واسعه واسكنهم فسيح جناته
وقفه
من العادات القديمه ان المولود حينما يولد فإن ابوه يتوجه به الى احد الرجال
أهل الطيب والكرم وفي هذا الصدد فقد قام المرحوم بالتوجه بأحد أبنائه
الى الشيخ مشلح ابن سلطان لكي يلاعبه ويناشده وهذي العاده يطلق عليها
( الطلاع ) وقد قام قبل ذالك الشيخ مشلح أيضا بالتوجه بأحد أبنائه
الى المرحوم عشق بن فهم لكي يلاعبه ويناشده
جميع ماذكرت إن دل على شي فأنما يدل على قوة المحبه وحسن الجوار بين هولاء الرجال وستبقى نموذجأ ومثالأ للأجيال القادمه
قصائده.
هذه البيتين للشيخ عشق بن فهم رحمه الله عليه
وهي موجهه الى الشيخ والامير : مشلح بن سلطان ال سفران الخنفري
أنـا خـــوي لبـو سلــطان
مانيب اخاوي الردييني
ياشوق من ينثرالريحان
بنت الشيوخ السلاطيني
وهذه البيتين قالها وهو في رنيه موجهها الى محمد بن مسفر ال سفران الخنفري في مهمه عمل تبع وزاره الداخليه ( العماله )
يااميرنا ماورى رنيه لنا قره
يالله تستر عليهم ستره الضافي
اشرب قراح"وكبدي على مره
راع الهوى مالقى له مشرب"صافي
ويقول الشيخ : نايف بن سلامه بن سعيدان في أبياته مسندها على المرحوم عشق بن فهم يقول فيها
يابوفهم ود الرساله قوامي
بالك تريظها ترى القلب مخطور
ود الرساله ثم رد السلامي
سلم عليها عد ماقيل ماجور
قله ترى نايف طواه الهيامي
انا مريض واريش العين دكتور
وهذه البيتين للشاعر : مشبب بن عشق بن فهم ال عبدان ممتدحا
والده
قالت نسيت ابوك وشفيك عجلان
قلت الفخر يابنت مكثر رصيده
ابوي يدعونه بوقته شحـــــيـــمــان
وهذي تكفي والمزايـــــــــــــا عديده
وهذه القصيده للشاعرالكبير والدكتور : شالح بن خريزان بن سفران الخنفري
وهي موجهه الى الشاعر مشبب بن عشق بن فهم ممتدحا والده الشيخ
عشق بن فهم وجده الشيخ مشبب بن هريويل رحمه الله عليه المعروف براعي
العصلا . ويقول فيها
يامشبب المنعور ياواف الاشبار
نسل الرجال موردين السلالي
جدك راعى العصلا اليا ثور غبار
يرسي كما ترسي خشوم الجبالي
له ماقف" ماياقفه كــل مغــوار
يوم تربه سيفه يحل الجــــدالي
ترمي فلاها الخيل وتروح الاعمار
ويطير من زين البنات الجلالي
اليا اعتزا من فوق اصيلات الامهار
يطرح زعيم القوم ذيب العيالي
وابوك ذباح الغنم وقت الاعسار
كريم سبلا يوم شح الريالي
يوم القسى والجوع والوقت جوار
مايذبح الا الحيل والا الجمــالي
الاد ابن عاطف مديحين الاذكار
هم درعنا لاصطك جال"بجالي
اهل الوفاء والعز والمجد والكار
واهل البيوت اللي بها كن وضلالي
ياطيبهم ياشرهم وقت الاشرار
مثل العسل في حال والمر حالـــــي
وقد رثاه أبنه مشبب بقصيده وهذي ابيات منها
في يوم سادس صباحاً من ربيع أول
عام ألف واربعميه وإحدى عشر هجري
عشرين عام مضت والحزن متجول
في صدري جعل الصدور فداك ياصدري
يابوي عشرين عام الدمع ماحول
الا مع سيرتك والناس ماتدري
أمسي غني الحزن وأضحيت متسول
أطلب مزيد العنا ويزورني بدري
عساك في جنة كلن لها يخول
مادام قبرك سبق في ضمته قبري
3- الشيخ : فهـــد بــن فــهم ال عبــــدان العاطفي .رحمة الله عليه
كان رحمه الله أب الجميــــع ولـــكل ابنــــائه وكان رحمه الله ذو شخصيــــه مرحــه
محبـــوب لـــدى الجميـــع يتمتع بالاخلاق النبيـــــله والكـــرم والطيــــــب
صفــــاته الطيبـــــه رحمه الله عليه جعلته يكســـــب السمعـــــه الطيــــبه
عنــــد القـــــــريــــــب والبعيـــــدوقد تميز بصفه ولاابالغ اذا قلت انها لاتوجد
الا في ذالك الشخص رحمه الله وهي انه اذا غاب عن الوجود بدا الصغير والكبير يسأل عن ذالك الشيخ توفي يوم الاثنين11/12/1424فرحمه الله رحمة واســـــــــــــــــــــــــــــــــــعه واسكنه فسيح جناته
وقد رثاه أبن اخيه الشاعر : مشبب بن عشق بن فهم في قصيدة طويله لم احفظ منها الا هذي الابيات
عمي توفى يافهد ثاني العيد ... وشلون اعايد وألتقي بالرفاقه
وجهي شحوب وطاولتني التناكيد ... وقلبي تـفحم يوم زاد احتراقه
يابوي لاوالله فلانيب في عيد ... دمعي مطر والصدر زاد اختناقه
4- الشيخ مهدي بن حزام بن فهم وهو كبير ال فهم
وهو كبير ال فهم ويعتبر صاحب الكلمة والراي السديد نيابة عن بني عمه ال عبدان في المناسبات
والطلبات واصلاح ذات البين)
قصائد ومساجلات بعض شعراء ال فهم
هذه القصيده للشاعر مشبب بن عشق بن فهم وهي موجهه الى ناصر بن لمدان
في الساعه العاشره من ليلة الجمعه
في الليله العاشره ربيعنا الثاني
مهوب عيب" علي لاطاحت الدمعه
متذكر" ديرتي وبيوت جداني
دار" تضم الرجال اللي لهم سمعه
ربع" تعز الخوي وتزبن الجاني
ذكرت ابوي وتوالت جات مجتمعه
شرايدٍ(ن) كلها لولو ومرجاني
ماهيب لحية رومانسيه ولاشمعه
لا والله إلا قصيد(ن) يطلق لساني
ومادام ناصرولد لمدان يستمعه
ماكني الا عشق وإخوه لمدانــــي
يارب عبدك دعاك بليلة الجمعه
ترحمهم برحمتك وتثبت إيماني
رد الشاعر الكبير ناصر بن لمدان ال سويد ال عاطف
الساعه اربع وسيف الشعر له لمعه
مجرود والقاف يامرني وينهاني
لقيت صدر القصيده وقفته امعه
وعجز القصيده بسيط ووقفته آني
من شاعر ن حكمته تسوى 100رمعه
ومواقفه ماتبي حجه وبرهاني
من روس قوم ن ماجابوا فالزمن خمعه
تشهد تواريخهم في كل ميداني
عواطف ن تقمع اللي واجب ن قمعه
افعالكم عزنا ياروس عبداني
يامشبب الوقت لول والله الطمعه
اللي جمع مجد شيبانك وشيباني
واليوم صرنا فتيل ن محرق ن شمعه
لاتشعم النار تصلاكم وتصلاني
ويقول الشاعر فيصل بن سعد الحواصله في مساجله مع فهد بن عشق بن فهم ( ابن فهم ال عبدان )
ارحب هلا مرحبا يالصاحب الغالـي
حي الرساله وحـي اللـي موديهـا
ارحب ياعز الخوي ياطيـب الفالـي
ترحيبتن تكسـي الطيّـب ويكسيهـا
لك وسط عوج الحنايا منزلن عالـي
ترفع لك البيض ف اولهـا وتاليهـا
مادمت من مارثـة حمّايـة التالـي
من رووس قومن عريباتن مجانيها
من الاد عبدان لامن الزمـن مالـي
ترسي سواة البواخر فـي موانيهـا
فانشهد انك كفو في كـل الاحوالـي
تشهدلك النـاس قاصيهـا ودانيهـا
يابن فهم والكـلام الثبـت ينقالـي
مادام ذلحيـن موجبهـا وطاريهـا
تدري وش اللي ازاح الظيق عن بالي
رسالتك يـوم جـات , الله يحييهـا
وكان رد ابن فهم على قصيدة الشاعر فيصل بن سعد الحواصله كتالي
وبك البقا وأنت تاج(ن)تحته عقالي
عادتنا نفخر بنـــاس(ن) نخاويـها
يوم القصايد غفالً(ن)مالها والــي
وسمتها بميسمك وأصبحت راعيها
ومن دونها محتمي يوم أنت خيالي
ولك لأبةٍ في الوغى تعرف بساميها
ذودك ذهب ياعريب الجد والخالـي
محد(ن) تجرى وقرب من مفاليها
لك مملكة شعر يوم الشعر ليبرالي
يعيش فيصل موحدهـا وحاميهـا
تدري وش اللي يسر بوقتنا الحالي
أبيات عاشق وأبو سابـر يغنيهـا
هذه القصيده للشاعر الكبير عبدالله بن فراج وهي مسندها على ابن فهم ال عبدان
ابن فهم نسل عبدان التحدي
لا حلت العزوه بروس الشجيعين
افعال تخلف من يهايط يهدي
من صلب عاطف ولدلايل براهين
ياعل غمر(ن) ماتشجع إيلدّي
بمشوكن خلاّ مصوره مزاعين
اليانوا عدّا ولاله مردي
ولحر يشهر ماحسب للكراوين
وجه الجحادر ولمنابر اتردي
الله وكبر لا رفع صوته بحين
انشهد انه بالحميه إيعدي
ابن فهم يلله عسى يومه سنين
سيفن لنا درعن لنا فالتصدي
آلآد عاطف لقبلت بالمواوين
يسجد لهم طاغوت خبثه إيندي
ويسجد لهم طاغوت صنعا مع الصين
يفرح بهم مقهور ساعة إيظدي
انشهد انهم عزنا ياقحاطين
من لامني مانحسبه مايعدي
تقصر اعلومه ماوصل للميامين
عبّر عن لراصد ولحدن ايبدي
يودع شعاعير التحدي مجانين
شاعر فلك ماينظنك مايصِدي
سوّه علا كبد العدو ولخبيثين
يدعس وطيس النار ماهو بي هدي
سبع الفواسق تعترفله من الشين
مشكور ياوجه الجحادر إبجدي
حلالها لا شربكت بالغناوين
يفداك منهو بالنمايم ايودي
ياصلب عاطف سيفنا بالميادين
جددت لنا سيرة اجدادك وجدي
وشالح بن هدلان وغير ه ولا يهيين
الطيب وهبه مايجي كيف ودي
اولا يشترى بالكاش نقد الملايين
والله فلا ارجي بالقوافي مردي
ولرتجي للمال مثل الضعيفين
هاذاك نقص ياحياة النكدي
سور الضواري تشبعه حيثه مهين
قلت القوافي وصخريلي علا الدي
مافي ضميري طاش من غير تنوين
وهذا رد ابن فهم على قصيدة الشاعر الكبير عبدالله بن فراج
زان القصيد وقلت ياسرع ردي
يستاهل التمجيد نسل الميامين
يوم البرى بين القبايل يردي
انتم هل الجدعا كعام المعادين
وين العجب مادام جدك وجدي
جحادر(ن) في نجد تصدر قوانين
يامرحبابك عد مااغتاظ ندي
وعداد ماجملت ناسً عزيزين
أنتم حزام(ن) في الشدايد يشدي
درع(ن) لنا لامن غدى الليل ليلين
يابوفراج بنجيب منها ونودي
تعجز حروفي عند وصف السلاطين
القاف شاب وصحت ماهوب ودي
ياعزوتن نفخر بها سنين وسنين
وهذه القصيده الثانيه للشاعر الكبير عبدالله بن فراج العلياني ويقول فيها
جتني رساله رمزه الحد صقال
وعندي براهين الرسايل دليله
لاخير فلي مايحسب بلقوال
ولا خير فلي مايرد الجزيله
الله يجازي بالنوايا ولعمال
اهل الغدر والنمنمه والمحيله
ماينفعك زرع على غير شلال
ذيك الصحاري طبعها بالرزيله
ماكل منهو بالصواريم قتال
لا صار مابه صم قلب يشيله
ماكل منهو يحسم النفس ونطال
بعض لمور الواجبه ماتجيله
ابووجهين يبلس على وجهه شوال
مايحسب احساب الردى والفشيله
ابن فهم رفرف علم طول لجيال
مايسمع المطنوخ لوم العذيله
ابن فهم حاز البطوله وشيال
حمل القبيله لعذرت ماتشيله
اصل الغيوره في جذور الفتى شال
حمل الزحول المزريه ولثقيله
رايه براسه مستمع قول عذال
قليل عوجا له مواقف جليله
كل السجايا والبراياء ولمثال
من صلب عبدان المراجل تجيله
شبل الأسد صاطي على كل لشبال
شبل الأسد صاطي ولا ينصطيله
كفا ووفا ياذريبين لفعال
يشهد لي الله والخلايق كفيله
من لا يعز النفس بالعز ماشال
ذيك المصايب جرعها سلسبيله
آلآد عبدان التحدي بالهوال
من صلب عاطف متعبين الأصيله
من صلب عبدان الرواسي تزلزال
يدعس وطيس النار عند الشعيله
آلآد عاطف لقبل الحرب سجال
يسجدلهم طاغوت بقعا وخيله
وحنا بني صالح زيازيم لبطال
لبا شياطين السطر والقتيله
لا شرّعو فم الكلاليب بجفال
وصكوبها فرسان شهب المذيله
خيالة الجدعا على طول وطوال
المنتحر لجل الخطر في صميله
كل القبايل بالفعايل ماتنطال
كلن على حده بحد السليله
وهذه القصيده للشاعر مشبب يقول فيها
البارحه مابين هم وتفاكير
والعين من كثر البكا جف ماها
جريت صوتي ياعسى السالفه خير
والضيقه اللي جات بلقى دواها
ذكرت ربي بين آيه وتكبير
واقول مهما صار بلقى جزاها
وزبنت فكر(ن)مايرد المسايير
النفس تظمى له ويروي ظماها
شاعر ولي في القاف منهج وتبرير
وقصيدتي ذالليل زادت غلاها
وجهتها للي معه كل تفسير
يارد على الجمه ويعرف غطاها
شاعر ومتمكن ومن غير تقصير
باهل الشعر ماغيره احد(ن) خذاها
سلام يافرحان نسل المناعير
روس الرجال اللي عزيز(ن) نباها
دواسر(ن) كواسر(ن)فعلهم غير
وقت اللقا ولاَّ بوسمة عصاها
آلاد بن وداع ِسعد الخطاطير
تلقى الكرم تلقى الرغد في حماها
ياصاحبي والوقت عج ومعاصير
خطرٍ نجوم الكون تترك سماها
وأرض البشر ماعاد معها معاذير
ناسٍ عليها ماتثَّمن خطاها
ياصاحبي وش صار وش عاد بيصير
قلَّي من المسؤول واكشف خفاها
الورده اللي كان وسط النواوير
ماظنتي ترجع وترسل شذاها
أشوفها ودموع عيني نوافير
وابكي واقول العين ماجف ماها
كان رد الشاعر الكبير فرحان بن مبارك بن رويه الدوسري
يامرحبا بك عد ماغرد الطير
ياشاعر ٍ صاغ البيوت وبناها
وعداد ماهب الهوى صبح وعصير
وماناحت الورقى وجرت غناها
ترحيبةٍ من باب حشمه وتقدير
بين الرجال اللي تعز اخوياها
ألذ من در البكار المصاغير
وتاخذ من الشهد المصفى حلاها
يابن فهم نسل الرجال المشاهير
قوم ٍ ينومس ذكرها من وفاها
عواطفٍ يوم السنين المعاسير
يشكر ويذكر طيبها من نصاها
وقحطان ربعك يوم وقت المغاوير
لاثارت الهيجا ودارت رحاها
معشية في الكون عكف المناقير
وبين القبايل عالي ٍ مستواها
في مامضى واليوم صارت تياسير
وكل البشر تريحت من عناها
جتني بيوتك يازبون المخاسير
والله يحييها ويسعد مساها
كتبت لي فيها عن الوضع تقرير
وارسلتها والحقت نفسي قصاها
وتواردت بنات فكري طوابير
وأحساسي الصادق يسابق خطاها
ورد(ن)كما ورد الظوامي على البير
اللي على المارد حداها ظماها
تجول في صدري وأفك الازاريـر
وآخذ نفس وأشم نسمة هواها
واونس لها بين المحاديب تأثير
وأصد هجمة واحتري ماوراها
هذي هي الدنيا حظوظ ومقادير
ولاكل نفس(ن) بيتحقق مناها
وحنا على رجوآ الفرح والتباشير
لعلها تزدان ولآ عساها
ياما طوينا من طوال المشاوير
مير الليالي معطيتنا قفاها
وعفنا ولاشفنا على الوضع تغيير
والنار يحرق جمرها من وطاها
وإن حب قلبك والليالي مدابير
عينك يدينك هي سبايب عماها
هذا ولك مني تحيه وتقدير
ياشاعر(ن) صاغ البيوت وبناها
في البدايه الفارس والشيخ
فهم بن مبارك ال عبدان ال عاطف
له من الاخوه الفارس مسفر بن مبارك الملقب بزهير
فارس لايشق له غبار له من المواقف البطوليه في المعارك والمغازي كان شجاعا كريما يتمتع بالقوه
والشجاعه وهو من المشاركين مع الملك عبدالعزيز ال سعود في توحيد المملكه وكان له مقامه الخاص
لدى الملك عبدالعزيز ال سعوود وكان معروف بالحميا عند ربعه
وتوفي زهير رحمة الله عليه وليس له من الذريه احد وانقطع نسله
والشيخ ( فهم ) عليه رحمة الله كان من الفرسان المشاركين في المغازي مع ال عاطف في الجهل وادرك الملك عبدالعزيز في الفتوحات فهو (قطيع سر ) اخ من الام لكل من الشيخ سعيد بن ظفر بن مبارك بن سعيدان والشيخ شينان بن ظفر بن مبارك بن سعيدان ( ابو شنّ ) وكان من الملازمين لل عاطف في مغازيهم .
أبناء الشيخ فهم بن مبارك ( ال فهم )
1-الشيخ حزام بن فهم ال عبدان العاطفي . رحمه الله
كان رحمه الله كريما متواضعا ومحبوبا من الجميع وذو حنكه وحكمه وملاذ للضعيف
وقد توفي رحمه الله في يوم الاربعاء الموافق 2/ 1/1416
فرحمه الله رحمة واسعه وادخله فسيح جناته
قصائده .
كان الشيخ حزام ابن فهم رحمه الله عليه قادمأ من العمره برفقة الشيخ سلامه
بن ملهي ال سعيدان رحمه الله فقال الشيخ سلامه ابيات موجههها الى رفيق
دربه الشيخ حزام بن فهم ال عبدان ومعاتبا بها البكره .
ياحزام بكره خويك حيلها ثاوي
قصر جهدها واثر مهيب مامونه
والبعد للقلب لايرحم ولاياوي
خلي بركبه وعرق سبيع من دونه
فرد الشيخ حزام بن فهم مازحا على لسان البكره .
ظلمتني ياسلامه شوركم غاوي
ماقصدي الا الحمل ودي تشيلونه
قطب حبال الرسن والكور متساوي
وان طار طير الهوى بتقول مجنونه
2- الشيخ عشق بن فهم ال عبدان العاطفي . رحمه الله
كان رحمه الله أكرم أهل نجد في زمانه بل يعتبر رمز الكرم
في نجد وقد أشتهر رحمه الله بذبح الابل والغنم وقد اطلقو عليه رجال قبيلته بعض الالقاب ومنها ( شحيمان ).. وايضأ(عدو الشاه ) وقد توفي رحمه الله في يوم الثلاثاء 6/3/1411هـ صباحأ أثر حادث مروري وكان في ذالك اليوم قد اوصى ابنائه بالاستعداد في الليل بمناسبة عشاء قد أعده للشيخين ذياب بن سلطان ابن سفران ومشلح بن سلطان بن سفران رحمهما الله لما يكن لهما من حب وموده وحسن جوار فرحمهم الله رحمة واسعه واسكنهم فسيح جناته
وقفه
من العادات القديمه ان المولود حينما يولد فإن ابوه يتوجه به الى احد الرجال
أهل الطيب والكرم وفي هذا الصدد فقد قام المرحوم بالتوجه بأحد أبنائه
الى الشيخ مشلح ابن سلطان لكي يلاعبه ويناشده وهذي العاده يطلق عليها
( الطلاع ) وقد قام قبل ذالك الشيخ مشلح أيضا بالتوجه بأحد أبنائه
الى المرحوم عشق بن فهم لكي يلاعبه ويناشده
جميع ماذكرت إن دل على شي فأنما يدل على قوة المحبه وحسن الجوار بين هولاء الرجال وستبقى نموذجأ ومثالأ للأجيال القادمه
قصائده.
هذه البيتين للشيخ عشق بن فهم رحمه الله عليه
وهي موجهه الى الشيخ والامير : مشلح بن سلطان ال سفران الخنفري
أنـا خـــوي لبـو سلــطان
مانيب اخاوي الردييني
ياشوق من ينثرالريحان
بنت الشيوخ السلاطيني
وهذه البيتين قالها وهو في رنيه موجهها الى محمد بن مسفر ال سفران الخنفري في مهمه عمل تبع وزاره الداخليه ( العماله )
يااميرنا ماورى رنيه لنا قره
يالله تستر عليهم ستره الضافي
اشرب قراح"وكبدي على مره
راع الهوى مالقى له مشرب"صافي
ويقول الشيخ : نايف بن سلامه بن سعيدان في أبياته مسندها على المرحوم عشق بن فهم يقول فيها
يابوفهم ود الرساله قوامي
بالك تريظها ترى القلب مخطور
ود الرساله ثم رد السلامي
سلم عليها عد ماقيل ماجور
قله ترى نايف طواه الهيامي
انا مريض واريش العين دكتور
وهذه البيتين للشاعر : مشبب بن عشق بن فهم ال عبدان ممتدحا
والده
قالت نسيت ابوك وشفيك عجلان
قلت الفخر يابنت مكثر رصيده
ابوي يدعونه بوقته شحـــــيـــمــان
وهذي تكفي والمزايـــــــــــــا عديده
وهذه القصيده للشاعرالكبير والدكتور : شالح بن خريزان بن سفران الخنفري
وهي موجهه الى الشاعر مشبب بن عشق بن فهم ممتدحا والده الشيخ
عشق بن فهم وجده الشيخ مشبب بن هريويل رحمه الله عليه المعروف براعي
العصلا . ويقول فيها
يامشبب المنعور ياواف الاشبار
نسل الرجال موردين السلالي
جدك راعى العصلا اليا ثور غبار
يرسي كما ترسي خشوم الجبالي
له ماقف" ماياقفه كــل مغــوار
يوم تربه سيفه يحل الجــــدالي
ترمي فلاها الخيل وتروح الاعمار
ويطير من زين البنات الجلالي
اليا اعتزا من فوق اصيلات الامهار
يطرح زعيم القوم ذيب العيالي
وابوك ذباح الغنم وقت الاعسار
كريم سبلا يوم شح الريالي
يوم القسى والجوع والوقت جوار
مايذبح الا الحيل والا الجمــالي
الاد ابن عاطف مديحين الاذكار
هم درعنا لاصطك جال"بجالي
اهل الوفاء والعز والمجد والكار
واهل البيوت اللي بها كن وضلالي
ياطيبهم ياشرهم وقت الاشرار
مثل العسل في حال والمر حالـــــي
وقد رثاه أبنه مشبب بقصيده وهذي ابيات منها
في يوم سادس صباحاً من ربيع أول
عام ألف واربعميه وإحدى عشر هجري
عشرين عام مضت والحزن متجول
في صدري جعل الصدور فداك ياصدري
يابوي عشرين عام الدمع ماحول
الا مع سيرتك والناس ماتدري
أمسي غني الحزن وأضحيت متسول
أطلب مزيد العنا ويزورني بدري
عساك في جنة كلن لها يخول
مادام قبرك سبق في ضمته قبري
3- الشيخ : فهـــد بــن فــهم ال عبــــدان العاطفي .رحمة الله عليه
كان رحمه الله أب الجميــــع ولـــكل ابنــــائه وكان رحمه الله ذو شخصيــــه مرحــه
محبـــوب لـــدى الجميـــع يتمتع بالاخلاق النبيـــــله والكـــرم والطيــــــب
صفــــاته الطيبـــــه رحمه الله عليه جعلته يكســـــب السمعـــــه الطيــــبه
عنــــد القـــــــريــــــب والبعيـــــدوقد تميز بصفه ولاابالغ اذا قلت انها لاتوجد
الا في ذالك الشخص رحمه الله وهي انه اذا غاب عن الوجود بدا الصغير والكبير يسأل عن ذالك الشيخ توفي يوم الاثنين11/12/1424فرحمه الله رحمة واســـــــــــــــــــــــــــــــــــعه واسكنه فسيح جناته
وقد رثاه أبن اخيه الشاعر : مشبب بن عشق بن فهم في قصيدة طويله لم احفظ منها الا هذي الابيات
عمي توفى يافهد ثاني العيد ... وشلون اعايد وألتقي بالرفاقه
وجهي شحوب وطاولتني التناكيد ... وقلبي تـفحم يوم زاد احتراقه
يابوي لاوالله فلانيب في عيد ... دمعي مطر والصدر زاد اختناقه
4- الشيخ مهدي بن حزام بن فهم وهو كبير ال فهم
وهو كبير ال فهم ويعتبر صاحب الكلمة والراي السديد نيابة عن بني عمه ال عبدان في المناسبات
والطلبات واصلاح ذات البين)
قصائد ومساجلات بعض شعراء ال فهم
هذه القصيده للشاعر مشبب بن عشق بن فهم وهي موجهه الى ناصر بن لمدان
في الساعه العاشره من ليلة الجمعه
في الليله العاشره ربيعنا الثاني
مهوب عيب" علي لاطاحت الدمعه
متذكر" ديرتي وبيوت جداني
دار" تضم الرجال اللي لهم سمعه
ربع" تعز الخوي وتزبن الجاني
ذكرت ابوي وتوالت جات مجتمعه
شرايدٍ(ن) كلها لولو ومرجاني
ماهيب لحية رومانسيه ولاشمعه
لا والله إلا قصيد(ن) يطلق لساني
ومادام ناصرولد لمدان يستمعه
ماكني الا عشق وإخوه لمدانــــي
يارب عبدك دعاك بليلة الجمعه
ترحمهم برحمتك وتثبت إيماني
رد الشاعر الكبير ناصر بن لمدان ال سويد ال عاطف
الساعه اربع وسيف الشعر له لمعه
مجرود والقاف يامرني وينهاني
لقيت صدر القصيده وقفته امعه
وعجز القصيده بسيط ووقفته آني
من شاعر ن حكمته تسوى 100رمعه
ومواقفه ماتبي حجه وبرهاني
من روس قوم ن ماجابوا فالزمن خمعه
تشهد تواريخهم في كل ميداني
عواطف ن تقمع اللي واجب ن قمعه
افعالكم عزنا ياروس عبداني
يامشبب الوقت لول والله الطمعه
اللي جمع مجد شيبانك وشيباني
واليوم صرنا فتيل ن محرق ن شمعه
لاتشعم النار تصلاكم وتصلاني
ويقول الشاعر فيصل بن سعد الحواصله في مساجله مع فهد بن عشق بن فهم ( ابن فهم ال عبدان )
ارحب هلا مرحبا يالصاحب الغالـي
حي الرساله وحـي اللـي موديهـا
ارحب ياعز الخوي ياطيـب الفالـي
ترحيبتن تكسـي الطيّـب ويكسيهـا
لك وسط عوج الحنايا منزلن عالـي
ترفع لك البيض ف اولهـا وتاليهـا
مادمت من مارثـة حمّايـة التالـي
من رووس قومن عريباتن مجانيها
من الاد عبدان لامن الزمـن مالـي
ترسي سواة البواخر فـي موانيهـا
فانشهد انك كفو في كـل الاحوالـي
تشهدلك النـاس قاصيهـا ودانيهـا
يابن فهم والكـلام الثبـت ينقالـي
مادام ذلحيـن موجبهـا وطاريهـا
تدري وش اللي ازاح الظيق عن بالي
رسالتك يـوم جـات , الله يحييهـا
وكان رد ابن فهم على قصيدة الشاعر فيصل بن سعد الحواصله كتالي
وبك البقا وأنت تاج(ن)تحته عقالي
عادتنا نفخر بنـــاس(ن) نخاويـها
يوم القصايد غفالً(ن)مالها والــي
وسمتها بميسمك وأصبحت راعيها
ومن دونها محتمي يوم أنت خيالي
ولك لأبةٍ في الوغى تعرف بساميها
ذودك ذهب ياعريب الجد والخالـي
محد(ن) تجرى وقرب من مفاليها
لك مملكة شعر يوم الشعر ليبرالي
يعيش فيصل موحدهـا وحاميهـا
تدري وش اللي يسر بوقتنا الحالي
أبيات عاشق وأبو سابـر يغنيهـا
هذه القصيده للشاعر الكبير عبدالله بن فراج وهي مسندها على ابن فهم ال عبدان
ابن فهم نسل عبدان التحدي
لا حلت العزوه بروس الشجيعين
افعال تخلف من يهايط يهدي
من صلب عاطف ولدلايل براهين
ياعل غمر(ن) ماتشجع إيلدّي
بمشوكن خلاّ مصوره مزاعين
اليانوا عدّا ولاله مردي
ولحر يشهر ماحسب للكراوين
وجه الجحادر ولمنابر اتردي
الله وكبر لا رفع صوته بحين
انشهد انه بالحميه إيعدي
ابن فهم يلله عسى يومه سنين
سيفن لنا درعن لنا فالتصدي
آلآد عاطف لقبلت بالمواوين
يسجد لهم طاغوت خبثه إيندي
ويسجد لهم طاغوت صنعا مع الصين
يفرح بهم مقهور ساعة إيظدي
انشهد انهم عزنا ياقحاطين
من لامني مانحسبه مايعدي
تقصر اعلومه ماوصل للميامين
عبّر عن لراصد ولحدن ايبدي
يودع شعاعير التحدي مجانين
شاعر فلك ماينظنك مايصِدي
سوّه علا كبد العدو ولخبيثين
يدعس وطيس النار ماهو بي هدي
سبع الفواسق تعترفله من الشين
مشكور ياوجه الجحادر إبجدي
حلالها لا شربكت بالغناوين
يفداك منهو بالنمايم ايودي
ياصلب عاطف سيفنا بالميادين
جددت لنا سيرة اجدادك وجدي
وشالح بن هدلان وغير ه ولا يهيين
الطيب وهبه مايجي كيف ودي
اولا يشترى بالكاش نقد الملايين
والله فلا ارجي بالقوافي مردي
ولرتجي للمال مثل الضعيفين
هاذاك نقص ياحياة النكدي
سور الضواري تشبعه حيثه مهين
قلت القوافي وصخريلي علا الدي
مافي ضميري طاش من غير تنوين
وهذا رد ابن فهم على قصيدة الشاعر الكبير عبدالله بن فراج
زان القصيد وقلت ياسرع ردي
يستاهل التمجيد نسل الميامين
يوم البرى بين القبايل يردي
انتم هل الجدعا كعام المعادين
وين العجب مادام جدك وجدي
جحادر(ن) في نجد تصدر قوانين
يامرحبابك عد مااغتاظ ندي
وعداد ماجملت ناسً عزيزين
أنتم حزام(ن) في الشدايد يشدي
درع(ن) لنا لامن غدى الليل ليلين
يابوفراج بنجيب منها ونودي
تعجز حروفي عند وصف السلاطين
القاف شاب وصحت ماهوب ودي
ياعزوتن نفخر بها سنين وسنين
وهذه القصيده الثانيه للشاعر الكبير عبدالله بن فراج العلياني ويقول فيها
جتني رساله رمزه الحد صقال
وعندي براهين الرسايل دليله
لاخير فلي مايحسب بلقوال
ولا خير فلي مايرد الجزيله
الله يجازي بالنوايا ولعمال
اهل الغدر والنمنمه والمحيله
ماينفعك زرع على غير شلال
ذيك الصحاري طبعها بالرزيله
ماكل منهو بالصواريم قتال
لا صار مابه صم قلب يشيله
ماكل منهو يحسم النفس ونطال
بعض لمور الواجبه ماتجيله
ابووجهين يبلس على وجهه شوال
مايحسب احساب الردى والفشيله
ابن فهم رفرف علم طول لجيال
مايسمع المطنوخ لوم العذيله
ابن فهم حاز البطوله وشيال
حمل القبيله لعذرت ماتشيله
اصل الغيوره في جذور الفتى شال
حمل الزحول المزريه ولثقيله
رايه براسه مستمع قول عذال
قليل عوجا له مواقف جليله
كل السجايا والبراياء ولمثال
من صلب عبدان المراجل تجيله
شبل الأسد صاطي على كل لشبال
شبل الأسد صاطي ولا ينصطيله
كفا ووفا ياذريبين لفعال
يشهد لي الله والخلايق كفيله
من لا يعز النفس بالعز ماشال
ذيك المصايب جرعها سلسبيله
آلآد عبدان التحدي بالهوال
من صلب عاطف متعبين الأصيله
من صلب عبدان الرواسي تزلزال
يدعس وطيس النار عند الشعيله
آلآد عاطف لقبل الحرب سجال
يسجدلهم طاغوت بقعا وخيله
وحنا بني صالح زيازيم لبطال
لبا شياطين السطر والقتيله
لا شرّعو فم الكلاليب بجفال
وصكوبها فرسان شهب المذيله
خيالة الجدعا على طول وطوال
المنتحر لجل الخطر في صميله
كل القبايل بالفعايل ماتنطال
كلن على حده بحد السليله
وهذه القصيده للشاعر مشبب يقول فيها
البارحه مابين هم وتفاكير
والعين من كثر البكا جف ماها
جريت صوتي ياعسى السالفه خير
والضيقه اللي جات بلقى دواها
ذكرت ربي بين آيه وتكبير
واقول مهما صار بلقى جزاها
وزبنت فكر(ن)مايرد المسايير
النفس تظمى له ويروي ظماها
شاعر ولي في القاف منهج وتبرير
وقصيدتي ذالليل زادت غلاها
وجهتها للي معه كل تفسير
يارد على الجمه ويعرف غطاها
شاعر ومتمكن ومن غير تقصير
باهل الشعر ماغيره احد(ن) خذاها
سلام يافرحان نسل المناعير
روس الرجال اللي عزيز(ن) نباها
دواسر(ن) كواسر(ن)فعلهم غير
وقت اللقا ولاَّ بوسمة عصاها
آلاد بن وداع ِسعد الخطاطير
تلقى الكرم تلقى الرغد في حماها
ياصاحبي والوقت عج ومعاصير
خطرٍ نجوم الكون تترك سماها
وأرض البشر ماعاد معها معاذير
ناسٍ عليها ماتثَّمن خطاها
ياصاحبي وش صار وش عاد بيصير
قلَّي من المسؤول واكشف خفاها
الورده اللي كان وسط النواوير
ماظنتي ترجع وترسل شذاها
أشوفها ودموع عيني نوافير
وابكي واقول العين ماجف ماها
كان رد الشاعر الكبير فرحان بن مبارك بن رويه الدوسري
يامرحبا بك عد ماغرد الطير
ياشاعر ٍ صاغ البيوت وبناها
وعداد ماهب الهوى صبح وعصير
وماناحت الورقى وجرت غناها
ترحيبةٍ من باب حشمه وتقدير
بين الرجال اللي تعز اخوياها
ألذ من در البكار المصاغير
وتاخذ من الشهد المصفى حلاها
يابن فهم نسل الرجال المشاهير
قوم ٍ ينومس ذكرها من وفاها
عواطفٍ يوم السنين المعاسير
يشكر ويذكر طيبها من نصاها
وقحطان ربعك يوم وقت المغاوير
لاثارت الهيجا ودارت رحاها
معشية في الكون عكف المناقير
وبين القبايل عالي ٍ مستواها
في مامضى واليوم صارت تياسير
وكل البشر تريحت من عناها
جتني بيوتك يازبون المخاسير
والله يحييها ويسعد مساها
كتبت لي فيها عن الوضع تقرير
وارسلتها والحقت نفسي قصاها
وتواردت بنات فكري طوابير
وأحساسي الصادق يسابق خطاها
ورد(ن)كما ورد الظوامي على البير
اللي على المارد حداها ظماها
تجول في صدري وأفك الازاريـر
وآخذ نفس وأشم نسمة هواها
واونس لها بين المحاديب تأثير
وأصد هجمة واحتري ماوراها
هذي هي الدنيا حظوظ ومقادير
ولاكل نفس(ن) بيتحقق مناها
وحنا على رجوآ الفرح والتباشير
لعلها تزدان ولآ عساها
ياما طوينا من طوال المشاوير
مير الليالي معطيتنا قفاها
وعفنا ولاشفنا على الوضع تغيير
والنار يحرق جمرها من وطاها
وإن حب قلبك والليالي مدابير
عينك يدينك هي سبايب عماها
هذا ولك مني تحيه وتقدير
ياشاعر(ن) صاغ البيوت وبناها