قصيدة جميلة في وصف الخيل

[وآثق آلخٌطوُهـ]

القصيدة (((مضحي عايد الشبرالعنزي))

يقول فيها ,,,,,


جتكم وصوف المسرجات السريعات
يالله عسا مااقول بالوصف زلّه


اللون وجه اللي غدا شمله اشتات
ولاّ كما بنّ اليمن وسط دلّه


والراس حجمه معتدل بالقياسات
لاهو صغير ولا كبير ٍ تملّه


وآذانها ارقاقه وملس ٍلطيفات
اقلام منتصبات مثل الاخلّه


واعيونها برّاقه ومستطيلات
عين الفتاه اللي لحقها مملّه


والناصيه فوق العيون الكحيلات
مثل السعف ومن الحراره تضّله


والجبهه تشابه ليوم البشارات
تزفّ للمحزون فرقا المذلّه


ومناخره متباعدات ووسيعات
وامدوّرات وللنفس سهّل ٍ له


والفم واشدوقه وساع وطويلات
تحت اللجام شدوقه ايمهل ٍ له


واعناقها ماهن عراض وقصيرات
طويلة ٍ والكتف مالصّقن ٍ له


والعرف مسترسل كما شعور خفرات
والجذع صلب ومشرف ٍ غاربٍ له


واصدورها متنهّضات ورحيبات
والظهر فوق الكاهل مناسبٍ له


والبطن كنز اهل الخيول الاصيلات
رحيب بالأنثى وضامر بخلّه


واقطيّها متشبّعات وعريضات
صلبة قوايم مابها كلّ علّه


والذيل شعر الفاتنات الجميلات
اللي لهن بالقلب عهد وسجلّه


هذي وصوف الخيل ياهل البطولات
ويالله عسا بالوصف مافيه زلّهhttp://www.bdr130.net/vb/images/smilies/271.gifhttp://www.bdr130.net/vb/images/smilies/271.gifhttp://www.bdr130.net/vb/images/smilies/271.gifhttp://www.bdr130.net/vb/images/smilies/love2.gif

[محمد العاطفي]

السلام عليكم ورحمة الله وبركاته
قصيده جميله وجزله في الوصف صح الله لسان الشاعر
ولاهنت يابن فهم على النقل الجميل جدا
تقـــــــــــــــــــــــــــــــديري,,,,

[وآثق آلخٌطوُهـ]

السلام عليكم ورحمه الله وبركاته
شرفني تسجيل بصمتك بمتصفحي
التي أعطت موضوعي روعة وجمال ,,,,
تحياتي

[السيف الصقيل]

قصيده جميله وجزله في الوصف صح الله لسان الشاعر
ولاهنت يابن فهم على النقل الجميل جدا

[منيف العاطفـي]

هـلا وغــلا


مشكـــور على الطـــرح المميـــــــز



يعطيـــك العــافيــــه



تحيااااااتي

[وآثق آلخٌطوُهـ]

قصيده جميله وجزله في الوصف صح الله لسان الشاعر
ولاهنت يابن فهم على النقل الجميل جدا

ارحب ولاهنت على المرور يالذيب

[وآثق آلخٌطوُهـ]

هـلا وغــلا


مشكـــور على الطـــرح المميـــــــز



يعطيـــك العــافيــــه



تحيااااااتي

ارحب لاهنت على المرور ياكحيلان