عبدالله الراجحي
11-09-2009, 05:54 AM
بسم الله الرحمن الرحيم
سلامُ من المولى عليكم ورحمةً منه وبركات
واسعد الله مسائكم / صباحكم .. بكل خير
.
.
يسعدني ان اطرح بين يديكم
مشاركتي في حفل قبيلة الرواجح من البقوم
لتكريم ابنائها المتفوقين 9 / 8 / 1430 هـ
والذي عرض ع قناة الساحه 23/8/1430هـ
عسى ان تنال منكم الأستحسان
سلام والمرقى سنود بعز واقدح يازناد=الليلة الفكر انتشى والعاصية بشقى بها
سرابي الهاجس ومديت النظر والفكر جاد=واسترسلت شغم القصايد لي تهز رقابها
مساكم الله بالرضى والنور من رب العباد=تحيةٍ تنور على دجنة وكل شعابها
من شاعرٍ دار الزمان وجا ولاطاق البعاد=والهرجة اللي ماتجمّل فـ اللقاء ماجابها
الله يوردني صواب القول والعلم الوكاد=لامن سمت روح الوفا وين انت ياطلابها
اليوم .. حيه يوم ..ياخير الليالي والعياد=الله يبارك راية الوحدة ومن يسعى بها
الدار لبست بالفخر والعزة ثيابٍ جداد=ولكل غالي غنت الفرحة وفكت بابها
يامرحبا مليآر بالحضار والهاجس وقاد=ترحيبةٍ بالطيب تتلى والسعد جلبابها
احلى من الشهد وعدد وبلٍ غزير بلا عداد=تقدير والمحفل كبير وغايته يعلى بها
اضيوف واصحاب ومعازيب وسند عز وشداد= جمعٍ يشرف مقدمه واحباب بين احبابها
بالطيب تجمعنا الدروب وكل زرع وله حصاد=والعاليه ياسعد من علّىَ على مرقابها
اعلى المنابر ماتهيأ بالتمني والرقاد=ماحازها الا صيرميٍ يحتمي مشهابها
بالصبر وجهاد النفوس وحي راع الاجتهاد=دنيا الفلس ماغرته واغوَته زين ثيابها
شحذ الهمم..عض النواجذ.. هي لهم خير العتاد=كلش يهون بطرقةٍ هذا نتاج اتعابها
نبراسهم جمع العلوم المثمرة من كل واد=يسعون لو يشقون للعليا وطرق ابوابها
والعلم نورٍ يهدي الانفُس لِسكات الرشاد=لامن هوت روح البنـ آدم بالجهل يسمى بها
لاصار بينه والعمل به صدق نية واتحاد=هذي مكارم ربي الخالق وهو وهابها
والحظ وهبة ياتسيد بهالزمن ولا تساد=فوارقٍ ربي عطاها وهبةٍ لاصحابها
والمرجلة في كل درب وطرقة المؤمن جهاد=والعاقل اللي يختصم نفسه ولا يغوى بها
والعمر رحلة تنتهي والقلب ماهو بجماد=ارضٍ على العالم تجود بمثل مايذرى بها
كلاً يبرق في حياته ويش قدم واستفاد=قبل المنايا تصفقه لاهدت بمخلابها
جمعت من زين المثايل دُر للواعين زاد =تجاربٍ عبر الزمن ومصارعه عشنا بها
ماكل قولٍ لو عجب راعيه ينقال ويقاد=ولاكل فكرة دقت ابواب الهوى يغدى بها
واليوم في حفل الرواجح تاج راسي والسناد=الفكر شاش ولابتي بشوش واتغنى بها
لابة فخر محزم ظهر عزوة تقود ولا تقاد=فـ الاولة والتاليه كلاً يحسب حسابها
اهل الوفى دين وتُقى عزٍ وللديرة وتاد=ريف وذرى مهما جرى لاصحابها واقرابها
سور تربة دار البقوم مشيبة عين المعاد=كبد العدو عزي لها من وقع ضرب حرابها
قومٍ عوارف من قديمات الليالي والجداد=يوم الجهل وقفاتهم وافعالهم يحكى بها
ويوم استقرت بامر ربي واذعنت كل البلاد =للدولة اللي كلنا بالروح دون ترابها
ارض الحرم دار الكرم للعدل والعزة عماد =الخيمة اللي ياعسى ربي يمد اطنابها
بالأمن نحيى والسعد والخير فـ الديرة مداد=يالله تديم النعمة ويالله تحفظ اسبابها
والله يجمل موقفي بالطيب والقول الرشاد=والله يبارك راية الوحدة ومن يسعى بها
بقلم : عبدالله الراجحي
http://www.7ammil.com/upfiles/ViY03221.bmp (http://[URL]http://www.7ammil.com/upfiles/ViY03221.bmp)
(http://[URL]http://www.7ammil.com/upfiles/ViY03221.bmp)
سلامُ من المولى عليكم ورحمةً منه وبركات
واسعد الله مسائكم / صباحكم .. بكل خير
.
.
يسعدني ان اطرح بين يديكم
مشاركتي في حفل قبيلة الرواجح من البقوم
لتكريم ابنائها المتفوقين 9 / 8 / 1430 هـ
والذي عرض ع قناة الساحه 23/8/1430هـ
عسى ان تنال منكم الأستحسان
سلام والمرقى سنود بعز واقدح يازناد=الليلة الفكر انتشى والعاصية بشقى بها
سرابي الهاجس ومديت النظر والفكر جاد=واسترسلت شغم القصايد لي تهز رقابها
مساكم الله بالرضى والنور من رب العباد=تحيةٍ تنور على دجنة وكل شعابها
من شاعرٍ دار الزمان وجا ولاطاق البعاد=والهرجة اللي ماتجمّل فـ اللقاء ماجابها
الله يوردني صواب القول والعلم الوكاد=لامن سمت روح الوفا وين انت ياطلابها
اليوم .. حيه يوم ..ياخير الليالي والعياد=الله يبارك راية الوحدة ومن يسعى بها
الدار لبست بالفخر والعزة ثيابٍ جداد=ولكل غالي غنت الفرحة وفكت بابها
يامرحبا مليآر بالحضار والهاجس وقاد=ترحيبةٍ بالطيب تتلى والسعد جلبابها
احلى من الشهد وعدد وبلٍ غزير بلا عداد=تقدير والمحفل كبير وغايته يعلى بها
اضيوف واصحاب ومعازيب وسند عز وشداد= جمعٍ يشرف مقدمه واحباب بين احبابها
بالطيب تجمعنا الدروب وكل زرع وله حصاد=والعاليه ياسعد من علّىَ على مرقابها
اعلى المنابر ماتهيأ بالتمني والرقاد=ماحازها الا صيرميٍ يحتمي مشهابها
بالصبر وجهاد النفوس وحي راع الاجتهاد=دنيا الفلس ماغرته واغوَته زين ثيابها
شحذ الهمم..عض النواجذ.. هي لهم خير العتاد=كلش يهون بطرقةٍ هذا نتاج اتعابها
نبراسهم جمع العلوم المثمرة من كل واد=يسعون لو يشقون للعليا وطرق ابوابها
والعلم نورٍ يهدي الانفُس لِسكات الرشاد=لامن هوت روح البنـ آدم بالجهل يسمى بها
لاصار بينه والعمل به صدق نية واتحاد=هذي مكارم ربي الخالق وهو وهابها
والحظ وهبة ياتسيد بهالزمن ولا تساد=فوارقٍ ربي عطاها وهبةٍ لاصحابها
والمرجلة في كل درب وطرقة المؤمن جهاد=والعاقل اللي يختصم نفسه ولا يغوى بها
والعمر رحلة تنتهي والقلب ماهو بجماد=ارضٍ على العالم تجود بمثل مايذرى بها
كلاً يبرق في حياته ويش قدم واستفاد=قبل المنايا تصفقه لاهدت بمخلابها
جمعت من زين المثايل دُر للواعين زاد =تجاربٍ عبر الزمن ومصارعه عشنا بها
ماكل قولٍ لو عجب راعيه ينقال ويقاد=ولاكل فكرة دقت ابواب الهوى يغدى بها
واليوم في حفل الرواجح تاج راسي والسناد=الفكر شاش ولابتي بشوش واتغنى بها
لابة فخر محزم ظهر عزوة تقود ولا تقاد=فـ الاولة والتاليه كلاً يحسب حسابها
اهل الوفى دين وتُقى عزٍ وللديرة وتاد=ريف وذرى مهما جرى لاصحابها واقرابها
سور تربة دار البقوم مشيبة عين المعاد=كبد العدو عزي لها من وقع ضرب حرابها
قومٍ عوارف من قديمات الليالي والجداد=يوم الجهل وقفاتهم وافعالهم يحكى بها
ويوم استقرت بامر ربي واذعنت كل البلاد =للدولة اللي كلنا بالروح دون ترابها
ارض الحرم دار الكرم للعدل والعزة عماد =الخيمة اللي ياعسى ربي يمد اطنابها
بالأمن نحيى والسعد والخير فـ الديرة مداد=يالله تديم النعمة ويالله تحفظ اسبابها
والله يجمل موقفي بالطيب والقول الرشاد=والله يبارك راية الوحدة ومن يسعى بها
بقلم : عبدالله الراجحي
http://www.7ammil.com/upfiles/ViY03221.bmp (http://[URL]http://www.7ammil.com/upfiles/ViY03221.bmp)
(http://[URL]http://www.7ammil.com/upfiles/ViY03221.bmp)