العبداني
04-05-2009, 08:19 AM
اترك القصائد تتحدث عن الموضوع
قال مسلم آل عليان الجحادر في محمد ابن قرمله :
يتلون هذاب السرايا محمد أخو منيره زبن كل ذليـل
مايركب إلا فوق كل شمره إصيل ولا يعتلا إلا إصيـل
والله ياشيخ يعاشي محمد إن ذاك من بد الرجال هبيل
يقول احد شعار عتيبه في محمد بن هادي بن قرمله :
يالله مـن نـو يثـور قتـامـه يسقي من العارض إلى نقرة الشام
نبعد عن اللي ما تحلـل عظامـه عيـت تبيـده الليالـي والايــام
زريبه والضيـط راحـوا طعامـه وحنا يقزينا المنازل مـن العـام
لا شب ضوه فـي راس العدامـه قمنا نربط غالـي القـش بحـزام
زريبه والضيط من شيوخ عتيبه
هذة قصيدة للشاعر ضيدان بن عبدالله الروقي القحطاني
عندما سمع احد الاشخاص يتكلم في قبيلتنا العزيزة ......
رد عليه بهذة القصيدة وهي :
ياللي علينا غيرك هـرج واشيـن حنا ترا هـرج الهمـج ماسمعنـاه
لاتحسبـنّـا بنتـرجـا مقـفّـيـن من صـد عنـا وابتعـد مارجينـاه
ياشايـفٍ نفسـك ترانـا قحاطيـن من شاف نفسه تحت الاقدام دسنـاه
من خلقت الدنيـا وحنـا سلاطيـن كم عـز قـوم بالمعـارك كسبنـاه
يشهد لنا التاريخ يـومٍ علـى تيـن عز الشريف وقوم ابن ضاري خذيناه
حنا بنجد المجـد عالعـز راسيـن والسيف في دم الاعـادي سقينـاه
تاتي لنا الجزيه من يسـار ويميـن تاتي لبن هادي على جـال مركـاه
يقول عبيد بن رشيد في ابن هادي :
جانا جوابك يالشجاع ابن هادي تقول لك بكروش عندي مثاني
وقال في موضع آخر مخاطبا عباس باشا :
يابيه انا لكروش لااهدي ولاابيع قبلك طلبها فيصل وابن هـادي
من قصيدة الشاعر/ سعد القرقاح العبيدي القحطاني ، عندما حل على القبابنة من السهول يمتدحهم لجميل اكرامهم له ، ومنها ذكر طرفا عن جماعته ، ويقول فيها :
قلته وأنا مانيب راعي مواكيـل مير أعجبوني بالكرم والشجاعه
قلته وأنا من روس ربعٍ مشاكيل اللي خذوا علمان نجـدٍ قلاعـه
آلاد قحطانٍ كما دافـر السيـل اللي ظعنهم للمعـادي مراعـه
وقال تركي بن حميد ممتدحا ابن هادي :
ياراكب من فوق سلسات الاقـران فج العضود وساسهن من عمانـي
ملفاك من يروي شبا مقدم الـزان عيد الركاب اللي بها الحيل وانـي
شيخ نشا بالطيب من روس قحطان عاداتهم فـك النشـب والعوانـي
ويقول :
ملفاك شيخ بالقسا يذبـح الكـوم شيـخ وشيخـان القبايـل تدلـه
تلقى محمد زبن من جاه مظيـوم زبن الذليل اللـي مخيـف محلـه
شيخ على الشيخان له حق ورسوم تخاف من غيضه وتمشي رضا له
جانا من الشايب مكاتيب وعلـوم حي الكتاب اللي لفى حشمـة لـه
الشايب اللي ينقل الكبـر والـزوم باغي لحكمي مير انا عاصي لـه
الله يغشك يـوم غشيتنـا اليـوم تقرا الكتـاب ولا تهـاب المظلـه
ليه تدله !! عشان تقدم الجزية وتكسب وده
ولاتهاب المظله : اي لايخشي خوض المعارك
ويقول :
يالله ياللي ماش حـال يكـوده رب لطيف صرف الريح تصريف
ارحم اللي وحدوا بـه جنـوده حد صلح وحد تحدر على السيف
وش يقصد بحد صلح !! يعني ادى الجزية لابن هادي
ويقول في قصيدة له أخرى :
منصاك ابن هادي ريف هشالة الخلاريف الهجافا في ليالـي عسورهـا
في مجلسه تلقـا علـوم طرايـف وحيل تاطاهـا كـل يـوم قدورهـا
قل له طلبنا الصلح منكم ولا حصـل ودنياك مايسقم بهـا الا صبورهـا
ويقول الشريف سلطان :
جانا جواب معرب الجـد معـروج ومعسـر لكـن حنـا فهمـنـاه
جواب من ياخذ على نجد مخروج ياخذ على من حل في نجد الشـاه
وش عاد لو عيا محمد على الغوج بخيل الطوالـه واحـد كنـه ايـاه
إلى ان قال :
انتم سهيل له مطاليع وبروج وحنا القمر ليلة النصف غطاه
ويقول عايض بن فهيد الرشيدي للامير خليل بن ناصر بن قرمله :
تهدا عليك مقاضعـات الحديـدي واهدوا على جدك جميع البوادي
كل على هرجي لك الله شهيـدي ولا اقول انا هرج على غير قادي
ويقول راكان بن حثلين :
ملفاك ابن هادي كبيـر العمامـه شيخ ورمحه مع هل الخيل مرسام
اهديت لك نور السلف والجهامـة ابغيك ذخر فـي مقابيـل الايـام
ويقول الجضعي الفهري :
ياراكب وجنا تبـوق المراهيـق كنه ظليـم حاديتـه الخشومـي
تنصا لنا شيخ دلاله على سيـق محمد ولد هادي مرد العلومـي
يعطونه الاجناب قـب ملاويـق وخذا الاصايل من الاحفة رسومي
ويقول عيسى بن حصن الشرافا الدوسري :
ياراكب من فوق درم الخفاف امافيهن اللي مابعد شق نابه
تلفى على شيخ فعوله تشاف امشيدن بيته تخالف ركابـه
عليه شيخان القبايل تلافـا ذا ناقلن هدوه وهذا كتابـه
ويقول محمد بن رثوان الروقي :
خله يامن لـه ويـوم غـدا لـه من فوق مطوي الحشا كنه الذيـب
ملفـاك شيـخ ماتونـي دلالــه تلقا العوادي وسط بيتـه مراقيـب
حطيتنـي ياشيـخ مثـل الخيالـه وان الخلق مايمنع الضان في الذيب
ويقول تركي بن جليغم الفهري :
لما تقهوا روحه لابـن هـادي مادام راسه بدت الناس ماجـود
ياما حكم نمرا تخفض الفـؤادي مسواط نجد إلى غدا نجد مرجود
يتلاه من قومه سوات الجرادي كم واحد في دقلهم شيف مردود
يعطونه الحكـام قـب جيـادي وسروال تومان مع جوخ ماهود
يقول ابن شافي :
ملفاك ابن هادي كبير العمامه مكدر الصافي بعجات الايـام
ويقول محمد بن هادي بن قرمله عن نفسه :
مامنكم اللي تلهن بالخنانيـق وانا ذراكم عن لهيب السمومي
الى ان قال
انا جملكم في نهـار المساويـق ان جا من العدوان خيفت علومي
اشيل من ربعي من الغيض ماطيق ولو انهم زعلين عندي حشومـي
أنا أحمي المظهور لانشف الريـق لما رمى المجمول بغطاه يومـي
نجد خذيتـه بالسلـف والتفافيـق وخيل تعاقب مثل طابـور رومـي
والحظ مـن الله بخـط وتوفيـق والعمر يفنـى والليالـي تدومـي
وكذلك قال :
يامن يخبر شافي ترى نجد ممطور ووادي الرشا ماياخـذ الا ملالـه
قل له يتنصى منزله قاعة الضور ينصى غدير الشظو لما امتلا لـه
وفي قصيدة اخرى له تحدث عن موضوع معين ثم ذكر عرضا منعة قبيلته وحمايتها لديارها بنجد :
يافاطري ياللي ثمنهـا ثلاثيـن والا معانقة الجمـل باندفاعـة
ياما رعت من باطن زاهره زين ميرادها عـد تعـاوي سباعـة
يبرى لها قب سواة الشياهيـن قب الى هد القواصـر قطاعـة
بديارنا كل العرب عنه عجزيـن والا ترى قومي غدوا به طماعة
وقال :
ياراكب من فوق عشر ضواتـي سبق القطا اللي نابغ من مطيرة
مرباعها يم الحـوم وسفواتـي في ماقع ماهو يقـزى بعيـرة
ملفاك تني حامـي الجاذياتـي قل الفرس فيها دعاوي كثيـرة
اديتهـا بحبالـي الـوارداتـي يوم ارتخت عنها الحبال القصيرة
وقال موجها كلامه للشريف سلطان :
نحدكم حد الجـوازي عـن المـوج ونردكم رد البـدن صـوب مسنـاه
هل سربة وان دبرت ركضها عـوج وان اقبلت شروى الحـرار المغـذاة
كم عندل تبكي على العـم والـزوج تجر صـوت غافـي النـوم قـزاه
وكم سابق تشرى من المال بخروج غدت بـروس رماحنـا بالمثـاراة
انا جنودي كثـر جـوج وماجـوج حريبنـا لـو هـو بعيـد نصينـاه
حريبنـا مايمـرح الليـل مفلـوج و الناس قد نامـوا وعينـه مقـزاه
وعدونا لو قطـب الخيـل بسـروج لازم يخلـي منـزلـه لانصيـنـاه
ذا قول من يلوي على الهرج بهروج يلوي ولا يلوى على بعض ملـواه
وقال موجها كلامه لراكان بن حثلين :
لابد من يوم نثـور عسامـه اما على المطران والا على يام
الى ان قال :
لي لابة حولتهم مـن تهامـة سلاحهم مخ الفرنجي والاروام
حنا كما سيـل يطـم العدامـة حول على طاش البحر له تلطام
الى ان قال :
كم شيخ قوم مطلقين حزامـه من عقب الجوخ قدوا له الخام
وقال امام الامام فيصل بن تركي :
لو كنت عود لـي افعـول عنايـف وربعي اتطاوعني على الهون والكود
حنا علـى ضـدك جبـال نوايـف وحنا لك اطوع من عنيبر ومسعـود
لي لابة تـروي حـدود الرهايـف لا جا نهار فيـه حـاوي ومـردود
مانشتحن من حرب كـل الطوايـف والى بدا لازمـك حنـا لـك جنـود
شد العتيبي من ورا كشـب خايـف ولا يحدر كـود يبـرى لـه القـود
وشد المطيري من خشوم الردايـف وان سندوا وردوا حنيظل وابا الـدود
لـي لابـة ماجمعـوا بالحـلايـف من نسل قحطان وتعزا علـى هـود
وقال له ايضا :
اللحف يبغضني على لطم خـده ولوني عليه هوين صرت غالي
عندك يصرف بي من الحكي قده وفعولنا فيهـم جـداد وسمالـي
صلال دور لـه ورا المستجـده والشيخ الآخر في مرب التوالـي
ووطبان اللي قد كل الرمل خـده خلوه ربعه في مـداس العيالـي
لي لابـة لا قلـت للخيـل رده ترايعوا للهوش مثـل الجمالـي
وفعولنـا بالضـد كـل يـعـده يعـده الاول لنسـل التـوالـي
ربعي لي اطوع من محب لـوده وانا اروف بهم من مربي العيالي
اتبع مصالحهـم بليـن وشـده واكسر بهم عظم الحريب الموالي
وان جت من العاقل عرفنا مرده ولا نلتفت لهروج بعض الرجالي
ويقول رادا على تركي بن حميد :
اطلب عسى نجد من الوسم ماسوم حتى تقـرب حلـة صـوب حلـة
وان كان رمحك بأول الخيل ملحوم فأنا برمحـي حامـي نجـد كلـه
من شافنا بالحلم فرقز من النـوم ومن شافنا بالعلـم بطنـه يحلـه
عدونا لو جض فلا هـو بمليـوم واللي وراه يجض من جضـة لـه
مانشتحن للحرب والحرب مفهـوم وياسعد من حن في اللقا فزعة له
حربك الى جانـا نقلنـاه بسهـوم وتر حربنا لاجاك ما احتلت شلـه
وان كان تطري النجم والنجم مفقوم النجم يدوي والجبـل راسـي لـه
ولو هو في نفسه فلا هو بمليـوم نعم الشوارب وافـي الشبـر كلـه
مشبه مـا بيـن عتبـان وبقـوم والله علم فـي دق سلكـك وجلـه
ويقول رادا عليه في قصيدة اخرى :
ياتركي بن حميد وان كنت صادق فارجع بقومك لاتولـي دبورهـا
نجد تبـرا منـك وبنـا ترحـب تبدي لك البغضا ولا طعت شورها
فإن كان يابن حميد ماطعت ناصح فترا الوعد لا من ركبنا ظهورها
فإن كان جمعاكم خذت ثوب راعي فترا جمعنا ما يأخـذ الا ندورهـا
بني مظيم وان تولـوك ساعـه يشدي ليوم الحشر نفخات صورها
وقال محمد بن عديله العاطفي في الامير خليل بن قرمله :
عسى يعـل الريـن مـن كـل ودان دار الرجـال اللـي تفـك الحـدودي
والله ما اسكن دون ذربيـن الايمـان اللـي فعايلهـم عليهـا شـهـودي
اول مجيي عند مـن يذبـح الضـان اهـل الهـداوي يطلبونـه عهـودي
خليـل اللـي يمنـع الـدرك الامـان اللي على خصمـه يقـود الجـرودي
ساس الكرم والجـود ميـراث جـدان وان جـاه مظيـوم فيرقـا سنـودي
شيخ ولـد شيـخ سلايـل كحيـلان حصان الصرايم بالرسـن فيـه زودي
كم جاه من قحص الرمك علط الارسان يازينهـا قــدام بيـتـه تـحـودي
نـادر حـرار ماكـره راس مـابـان مـا يبـدي الا عاليـات الـرجـودي
بديع السوابق يدعي الريـش نثـران مثـل الاسـد مايلطـم الا الخـدودي
وحديثا قال الشاعر عايض بن حماد السحيمي قصيدة في الشيخ الامير سلطان بن خليل بن ناصر بن عمر بن قرمله:
ياراكب من فـوق جمـس مـورد تـوه جديـد مشتـراه وموديـلـه
الجمس حوض ولا على حوضه الشد مافوقـه الا سايـقـه والدليـلـه
مشـراه لـلازم ولاهـوب للـكـد لا دق سلفـه سايقـه فـر ويلـه
منصاك سلطـان الشجـاع الموكـد اميرنـا اللـي لا دعانـا نجيـلـه
ماهـوب اميـر بالتوابـع تـعـدد ومن لا كمل عـد الميـه عزتيلـه
اماراتـه ميـراث جـد باثـر جـد شيخ مورث شيـخ شمـل القبيلـه
له موقف يـوم الحـرم مـا تنقـد فادا بروحه ما حسـب مـا يجيلـه
قاد الكتيبه لين داست علـى الخـد خـد المعـادي بالحـرم بتهليـلـه
يقـدم عيـال مابهـم واحـد صـد مامنهم اللـي يتقـي فـي زميلـه
ماهابـو البـارود واليـوم الانكـد وتركز لهم البيضا بـراس الطويلـه
ونجاه ربه واحمـد الـرب الامجـد وكسب النفيلـه والعلـوم الجميلـه
ولاهيب تستكثـر ولاهيـب تجحـد هذي مواريـث ورثهـا وهـي لـه
يعيش ابو خالـد وفـا بمـا تعهـد ما همه البايق ومـن ينتمـي لـه
ولـد خليـل لـه خلـيـل تسـنـد ابو حمود عـز لمـن يرتكـي لـه
قصره بفرعة وادي الريـن مشيـد على الطريق ولا اتقـا فـي نزيلـه
له ربعة للضيـف مصـدر ومـورد ملفـا لهشـال الخـلا كـل ليلـه
فيهـا الشحـم ودلال بـن تقـنـد بهيل الحبش والعود الازرق يهيلـه
ذباح كوم البل لمن شحشـح المـد كريـم سبـلا فالسنيـن المحيلـه
يمناه في جـزل العطـا مـا تـردد تعطـي عطايـا وافيـات جزيـلـه
يفرح به اللي ضامه الدهر والضـد زبن المجنى اللـي ربوعـه قليلـه
اخو منيره درع لمـن جـاه يطـرد خليـل لا شـب الزنـد فالفتيـلـه
ونشب المشط في ضافي الدقن الاربد في ساعة وابليـس يومـي شليلـه
وقف لها خليل فـي موقـف الجـد وداوا الكبود اللـي سنيـن غليلـه
ولا كـل عـد ينذكـر لـك بمـورد وهداج تيمـا مـا يـوازي الثميلـه
وسلطان كنـه ابـوه لـو مانعـدد يهـوم هاماتـه ويفعـل فعيـلـه
ونهـار دخنـه بذكـره واتمـجـد بمجـد يتمجـد كـل يـوم وليلـه
لراعي البويضا ناصر جد مـن عـد لا قيل ناصـر قيـل خلـو سبيلـه
قابل جـرود مـن جـرود تسانـد ووقف لهم وقفاتـه اللـي مهيلـه
من الضحا حتى دجا الليـل الاسـود وافتـك ربعـه والمحـارم وخيلـه
لاجل الخلوج اللي تدوج على العـد تقنب قنيب الذيـب وتعـول عويلـه
لعيـون ترفـات الصبايـا تقـعـد للخصـم لا بـار العميـل بعميلـه
يطعن برمح ويضرب بسيف اجـرد وسوا سوايا مـن حضرهـا تهيلـه
حتى يمينه يبسـت بمقضـب الحـد مافكهـا الا بالسمـن والمليـلـه
وغيره شيوخ ما اقدر احصي لهم ع دكم شيـخ قـوم وسـدوه النثيلـه
ترثة ولد هـادي المسمـى محمـد شيخ الشيوخ اللي الهـداوي تجيلـه
وشيوخ وقت اليوم من دخلـه ازود وان جيت اقول الشيخ لاهي ثقيلـه
هذا زمان صار فيـه الجـزر مـد و المد جـزر وكـل ينظـر حصيلـه
الشيخ مـن جتـه الهـداوي تقـود وقاد السرايـا بالسيـوف الصقيلـه
يقدم بني عمه هل الحـرد والسـرد وساق المعادي لين خـلا الحليلـه
هذاك بن هادي لـه النـاس تشهـد والله يشهـد والسمـا والمسيـلـه
وكل القبايل ما اقدر اهضم لهم مـد اللـي مقاودهـا تـفـك الدبيـلـه
ولا قلتها من شـان مـد ولا جـد لا شك اقول الصدق واثبـت دليلـه
ولو قلت زور قالت الناس لـي لـد والكـذب عيـب للرجـال وفشيلـه
وصلو عدد ما قمري البـان غـرد على النبي واعـداد وبـل المخيلـه
وهذه قصيدة حمد الحبابي في الشيخ سلطان بن خليل بن قرمله :
سلطان ركب شداد ابوه وعمامه ومع الحرار الشقر ضخم رصيده
جده محمد قادنـا مـن تهامـه من باب صنعا قادنـا والحديـده
اسرج حصانه واعتصب بالعمامه وقاد الجحادر والحباب وعبيـده
وساروا بمسراحه وناموا بمنامه سنحان وشريف وقبيلـة رفيـده
تتلا زعيـم يستحـق الزعامـه شيخ لهم وأريـاه دايـم سديـده
حول بنا سيـل يطـم العدامـه وطبع العرب والجيش يتلا عقيده
وحدر بنا بين الحصير وسنامـه يبغي قرارة نجـد ويفيـد فيـده
نفصخ كتامه وان تلقـا كتامـه لما انجلى وحده نطحنـا جديـده
حتى ضربنا نجد شرقه وشامـه وان حل بره ما نوينـا شديـده
يالله عسى الجنة منازل عظامـه عود جذبنا من الديـار البعيـده
وآخر شيء أقول كما قال الامير هزاع بن عمر بن قرمله راثيا عمه محمد بن هادي :
ما اخبلك ياباغي الحكايا تزيده مراجل ومحمـد قـد خذاهـا
كل المدايح حطها فـي مزيـده وكل المراجل فوق راسه طواها
وسلامتكم
قال مسلم آل عليان الجحادر في محمد ابن قرمله :
يتلون هذاب السرايا محمد أخو منيره زبن كل ذليـل
مايركب إلا فوق كل شمره إصيل ولا يعتلا إلا إصيـل
والله ياشيخ يعاشي محمد إن ذاك من بد الرجال هبيل
يقول احد شعار عتيبه في محمد بن هادي بن قرمله :
يالله مـن نـو يثـور قتـامـه يسقي من العارض إلى نقرة الشام
نبعد عن اللي ما تحلـل عظامـه عيـت تبيـده الليالـي والايــام
زريبه والضيـط راحـوا طعامـه وحنا يقزينا المنازل مـن العـام
لا شب ضوه فـي راس العدامـه قمنا نربط غالـي القـش بحـزام
زريبه والضيط من شيوخ عتيبه
هذة قصيدة للشاعر ضيدان بن عبدالله الروقي القحطاني
عندما سمع احد الاشخاص يتكلم في قبيلتنا العزيزة ......
رد عليه بهذة القصيدة وهي :
ياللي علينا غيرك هـرج واشيـن حنا ترا هـرج الهمـج ماسمعنـاه
لاتحسبـنّـا بنتـرجـا مقـفّـيـن من صـد عنـا وابتعـد مارجينـاه
ياشايـفٍ نفسـك ترانـا قحاطيـن من شاف نفسه تحت الاقدام دسنـاه
من خلقت الدنيـا وحنـا سلاطيـن كم عـز قـوم بالمعـارك كسبنـاه
يشهد لنا التاريخ يـومٍ علـى تيـن عز الشريف وقوم ابن ضاري خذيناه
حنا بنجد المجـد عالعـز راسيـن والسيف في دم الاعـادي سقينـاه
تاتي لنا الجزيه من يسـار ويميـن تاتي لبن هادي على جـال مركـاه
يقول عبيد بن رشيد في ابن هادي :
جانا جوابك يالشجاع ابن هادي تقول لك بكروش عندي مثاني
وقال في موضع آخر مخاطبا عباس باشا :
يابيه انا لكروش لااهدي ولاابيع قبلك طلبها فيصل وابن هـادي
من قصيدة الشاعر/ سعد القرقاح العبيدي القحطاني ، عندما حل على القبابنة من السهول يمتدحهم لجميل اكرامهم له ، ومنها ذكر طرفا عن جماعته ، ويقول فيها :
قلته وأنا مانيب راعي مواكيـل مير أعجبوني بالكرم والشجاعه
قلته وأنا من روس ربعٍ مشاكيل اللي خذوا علمان نجـدٍ قلاعـه
آلاد قحطانٍ كما دافـر السيـل اللي ظعنهم للمعـادي مراعـه
وقال تركي بن حميد ممتدحا ابن هادي :
ياراكب من فوق سلسات الاقـران فج العضود وساسهن من عمانـي
ملفاك من يروي شبا مقدم الـزان عيد الركاب اللي بها الحيل وانـي
شيخ نشا بالطيب من روس قحطان عاداتهم فـك النشـب والعوانـي
ويقول :
ملفاك شيخ بالقسا يذبـح الكـوم شيـخ وشيخـان القبايـل تدلـه
تلقى محمد زبن من جاه مظيـوم زبن الذليل اللـي مخيـف محلـه
شيخ على الشيخان له حق ورسوم تخاف من غيضه وتمشي رضا له
جانا من الشايب مكاتيب وعلـوم حي الكتاب اللي لفى حشمـة لـه
الشايب اللي ينقل الكبـر والـزوم باغي لحكمي مير انا عاصي لـه
الله يغشك يـوم غشيتنـا اليـوم تقرا الكتـاب ولا تهـاب المظلـه
ليه تدله !! عشان تقدم الجزية وتكسب وده
ولاتهاب المظله : اي لايخشي خوض المعارك
ويقول :
يالله ياللي ماش حـال يكـوده رب لطيف صرف الريح تصريف
ارحم اللي وحدوا بـه جنـوده حد صلح وحد تحدر على السيف
وش يقصد بحد صلح !! يعني ادى الجزية لابن هادي
ويقول في قصيدة له أخرى :
منصاك ابن هادي ريف هشالة الخلاريف الهجافا في ليالـي عسورهـا
في مجلسه تلقـا علـوم طرايـف وحيل تاطاهـا كـل يـوم قدورهـا
قل له طلبنا الصلح منكم ولا حصـل ودنياك مايسقم بهـا الا صبورهـا
ويقول الشريف سلطان :
جانا جواب معرب الجـد معـروج ومعسـر لكـن حنـا فهمـنـاه
جواب من ياخذ على نجد مخروج ياخذ على من حل في نجد الشـاه
وش عاد لو عيا محمد على الغوج بخيل الطوالـه واحـد كنـه ايـاه
إلى ان قال :
انتم سهيل له مطاليع وبروج وحنا القمر ليلة النصف غطاه
ويقول عايض بن فهيد الرشيدي للامير خليل بن ناصر بن قرمله :
تهدا عليك مقاضعـات الحديـدي واهدوا على جدك جميع البوادي
كل على هرجي لك الله شهيـدي ولا اقول انا هرج على غير قادي
ويقول راكان بن حثلين :
ملفاك ابن هادي كبيـر العمامـه شيخ ورمحه مع هل الخيل مرسام
اهديت لك نور السلف والجهامـة ابغيك ذخر فـي مقابيـل الايـام
ويقول الجضعي الفهري :
ياراكب وجنا تبـوق المراهيـق كنه ظليـم حاديتـه الخشومـي
تنصا لنا شيخ دلاله على سيـق محمد ولد هادي مرد العلومـي
يعطونه الاجناب قـب ملاويـق وخذا الاصايل من الاحفة رسومي
ويقول عيسى بن حصن الشرافا الدوسري :
ياراكب من فوق درم الخفاف امافيهن اللي مابعد شق نابه
تلفى على شيخ فعوله تشاف امشيدن بيته تخالف ركابـه
عليه شيخان القبايل تلافـا ذا ناقلن هدوه وهذا كتابـه
ويقول محمد بن رثوان الروقي :
خله يامن لـه ويـوم غـدا لـه من فوق مطوي الحشا كنه الذيـب
ملفـاك شيـخ ماتونـي دلالــه تلقا العوادي وسط بيتـه مراقيـب
حطيتنـي ياشيـخ مثـل الخيالـه وان الخلق مايمنع الضان في الذيب
ويقول تركي بن جليغم الفهري :
لما تقهوا روحه لابـن هـادي مادام راسه بدت الناس ماجـود
ياما حكم نمرا تخفض الفـؤادي مسواط نجد إلى غدا نجد مرجود
يتلاه من قومه سوات الجرادي كم واحد في دقلهم شيف مردود
يعطونه الحكـام قـب جيـادي وسروال تومان مع جوخ ماهود
يقول ابن شافي :
ملفاك ابن هادي كبير العمامه مكدر الصافي بعجات الايـام
ويقول محمد بن هادي بن قرمله عن نفسه :
مامنكم اللي تلهن بالخنانيـق وانا ذراكم عن لهيب السمومي
الى ان قال
انا جملكم في نهـار المساويـق ان جا من العدوان خيفت علومي
اشيل من ربعي من الغيض ماطيق ولو انهم زعلين عندي حشومـي
أنا أحمي المظهور لانشف الريـق لما رمى المجمول بغطاه يومـي
نجد خذيتـه بالسلـف والتفافيـق وخيل تعاقب مثل طابـور رومـي
والحظ مـن الله بخـط وتوفيـق والعمر يفنـى والليالـي تدومـي
وكذلك قال :
يامن يخبر شافي ترى نجد ممطور ووادي الرشا ماياخـذ الا ملالـه
قل له يتنصى منزله قاعة الضور ينصى غدير الشظو لما امتلا لـه
وفي قصيدة اخرى له تحدث عن موضوع معين ثم ذكر عرضا منعة قبيلته وحمايتها لديارها بنجد :
يافاطري ياللي ثمنهـا ثلاثيـن والا معانقة الجمـل باندفاعـة
ياما رعت من باطن زاهره زين ميرادها عـد تعـاوي سباعـة
يبرى لها قب سواة الشياهيـن قب الى هد القواصـر قطاعـة
بديارنا كل العرب عنه عجزيـن والا ترى قومي غدوا به طماعة
وقال :
ياراكب من فوق عشر ضواتـي سبق القطا اللي نابغ من مطيرة
مرباعها يم الحـوم وسفواتـي في ماقع ماهو يقـزى بعيـرة
ملفاك تني حامـي الجاذياتـي قل الفرس فيها دعاوي كثيـرة
اديتهـا بحبالـي الـوارداتـي يوم ارتخت عنها الحبال القصيرة
وقال موجها كلامه للشريف سلطان :
نحدكم حد الجـوازي عـن المـوج ونردكم رد البـدن صـوب مسنـاه
هل سربة وان دبرت ركضها عـوج وان اقبلت شروى الحـرار المغـذاة
كم عندل تبكي على العـم والـزوج تجر صـوت غافـي النـوم قـزاه
وكم سابق تشرى من المال بخروج غدت بـروس رماحنـا بالمثـاراة
انا جنودي كثـر جـوج وماجـوج حريبنـا لـو هـو بعيـد نصينـاه
حريبنـا مايمـرح الليـل مفلـوج و الناس قد نامـوا وعينـه مقـزاه
وعدونا لو قطـب الخيـل بسـروج لازم يخلـي منـزلـه لانصيـنـاه
ذا قول من يلوي على الهرج بهروج يلوي ولا يلوى على بعض ملـواه
وقال موجها كلامه لراكان بن حثلين :
لابد من يوم نثـور عسامـه اما على المطران والا على يام
الى ان قال :
لي لابة حولتهم مـن تهامـة سلاحهم مخ الفرنجي والاروام
حنا كما سيـل يطـم العدامـة حول على طاش البحر له تلطام
الى ان قال :
كم شيخ قوم مطلقين حزامـه من عقب الجوخ قدوا له الخام
وقال امام الامام فيصل بن تركي :
لو كنت عود لـي افعـول عنايـف وربعي اتطاوعني على الهون والكود
حنا علـى ضـدك جبـال نوايـف وحنا لك اطوع من عنيبر ومسعـود
لي لابة تـروي حـدود الرهايـف لا جا نهار فيـه حـاوي ومـردود
مانشتحن من حرب كـل الطوايـف والى بدا لازمـك حنـا لـك جنـود
شد العتيبي من ورا كشـب خايـف ولا يحدر كـود يبـرى لـه القـود
وشد المطيري من خشوم الردايـف وان سندوا وردوا حنيظل وابا الـدود
لـي لابـة ماجمعـوا بالحـلايـف من نسل قحطان وتعزا علـى هـود
وقال له ايضا :
اللحف يبغضني على لطم خـده ولوني عليه هوين صرت غالي
عندك يصرف بي من الحكي قده وفعولنا فيهـم جـداد وسمالـي
صلال دور لـه ورا المستجـده والشيخ الآخر في مرب التوالـي
ووطبان اللي قد كل الرمل خـده خلوه ربعه في مـداس العيالـي
لي لابـة لا قلـت للخيـل رده ترايعوا للهوش مثـل الجمالـي
وفعولنـا بالضـد كـل يـعـده يعـده الاول لنسـل التـوالـي
ربعي لي اطوع من محب لـوده وانا اروف بهم من مربي العيالي
اتبع مصالحهـم بليـن وشـده واكسر بهم عظم الحريب الموالي
وان جت من العاقل عرفنا مرده ولا نلتفت لهروج بعض الرجالي
ويقول رادا على تركي بن حميد :
اطلب عسى نجد من الوسم ماسوم حتى تقـرب حلـة صـوب حلـة
وان كان رمحك بأول الخيل ملحوم فأنا برمحـي حامـي نجـد كلـه
من شافنا بالحلم فرقز من النـوم ومن شافنا بالعلـم بطنـه يحلـه
عدونا لو جض فلا هـو بمليـوم واللي وراه يجض من جضـة لـه
مانشتحن للحرب والحرب مفهـوم وياسعد من حن في اللقا فزعة له
حربك الى جانـا نقلنـاه بسهـوم وتر حربنا لاجاك ما احتلت شلـه
وان كان تطري النجم والنجم مفقوم النجم يدوي والجبـل راسـي لـه
ولو هو في نفسه فلا هو بمليـوم نعم الشوارب وافـي الشبـر كلـه
مشبه مـا بيـن عتبـان وبقـوم والله علم فـي دق سلكـك وجلـه
ويقول رادا عليه في قصيدة اخرى :
ياتركي بن حميد وان كنت صادق فارجع بقومك لاتولـي دبورهـا
نجد تبـرا منـك وبنـا ترحـب تبدي لك البغضا ولا طعت شورها
فإن كان يابن حميد ماطعت ناصح فترا الوعد لا من ركبنا ظهورها
فإن كان جمعاكم خذت ثوب راعي فترا جمعنا ما يأخـذ الا ندورهـا
بني مظيم وان تولـوك ساعـه يشدي ليوم الحشر نفخات صورها
وقال محمد بن عديله العاطفي في الامير خليل بن قرمله :
عسى يعـل الريـن مـن كـل ودان دار الرجـال اللـي تفـك الحـدودي
والله ما اسكن دون ذربيـن الايمـان اللـي فعايلهـم عليهـا شـهـودي
اول مجيي عند مـن يذبـح الضـان اهـل الهـداوي يطلبونـه عهـودي
خليـل اللـي يمنـع الـدرك الامـان اللي على خصمـه يقـود الجـرودي
ساس الكرم والجـود ميـراث جـدان وان جـاه مظيـوم فيرقـا سنـودي
شيخ ولـد شيـخ سلايـل كحيـلان حصان الصرايم بالرسـن فيـه زودي
كم جاه من قحص الرمك علط الارسان يازينهـا قــدام بيـتـه تـحـودي
نـادر حـرار ماكـره راس مـابـان مـا يبـدي الا عاليـات الـرجـودي
بديع السوابق يدعي الريـش نثـران مثـل الاسـد مايلطـم الا الخـدودي
وحديثا قال الشاعر عايض بن حماد السحيمي قصيدة في الشيخ الامير سلطان بن خليل بن ناصر بن عمر بن قرمله:
ياراكب من فـوق جمـس مـورد تـوه جديـد مشتـراه وموديـلـه
الجمس حوض ولا على حوضه الشد مافوقـه الا سايـقـه والدليـلـه
مشـراه لـلازم ولاهـوب للـكـد لا دق سلفـه سايقـه فـر ويلـه
منصاك سلطـان الشجـاع الموكـد اميرنـا اللـي لا دعانـا نجيـلـه
ماهـوب اميـر بالتوابـع تـعـدد ومن لا كمل عـد الميـه عزتيلـه
اماراتـه ميـراث جـد باثـر جـد شيخ مورث شيـخ شمـل القبيلـه
له موقف يـوم الحـرم مـا تنقـد فادا بروحه ما حسـب مـا يجيلـه
قاد الكتيبه لين داست علـى الخـد خـد المعـادي بالحـرم بتهليـلـه
يقـدم عيـال مابهـم واحـد صـد مامنهم اللـي يتقـي فـي زميلـه
ماهابـو البـارود واليـوم الانكـد وتركز لهم البيضا بـراس الطويلـه
ونجاه ربه واحمـد الـرب الامجـد وكسب النفيلـه والعلـوم الجميلـه
ولاهيب تستكثـر ولاهيـب تجحـد هذي مواريـث ورثهـا وهـي لـه
يعيش ابو خالـد وفـا بمـا تعهـد ما همه البايق ومـن ينتمـي لـه
ولـد خليـل لـه خلـيـل تسـنـد ابو حمود عـز لمـن يرتكـي لـه
قصره بفرعة وادي الريـن مشيـد على الطريق ولا اتقـا فـي نزيلـه
له ربعة للضيـف مصـدر ومـورد ملفـا لهشـال الخـلا كـل ليلـه
فيهـا الشحـم ودلال بـن تقـنـد بهيل الحبش والعود الازرق يهيلـه
ذباح كوم البل لمن شحشـح المـد كريـم سبـلا فالسنيـن المحيلـه
يمناه في جـزل العطـا مـا تـردد تعطـي عطايـا وافيـات جزيـلـه
يفرح به اللي ضامه الدهر والضـد زبن المجنى اللـي ربوعـه قليلـه
اخو منيره درع لمـن جـاه يطـرد خليـل لا شـب الزنـد فالفتيـلـه
ونشب المشط في ضافي الدقن الاربد في ساعة وابليـس يومـي شليلـه
وقف لها خليل فـي موقـف الجـد وداوا الكبود اللـي سنيـن غليلـه
ولا كـل عـد ينذكـر لـك بمـورد وهداج تيمـا مـا يـوازي الثميلـه
وسلطان كنـه ابـوه لـو مانعـدد يهـوم هاماتـه ويفعـل فعيـلـه
ونهـار دخنـه بذكـره واتمـجـد بمجـد يتمجـد كـل يـوم وليلـه
لراعي البويضا ناصر جد مـن عـد لا قيل ناصـر قيـل خلـو سبيلـه
قابل جـرود مـن جـرود تسانـد ووقف لهم وقفاتـه اللـي مهيلـه
من الضحا حتى دجا الليـل الاسـود وافتـك ربعـه والمحـارم وخيلـه
لاجل الخلوج اللي تدوج على العـد تقنب قنيب الذيـب وتعـول عويلـه
لعيـون ترفـات الصبايـا تقـعـد للخصـم لا بـار العميـل بعميلـه
يطعن برمح ويضرب بسيف اجـرد وسوا سوايا مـن حضرهـا تهيلـه
حتى يمينه يبسـت بمقضـب الحـد مافكهـا الا بالسمـن والمليـلـه
وغيره شيوخ ما اقدر احصي لهم ع دكم شيـخ قـوم وسـدوه النثيلـه
ترثة ولد هـادي المسمـى محمـد شيخ الشيوخ اللي الهـداوي تجيلـه
وشيوخ وقت اليوم من دخلـه ازود وان جيت اقول الشيخ لاهي ثقيلـه
هذا زمان صار فيـه الجـزر مـد و المد جـزر وكـل ينظـر حصيلـه
الشيخ مـن جتـه الهـداوي تقـود وقاد السرايـا بالسيـوف الصقيلـه
يقدم بني عمه هل الحـرد والسـرد وساق المعادي لين خـلا الحليلـه
هذاك بن هادي لـه النـاس تشهـد والله يشهـد والسمـا والمسيـلـه
وكل القبايل ما اقدر اهضم لهم مـد اللـي مقاودهـا تـفـك الدبيـلـه
ولا قلتها من شـان مـد ولا جـد لا شك اقول الصدق واثبـت دليلـه
ولو قلت زور قالت الناس لـي لـد والكـذب عيـب للرجـال وفشيلـه
وصلو عدد ما قمري البـان غـرد على النبي واعـداد وبـل المخيلـه
وهذه قصيدة حمد الحبابي في الشيخ سلطان بن خليل بن قرمله :
سلطان ركب شداد ابوه وعمامه ومع الحرار الشقر ضخم رصيده
جده محمد قادنـا مـن تهامـه من باب صنعا قادنـا والحديـده
اسرج حصانه واعتصب بالعمامه وقاد الجحادر والحباب وعبيـده
وساروا بمسراحه وناموا بمنامه سنحان وشريف وقبيلـة رفيـده
تتلا زعيـم يستحـق الزعامـه شيخ لهم وأريـاه دايـم سديـده
حول بنا سيـل يطـم العدامـه وطبع العرب والجيش يتلا عقيده
وحدر بنا بين الحصير وسنامـه يبغي قرارة نجـد ويفيـد فيـده
نفصخ كتامه وان تلقـا كتامـه لما انجلى وحده نطحنـا جديـده
حتى ضربنا نجد شرقه وشامـه وان حل بره ما نوينـا شديـده
يالله عسى الجنة منازل عظامـه عود جذبنا من الديـار البعيـده
وآخر شيء أقول كما قال الامير هزاع بن عمر بن قرمله راثيا عمه محمد بن هادي :
ما اخبلك ياباغي الحكايا تزيده مراجل ومحمـد قـد خذاهـا
كل المدايح حطها فـي مزيـده وكل المراجل فوق راسه طواها
وسلامتكم