راع الجمس
10-05-2009, 10:52 PM
بسم الله الرحمن الرحيم
السلام عليكم ورحمة الله وبركاته
هذه قصيده مجاراه لشاعر الكبير / سلطان الهاجري في قصيدته ألتي يقول فيها
صوت المواطن ليا عبر عن اشعوره = صرخة ندا ياولاة امر المسلميني
اما برى الجرح ولا مات دكتوره = الحل فيدينكم ماهوب فيديني
مواطنٍ لانشدك احدٍ عن اموره = وش يعني صفرٍ مكعب بين قوسيني
ابلادي اغنا بلد والشرع دستوره = وغلاه يجري بدمي في شراييني
احيان اسج القدم والحال مستوره = واحيان ماغير اسد الدين بالديني
ناديت ماوحيتني يامجلس الشوره = والله مدري متى عادك بتوحيني
واعضاك لو تعتذر ماهيب معذوره = تلفيق الاعذار يزعلني ما يرضيني
ناسٍ تجامل وهي ماهيب مجبوره = حتى ابتساماتها ماغير روتيني
والشعر له دور والشاعر هذا دوره = اوضاع شعب الوطن لاشك تعنيني
ومسابقات الشعر ومتابع الكوره= اهم منها معاناة الملاييني
رغم اني اشجع الازرق وجمهوره = اهلالين بحت من لول وذلحيني
لكن مايطلع الرجال عن طوره = الا خطاً يفطر اكبود البعاريني
وليامتى خطر الاجواد مكسوره = وانا كذا كسرة الخطر تبكيني
هذي رسالة بعض شعبك ياخو نوره= كلن يقول الك تكفى لا تخليني
هذي هي اوضاعهم بالشكل والصوره = وانته مغيث الفقارا والمساكيني
وأنا جاريته بهاذه لأبيات وقلت
صح الله لسان راع الطيب في دوره=ألي نطق كلمة أهل الحق والديني
الشاعر ألي يغوص الشعر وبحوره=ورسالته بينه فيها العناويني
يوم أكثر الناس والعربان مسروره=وش ذنب شعبن يشوف الفقر والشيني
لو نتبع ما نزل في محكم السوره=ما شفت سم العقارب بينك وبيني
وأكثر شباب العرب بالظلم مقهوره=تبغا الوضايف وتسديد الديايني
وخلف الكواليس خلك داخل الصوره=الواسطه بين خلق الله تمشيني
لوكان بعض العلوم أحيان محضوره=عندي دلايل و تثبتها براهيني
والغرب يصنع وحنى ندهن أسيوره=وأفكارنا كيف نستاجر دكاكيني
وأليا صنعنا مع لأيام نافوره=أنقول حنى هل الخبره من أسنيني
السلام عليكم ورحمة الله وبركاته
هذه قصيده مجاراه لشاعر الكبير / سلطان الهاجري في قصيدته ألتي يقول فيها
صوت المواطن ليا عبر عن اشعوره = صرخة ندا ياولاة امر المسلميني
اما برى الجرح ولا مات دكتوره = الحل فيدينكم ماهوب فيديني
مواطنٍ لانشدك احدٍ عن اموره = وش يعني صفرٍ مكعب بين قوسيني
ابلادي اغنا بلد والشرع دستوره = وغلاه يجري بدمي في شراييني
احيان اسج القدم والحال مستوره = واحيان ماغير اسد الدين بالديني
ناديت ماوحيتني يامجلس الشوره = والله مدري متى عادك بتوحيني
واعضاك لو تعتذر ماهيب معذوره = تلفيق الاعذار يزعلني ما يرضيني
ناسٍ تجامل وهي ماهيب مجبوره = حتى ابتساماتها ماغير روتيني
والشعر له دور والشاعر هذا دوره = اوضاع شعب الوطن لاشك تعنيني
ومسابقات الشعر ومتابع الكوره= اهم منها معاناة الملاييني
رغم اني اشجع الازرق وجمهوره = اهلالين بحت من لول وذلحيني
لكن مايطلع الرجال عن طوره = الا خطاً يفطر اكبود البعاريني
وليامتى خطر الاجواد مكسوره = وانا كذا كسرة الخطر تبكيني
هذي رسالة بعض شعبك ياخو نوره= كلن يقول الك تكفى لا تخليني
هذي هي اوضاعهم بالشكل والصوره = وانته مغيث الفقارا والمساكيني
وأنا جاريته بهاذه لأبيات وقلت
صح الله لسان راع الطيب في دوره=ألي نطق كلمة أهل الحق والديني
الشاعر ألي يغوص الشعر وبحوره=ورسالته بينه فيها العناويني
يوم أكثر الناس والعربان مسروره=وش ذنب شعبن يشوف الفقر والشيني
لو نتبع ما نزل في محكم السوره=ما شفت سم العقارب بينك وبيني
وأكثر شباب العرب بالظلم مقهوره=تبغا الوضايف وتسديد الديايني
وخلف الكواليس خلك داخل الصوره=الواسطه بين خلق الله تمشيني
لوكان بعض العلوم أحيان محضوره=عندي دلايل و تثبتها براهيني
والغرب يصنع وحنى ندهن أسيوره=وأفكارنا كيف نستاجر دكاكيني
وأليا صنعنا مع لأيام نافوره=أنقول حنى هل الخبره من أسنيني