كلب الشايب وقصيره ..!!

[خشم طويق]

..كلب الشايب وقصيره..


في سنين مضت مهيب بعيده -كان البعض من الناس يربون الكلاب - ويستخدمونها في

الحراسه أما على حلالهم

أو على زراعتهم ان كانهم اهل فلاحه . شايبٍ راعي حلال الله يرحمه كان من عرض ها

الناس عنده كلب ومدلّعه

ومسميه (حرس) ولآ سرّح حلاله - سرّحه مع الراعي خايف لا يغير على الحلال ذيب -

والكلب ذا عليه نبح مهوب بسيط ينسمع صوته من على بعد كيلوات -

( يوم الامور سهود ومهود )- إن مرّ احد من قصرا الشايب نبح عليه وان جاه ضيف

تنطّحه وقام ينبح , المراد إنه أزعج القصرا , والضيوف , والمصاخين , وجاء واحدٍ من

القصرا وقال للشايب - مآودّك تمتنع من ذا الكلب المزعج تراه مهوب نافعك مغير بينقدك

مع قصراك وضيوفك - قال الشايب لآ-هذا ابو العطايا ما يخلي الحايمه تحوم -

وفي ليلة شتاء غار ذاك الذيب على (نآقة) الشايب اللي توّها ناتج ومزع شوا حوارها

وسرا - والشايب يصيح في الكلب يبيه ينبح على الذيب وما عندك أحد- قام الكلب يستبرم

برجل العود ويهزّ (ذنبه)..

(خبطه)الشايب و لحق الذيب - وطارده شوي إلين تغبّى عن الشايب .. ورجع الكلب يسحّب

ايديه ورجليه - والذيب سرا

الشايب ضاق صدره على أم الحوار اللي قامت تحنّ وتكدّر خاطره , وتضايق من ذا الكلب

اللي ما منه فود - وطلب من الراعي

يقلع ذاالكلب ويبيعه بسوق ما يسوى , وان محدن شرآه يحاول يهديه على أحد من الرعيان

-وان ما احدن قبله يتخلّص منه لو (يثوّر) فيه ..

المراد - ان قصّة ذا الشايب وكلبه ونصيحة قصيره, جعلتني أتذكّر هذه القصّه:_

( كلب يركض خلف ذئب , يريد اللحاق به , التفت الذئب للكلب وقال له : لن تلحق بي ,

سأله الكلب : ولماذا ؟ فرد الذئب قائلاً : لأنك تركض لصاحبك وأنا أركض لنفسي ….. ) ..

شخبطات لعلكم تتقبلونها .. ابو نواف

[محمد العاطفي]

ارحب تراحيب المطر يابونواف

شخبطات جميله وتجعنا في استنناجات كل وحسب قرائته لها وفي الحقيقه انا لايوجد

لدي الا انني ارى ان الذيب تعشا من شواء الحاشي وافلح والكلب لايملك الا النباح وينتظر صاحبه

ان يعشيه وهم جميعهم من فصيله واحده لكن هذا ذئب وهذاكلب .

الله لايهينك ومبدع دائما في الكتابه الله يعطيك العافيه

[خشم طويق]

اررررحب يا محمد العاطفي

تحليل جميل ويحاكي جانب من الموضوع

وحتى الرجال من فصيل وجنس واحد

ولكنهم يختلفون

لاهنت على المداخله الطيبه

[ظافر العاطفي]

السلام عليكم ورحمة الله وبركاته

أرحب يا أبو نواف

السالفه هذي سمعت عنها والشايب يوم ينصحه قصيره عارف العلوم كلها لكن عاند نفسه تعرف الشايب لا عاند عاند 0

وهذا غلط الشايب يعني الكلب اكرمكم الله اطيب من الذئب لايعقل الذئب على اسمه وكل الناس يعرفون هذا الشي ومشجعينه واجد 0

ويمثل بعض الرجال بالذيب مثل لو قلنا فلان من الناس ذيب يتشقق من الفرحه لانه شبه بالذيب

وأما الكب يتبع خانقه ويا طيبه وقت الرخاء لكن في ليال الشتاء يوجعه بطنه من البرد وفي القيض تحت الوايت يعني مامنه فايده الا النباح وتخويف الثعالب و الكلاب الضعيفه فقط 0

و ربك ستر لو طول مع الشايب يمكن يعض ساق الشايب وتحل ذبحته لانه ما يحل الا ذبحة العقور من هذه النوعيه



لاهنت يا ابو نواف وتقبل تحياتي

[خشم طويق]

ارررررحب يابو عايض

ههههههههههه

حقيقةً اعجبني جدا تعليقك على الموضوع , تحليل موفق ويحاكي جوانب عديده في الموضوع

ولفت نظري شي وهي تحليل ذبحة العقور - واله فكره يابو عايض (دخلت في راسه)

[الفرساني]

خشم طويق ما كل من فيه ناب صار ذيب ؛؛ ولا كل من فيه مخلب صار حر . حتى النسور فيها مخالب
ولا كل من نبت له شارب يسمى رجال ؛؛ ولا كل من تكلم ينسمع له .

خشم طويق شخبطاتك نبحر فيها وكل يسبح بخياله في جهه ما فيها الا هو .

( والمعنى في بطن الشاعر )



كل ينظر بمنظور مختلف تماما ً عن غيره .


أنت مبدع يا خشم طويق حتى في شخبطاتك الي تودي بعيـــــــــــــــــــــــــــد

لاكن الكلب والشايب ديارهم بعيده ..( قصدت تقديم الكلب علــى الشايب



تقبل مرووووري ؛؛

ودمت بود

[خشم طويق]

كلام كبيييييييير يالفرساني

وحقائق الناب والمخلاب .. واقع

لكن ترا - الشايب ما يستاهل .. مخدوع في كلبه وماخذ فيه مقلب فقط

لاهنت ولا شنت

[العبدآني]

يعطيك العافيه ع الطرح الرااائع

داام شخصك ~ْ

[الواااصل]

ااااااااااااااااااارحب ياخشم طويق بصراااحه قصه جميله وفيها شيء يحاكي
واقعنا اليوم وهي ان صااااحب الصووت الرفيع او من ينتهج خذوهم بالصوووت
دائما مايفشل عند المواجهه والمواجهة الاولى تحديدا شكرا لك وتقبل مروري
وودي دمت ودااااام قلمك ينثر الابدااااع

[خشم طويق]

فهد العاطفي شرفني مرورررك - رفعت موضوع مرّ على وضعه هنا سنه وكأنك تنتظر هذا التاريخ

مع العلم انه كتب منذو زمن .... لاهنت على تصفحك الرائع ....


الواصل جميل ما تداخلت به وطرقت جانب من جوانب الموضوع لك منى كل التقدير والاحترام

رأي صائي أخي الواصل .. شرفني مرورك

تقديري