الــبــارحــــه

[عبدالله محمد العاطفي]

البارحـة والنـاس فـي حلوالمنـام ****عيني سهيرة ماهنـت فـي نومهـا

أجاذب الونـات وضلوعـي حطـام ****تشب فيها النـار حسـب اهمومهـا

وأنا همومـي زودت فـي السقـام****ماغيـر أحايلهـا علـى منظومهـا

ماهوب من خـلٍ ذبحنـي بالغـرام ****وأركا على كبـدي وزاد اوسومهـا

من هالزمن يومه عرض لي بالسهام ****شف حالتي مـن صكتـه مالومهـا

وقتٍ يشيب الورع في سـن الفطـام ****كيف الرجال اللي جـزال اعلومهـا

تغيـرت فيـه المفاهيـم العـظـام ****وضاعت تقاليـد العـرب وسلومهـا

شوفوا معالم وقفتـي مثـل الغمـام ****اللي ريـاح الوقـت ضـد اقدومهـا

تلفهـا لفـه وتودعـهـا ركــام ****وتغيـب مايبقـى ولـو ارسومهـا

وقتٍ رياحـه ضـد عاليـن المقـام- ****تنفض جزيل العرف ليـن يرومهـا

من برق بوقتـه ويطمـح بالسنـام ****يعذر منه من عقب وقـع اسهومهـا

ماهيب إله للـي يخالـف فالنظـام ****ونفسه على درب البلاسـه هومهـا

حزنت لجل اللـي طموحـه للأمـام ****اللي على الطالـه لحـم ملحومهـا

واليوم في وجهـه تعكـر وانقسـام ****بعـد الخلايـق غيـرت مفهومهـا

[فرج العاطفي]

شبح الله يعطيك العافيه ومشكور على القصيده المميزه وصح الله لسانك ولسان شاعرها


تقديري

[مايكبرني لقب]

السلام عليكم ورحمة الله وبركاته

شبح تغيب وتحضر بكل ماتملك من مخزون الابداااااااع لاهنت على هالقصيده لاتحرمنا ابداعك يالغالي

تقديري

[ابوعدي]

ارحب ياشبح
صح اللسان الشاعر والله لايهينك على النقل الرئع
مبدع يالشبح جعلك تسلم
سلمت ودمت
تقديري

[عبدالله محمد العاطفي]

الله لايهينكم على المرور العطر ويعطيكم الف عافيه
والابداع مروركم

[هداج العاطفي]

السلام عليكم ورحمة الله وبركاته
شبح صح الله الساانك

ولاهنت على النقل الاكثر من رائع

تقديري

[عبدالله محمد العاطفي]

صح بدنكـ، يااا هدااج ومروركــ، اروع